موجود الفرش الاصلى بتاعهــا فى شارع دمشق بنفس الخامة بالظبط
أنا عملتة من شهريين أمام بنزينة التعاون بالظبط الناحية التانية من السجان وتقريبا ب 300 جنية
وكان فى منة اللون الاحمر والازرق اللى هما الاصلى
عرض للطباعة
ازيكو يا جيتزاوية
وحشتووووووووووووووووني اخر حاجة ووحشني الكلام هنا
عايزين نرجع تاني بقى وترجع المياه لمجاريها بالروح الجديدة اللى احنا فيها بعد الثورة .
في الفترة اللى فاتت دي عربيتي حصلها شوية حاجات
اولا
بدات العربية وانا ماشي في الطريق واجي امور العربية مثلا لو داخل على اشارة او الطريق بيقف ( كالعادة ) الاقي العربية تبطل . ( ده مكانش بيحصل بصفة دائمة وانما كل 4 ايام مرة مثلا )
طبعا بضطر اركن على جنب ( زق طبعا ) واقعد ادور في العربية . انها تدور ,,,,, ابداً .
يهديكي يرضيكي ,,,,, ابداً
طبعا بديهي اني بفتح الكبوت ولكن ( قروي ساذج بهرته اضواء المدينة ) مش فاهم اي حاجة . اهز كل السلوك والبوجيهات وافضل ابص للموتور كده واقعد اقول هو في ايه؟
المهم بعد ربع ساعة كده من المحاولات تدور العربية ولا كأن في اي مشكلة . واطفي وادور تدور عادي جدا ومن اول سنة مارش كعادتها يعني وامشي بالعربية يوم واتنين وتلاتة واربعة وممكن اليوم الخامس تعمل نفس الحركة .
بصراحة مكدبش عليكوا انا خفت لحسن تعملها في يوم بليل وانا على الطريق الدائري ومعايا مراتي . وبصراحة الدائري سمعت عنه مالذ وطاب الفترة اللى فاتت لدرجة ان الواحد بقى بيقلق يمشي عليه الصبح .
العربية عملت معايا الحركة حوالى 3 مرات فقررت اني اروح اشوف المشكلة .
روحت كشفت على العربية وحطوها على الجهاز مافيش مشاكل خالص . بوجيهات سليمة , سلوك سليمة , بطارية جديدة , كله تمام.
قالولي انها 90% طرمبة النبزين لكن ماينفعش حد يجزم انها هي اللى بايظة غير اذا روحت لهم بالعربية وهي قاطعة كده وساعتها هايكشفوا على الطرمبة . ( طبعا عند امه يا ادهم )
قولت اروح اسال في حتة تانية وللاسف كل الناس قالتلي انها الطرمبة .
المهم اتعورت في 850 جنيه وغيرت طرمبة البنزين من حوالى 10 ايام مثلا والحمد لله لغاية دلوقتي ماشية كويس .
ثانيا
ريموت جهاز الانذار بتاع العربية كان ضاع مني واحد بمفتاحه واتبقى معايا واحد . اللى اتبقى معايا ده بصراحة اتهان جامد اوي وحاله بقى لا يسر عدو ولا حبيب . ووصل بيه الحال في اخر ايامه انه لا بيفتح ولا بيقفل والريموت بقى عبارة عن حتة بلاستيك . فنزلت على شارع دمشق وركبت جهاز انذار كامل جديد وبالمرة ركبت وحدة رفع للزجاج الخلفي ( انا كنت مركب للزجاج الامامي ) .
الاسعار كالاتي
جهاز الانذار 240 بالتركيب نوعه foma
عمل مفتاح بالريموت 20 للمفتاح ( انا عملت 2 )
وحدة رفع 75 بالتركيب نوعها wolf
ودي حكايتي الفترة اللى فاتت
وانتوا ايه اخباركوا ؟؟؟
فين الناس
الموضوع هايتقفل يا شباب
انتوا فيييييييين؟
انا معاك يا مادا
عايزين نرجع الميه لمواسيرها بقا و نرجع نتكلم
حمدلله على السلامه. ابقا احكيلنا بقا اخبارك ايه و اخبار الساوند سيستم الجديد ايه بالتفصيل علشان انا فى حيره و كنت مستنى حد معاه جيتز اعمل زيه
لا تحتار ولا حاجة
دوس يا معلم
الموضوع ممتع جدا وهايخليك تحب العربية من جديد . انا بقيت بتلكك عشان اعمل اي مشوار .
انا ان شاء الله هاصور العدة وهي راكبة وانزل الصور هنا ونرجع تاني بقى .
عايزين نشتري الاستيكر بتاع المنتدى عشان عيب كده اوي . انا بشوف ناس في الشارع حاطاه على عربياتها ومعاه كمان اسم الجروب بتاعهم . عايزين يعملولنا واحد احنا كمان ونحط عليه getz club or getz team بس لازم اقل حاجة 10استيكر . فين الناااااااااااااااااااااا ااااااااااااااااااااااااا اااااااااااااااااس؟
فكره حلوه الاستيكر و انا دايس معاك بس شكل مفيش غيرنا كده
انا جيتزاوى من اخر 2008 و اول مرة ادخل على الموقع كنت بدور على حاجة زى كده انا مبسوط اوى بالمجهود الرائع بتاعكم و ربنا يخليلنا الجيتزات بتاعتنا
بالمناسبة انا مسمى جيتزتى رشيدة
اهلا و سهلا منورنا و ربنا يخليلك رشيده . انا مسميها جى جى مش عارف ليه تحس انها عربيه مزه هههههههههه
اديلنا بقا تقرير عن عربيتك عامله ايه معاك و ايه العيوب اللى ظهر فيها بما انها 2008 لأن عربيتى 2010 و لسا طبعا مفيش اى عيوب ظاهره عندى لأنى مكملتش 7000 km بس هو اللى مضايقنى الثبات بس و ان شاء الله اغيرلها جنوط و تتحل غير كده لسا مفيش اى مشاكل.. منورنا مره تانيه
مادا يا كبييير واحشنى جدا
هى الدنيا نامت كدة ليييه ؟؟؟
انا اخيرا لقيت الفوجات و اشترتهم و بكرة هرفعلك تقرير نووى لما انزل اركبهم ان شاء الله ...
اهلا بيك يا باشا ونورت الجروب بتاعنا
بالنسبة للاسم انا مسمي عربيتي زقزوقة
واهلا بيك مرة تانية ومستنيين التقرير
وانت كمان وحشني والله
ياريت نرجع تاني بقى وننشط كده عشان المجهود بتاعنا مايروحش هدر . وياريت تقولي بقى الفوجات منين وبكام واخبارها ايه وهاتركبها على نور عادي ولا زينون والصور فين وكل حاجة .
اخبار موضوع الاستيكر معاك ايه ؟؟؟؟ عايزين نعمل شعار للجروب بتاعنا نسميه getz club ايه رايك ؟ وايه رايكوا جميعا ؟؟؟؟
وياريت تشوفو الخصومات اللى هانستفيد بيه الما يكون شعار نايل موتورز على العربية