سؤال مهم جدا على فكرة
اولا قبل مابدأ ارد في خبر هايخلينا كلنا لا نندم على شراء الجيتز وهي ان الجيتز دلوقتي زيرو مانيوال بدون فتحة سعرها 82900 ( على موقع كونتاكت كارز ) يعني العربية بتغلى وسعرها في الطالع وده شيء مهم لينا عشان سعر اعادة البيع خصوصا ان الجيتز من 2006 الى الان لا يوجد بها اي تعديل .
ثانيا ليه الفيرنا فيها اوبشن ؟؟؟؟؟؟
الفيرنا عربية مجمعه في مصر . طيب يعني ايه عربية مجمعه في مصر ؟؟؟؟
يعني الاتي :
- الفرش مصري مصنوع في مصنع في العاشر من رمضان .
- كاوتش الابواب والزجاج والشنطة والكبوت مصري .
- الدهان يتم في مصر .
- الجنوط الحديد مصري .
- الزجاج مصري ( مصنع جريش ) .
- التقفيل والتجميع بواسطة عمال مصريين ( يعني لو في سم او ملم فارق مش قصة يعني )
الفيرنا بشهادة مهندسين غبور وصل التصينع المحلي فيها الى 35% عشان كده مش هايفرق معاه لما يجيب مسند يد الكرسي واستوب الفرامل وشوية حجات يعادل بيها موضوع التجميع ده .
ودلوقتي ليكي الاختيار مابين سيارة مصنوعة كليا في كوريا وخارجة من المصنع هناك واخدة علامة الجودة ( ok) بس من غير شوية اوبشن ولا تتصنع هنا ويكرمك بشوية اوبشن ممكن انك تركبيها من عند اي محل اكسسوار ؟ ؟
بالنسبة للحاجات اللى مضايقاني من الاوبشن هي
- عدم امكانية فتح الشنطة من الداخل ( خصوصا لما تبقى داخل جراج سيتي ستارز مثلا بحس ان انا الوحيد اللى بينزل يفتح الشنطة بنفسه )
- عدم وجود مرايات في الشماسات ( عشان المدام مش ليا )
- عدم وجوت فوجاااااااااااااااااااااا ااااااااااات ودي حاجة مجنناني اوي اوي اوي
وكل سنة وكل الجيتزاوية بخير وياريت نرجع تاني احسن من الاول .