السلام عليكم اسفة انى اتاخرت فى الرد النت كان فاصل عندى والله الزوايا اتظبطت للحمد لله بس حاسة بردة انها بتعوم شوية وخصوصا فى الملفات يا ترى جنوط الجيتز الاصلية بتتباع فين لان عندى ناقصة واحدة وبكام
عرض للطباعة
اعتقد والله اعلم ان الجنط الاصلي ده غالي واكيد عند غبور واكيد غبور هايبقى طالب فيه مبلغ محترم . على العموم لو لقيت في سكتي هاسالك .
موضوع العومان بتاع العربية ده ممكن يبقى مقصات او مساعدين .
لو اي منهما الاسعار كالتالي :
- مقص اصلي 400 الواحد من عند الشرقاوي في جسر السويس او محمد عاصم شارع دمشق.
- مقص كوري تقليد 250 الواحد من عند نافع شارع دمشق.
- المساعدين الاصلي امامي 750 الواحد خلفي 690 او 650 مش فاكر بالظبط .
الاسعار دي كلها انا اشتريت بيها . ولسة جايب المقصات من اسبوع
الحمد لله ربنا كرمني وأشتريت جيتز 2005 1300 سي سي :shine[1]:
ماشاء الله العربية حلوة فعلاً، بقالها معايا شهر وعملتلها صيانة طقم دبرياج إمبارح عند المهندس هاني، والعربية رجعت جديدة بجد وسحبها بقى حاجة تانية خالص، مش عارف أنا الـ 1600 تبقى عاملة إزاي؟:shyy:
وبالمناسبة كنت عاوز أنوه أن الموديل بتاعي 2005 بياخد نفس طقم الـ 1600 سي سي.
صباح الخير يا جماعة يارب يكون فى حد موجود يفدنى
انا بدور العربية الصبح لاقيت الدريكسيون حجر حركت العربية ووبص تحتها لقيت الكاوتش ال ورا يمين تحته زيت كتير ففتحت الكابوت لاقيت الزيت بتاع الباور كله تحت العلبة متغرق خالص ففتحت الغطا لاقيت العلبة بتاعه زيت الباور فاضية خالص وكلها مدلوقة والعربية بتنقط بس من الجنب اليمين بس
يا ترى دا عيب العلبة نفسها ولا الخرطوم واخبار الاسعار اية
ده كده عيب خرطوم مش اكتر بس تقدتى تقولى انهى خرطوم فيهم اللى بايظ و انا افيدك اذا كان متوفر ولا لآ و سعره كام هل العربيه 1600 و لا 1300 عموما لو كاوتش امره سهل و بيتوفق و بيركب عليه حاجات الفيرنا لو هيه 1600