فين يا باشا المركز اللي انت عملت فيه الصيانة وقاللك على الحل ده
والحل ده كلفك كام
ولو جلدة القاعدة اساسا مشققة، هل ينفع معاها الحل ده والا لازم قاعدة جديدة الأول؟؟؟؟
عرض للطباعة
جماعة السلام عليكم ورحمة الله وبركاته..............
كل عام وانتم بخير جميعا
انا اكيد زى زيكو كلكو بعانى من رجة المكنة الصبح وبعد ما العربية تسخن شوية وابدا امشى برضه بكون لسه بحس بالرجة حتى وانا بفرمل ساعات بحسها اوى لكن ساعات زى النهارده بعد ما عملت بالعربية مشاوير كتيرة معنتش حاسس بحاجة خالص الموتور بقى هادى بقى معرفش ليه وكمان بالليل مش بحس بحاجة خالص ايه الحل للرجة دى ياجماعة؟
كمان نور الكونتاك فى جزئية عداد السرعة بقى ضعيف جدا معرفش ده ايه بس هل ده نور بيتغير ولا ايه بالضبط؟
محتاج اجابتكم ضرورى
الكلام ده اتعمل في مودرن سيرفيس اللي هوا قبل السندباد .. واللي عملهالي اسموا المهندس عمرو
وبعد تجرية 3 ايام العربية فرقت جااامد الحمدلله
معلش يا مادا باشا بس فين ممكن الاقي قطع غيار اصلية
عشان في صيانة ال 30000 كلفتني 860 جنيه (260 زيت 10000 - 341 تيل فرامل امامي و25 جنيه مصنعية للتيل - 231 جنيه مصنعية ) انا روحت شارع دمشق قبل كده بس ما توفقتش في واحد بيبيع حاجة اصلية ومضمون وبخاف ربنا
وطلب تاني لو حد يعرف مكان بيبيع فوانيس امامية وخلفية (مش لازم تبقى اصلية ) عشان لو الواحد حب يعدل في الفانوس ما يعدلش على الاصلي
يا جماعه اخرة حوار قاعدة المتور دي اية و القاعدة الجديدة تتكلف كام و هو في منها استيراد ولا كله المضروب اللي في السوق ؟
انا ناوي اجيب قعدة متور ولا استني ولا اية
و كمان عايز اغير حجات في الكوبلن
محدش يعرف ميكانيكي كويس ونبي انا اول مرة مع الهونداي انا كنت بتعامل مع واحد متخصص في اوبل بس هل في في هنداي كدة ولا ميكانيكية علي ما تفرج
و الباشا اللي قال ان في واحد قال بيرفع المتور هل ممكن يتكرم و يقولنا اتكف كام معاه و يقولنا فين بعد اذنة ؟
انا اصلا بتاع اوبل الله يخربيت هونداي
اولا حمدالله على سلامتك يا حج محمد
وبلاش الغيبة الطويلة دي وتبقى طمنا عليك
ثانيا يا باشا في حاجة اسمها لا يصح الا الصحيح .
اكيد طبعا في حلول ممكن تكون مفيدة لكن في النهاية برضه لا يصح الا الصحيح .
الرجة اللى بتحصل في العربية دي مشكلتها القاعدة . والجيتز معروف عنها انها ان اللى بيبوظ فيها القاعدة الكبيرة اللى تحت الكاتينة .
انا غيرتها والرجة اختفت تماما والعربية الحمد لله رجعت زي مكانت وفي جميع الاوقات حتى ايام البرد والصبح بدري .
في حل زي ماقال الاستاذ abdullah ahmed بس اعتقد انه برده حل مؤقت لكن ممكن تجربه لغاية لما تجيب قاعدة جديدة .
القاعدة دي عبارة عن كاوتش وبداخله زيت وعشان كده القاعدة دي هي اغلى واحدة فيهم كلهم . لما بتدور العربية الصبح بدري وخصوصا في الشتاء بيكون الكاوتش ناشف من السقعه والزيت برده بارد وعشان كده بتحس برجه الموتور في العربية كلها . لما بتمشي شوية ويبدأ الموتور يسخن وبالتالي حرارة الموتور بتسخن القاعدة والزيت اللى جواها بتبدأ تختفى الرجة لان الكاوتش بتاع القاعدة طري , وده معناه ان القاعدة باظت ومحتاجة تتغير ( ده كلام مهندس في التوكيل ) .
موضوع نور الكونتاكت في التابلوه ده محتاج حد متخصص عشان مافتيش . انا اخري ممكن اقولك ان البطارية ضعفت مثلا .
انت لو في القاهرة كلمني وانا هابعتك عند حد هايظبطلك الحوار ده .
للاسف انت مضطر تروح تعمل الصيانة في التوكيل عشان الضمان . خصوصا ان العربية بتاعتك لسة في الثلاثينات من عمرها . وبعدين انت جاي تشتكي من صيانة الـ 30 الف . اومال هاتعمل ايه في صيانة ال40 و ال 60 .
للاسف يا باشا احنا بنشتري الضمان بالفلوس دي .
اعرف واحد معاه فيرنا مكانش بيروح صيانات كتير وحصل عطل عنده في الفتيس ( عيب صناعه) قالوله انه مش منتظم في الضمان وخرج منه وعشان يدخل الضمان تاني لازم يعمل حاجة اسمها مصالحة مع الضمان . يعني يدفع مبلغ معين عشان يدخل تاني الضمان .
فنصيحة مني بلاش وحاول على قد ماتقدر تخليك داخل الضمان .
اماكن قطع الغيار في عندك في شارع جسر السويس عند حديقة بدر كده هاتلاقي حوالى اربع محلات ( اوتو عمرو - الفهد - الشرقاوي ) وفي اتنين كمان كده بس مش فاكر اساميهم بصراحة .
فوانيس للاسف معنديش فكرة .
مع انك غلطت في الهيونداي بس مقارنة بالاوبل مش هاقدر افتح بقى .
بس عايز اقولك ان الدنيا بالنسبة للميكانيكة افضل بكتير من الاوبل لان الهيونداي عربية دارجة في السوق ومنتشرة اكتر من اي عربية تانية وخصوصا الالماني وعشان كده هاتلاقي ميكانيكية كتير ومتخصصين كتير . وخش على الخاص عندك هاتلاقي رسالة فيها المفيد .
بالنسبة لقاعدة الموتور سعرها في التوكيل حوالى 900 جنيه .
وفي بره في السوق نفس القاعدة وصناعة كوري بس مش غبور !!!!! ( في السوق في قطع غيار يوقلك دي كوري توكيل وفي حاجة تانية يقولك دي كوري بس ايه الفرق بقى ده حوااااار طويل اوي ) .
القاعدة اللى بره دي سعرها حوالى 350 او 400 وانا مشكتها في ايدي بصراحة ومالقتش اي فرق . ممكن يكون الفرق داخليا بقى الله اعلم .
ودي بتتباع في جسر السويس اعتقد بس مش عارف عند مين بالظبط .