مادا احنا فى هيونداى بنتقابل كل اسبوع تقريباً
رقمى اهه
بجد نفسى اتعرف عليك
01110247080
ابقى اتصل بيا او ابعتلى رقمك
عرض للطباعة
يا جيتزاوية ...
عايزين نشوفكوا في مقابلات هيونداي تيم الاسبوعية
كمان عايزين مقابلة للجيتزاوية قريب قبل رمضان
أنا بلقترح يوم جمعة أو سبت أخر النهار بس مش الاسبوع ده علشان أحتمال أكون خارج مصر
في أحدي الاماكن التالية :
1- محطة امارات مصر المعادي
2- محطة موبيل الاوتوستراد امام مدخل مطار القاهرة fji
أيه رأيكوا و مين قال جاي
السلام عليكم ... ازيكوا يا جيتزاويه :d ... انا محمد ... معايا جيتز 2011 و عامله 48 الف كيلو ... ( محدش يقولى كتير عشان عارف و مخنوق :d ) و الحمد لله مغير الجنب اليمين قبل كده مرتين :d ... اول مره مرسيدس دخلت فى البابين اللى جمب السواق و اتغيروا فى التامين و اكتشفت بعد كده انهم متغيروش ( كارفان الرحاب ) و تانى مره نص نقل دخلت فى نفس البابين و عملتهم فى الحرفيين ... اشتريت باب امامى و الباب الخلفى اتسمكر ... و اتكلفت 1200 جنيه ساعتها ... بس الحمد لله طلعت زيرو ... و لسه مغير تيل الفرامل الامامى من اسبوع جبته من غبور شارع دمشق ب 320 جنيه ... و التركيب 15 جنيه ... عند المحل اللى قدامه ... و دلوقتى العربيه بتاكل بنزين كتير جدا ... مش زى الاول ... انا قبل كده كنت مغير البوجيهات ( فى صيانه ال 25 الف كيلو فى التوكيل فى فرع قليوب ) و لما سالت فى التوكيل دلوقتى قالى لازم تغير بوجيهات تانى و اغير فلتر البنزين و عرفت ان الفلتر بتاع البنزين فى التانك او فى العوامه مش فاكر بالظبط و فى ناس كتير خوفتنى من الموضوع ده فمش عارف اعمله فى التوكيل و امرى لله و لا فى حد مضمون بره حد منكوا غير عنده الفلتر قبل كده و لا لا ... و انا سالت عليه فى التوكيل غبور شارع دمشق برضو قالى ب 171 جنيه ... و عند البطل اللى فى دمشق برضو ب 160 و تركيب 40 جنيه ... على فكره اللى عنده اى مشكله فى المرايا ممكن يعملها عند البطل بيصلحها و بيخليها ميه ميه بصراحه ... المرايا اليمين ( مش عارف ايه المشكله بتاعت الجنب اليمين ديه عاوز ابخره :d ) بتاعتى كانت مكسوره من جوه الانتامونيا و هو خلاها زيرو و اخد 100 جنيه .... و ان شاء الله هاتابع معاكوا على طول و اللى محتاج اى حاجه خاصه بالكمبيوتر و اللابات انا تحت امره ....
اخوكوا محمد ...
انا عضوة جديدة فى الجيتزاوية لسه شارية من كام يوم الجيتز
الحلوة بس خايفة وحاطة ايدى على قلبى خايفة تكون تكاليفها عالية
بس هى ماشاء الله حلوة ..
كنت عاوزة استفيد منكم اين اماكن الجيدة للصيانة
عندى الاريال بيتخلخلخ وعاوزة اثبته ففكاته ومش عارفةالخطو اللى بعدها ايه ..ممكن تقبلونى صديقة جيتزاوية جددية:openflower3::openflower3:
مرحبا بيكي مش بس في نادي الجيتز و لكن في قسم نجوم هيونداي و ان شاء الله تضيفي الينا مثلما يضيف النجوم أليكي
بالنسبة للجيتز ألف مبروك و ربنا يبارك لك فيها و يحفظها لك من كل سوء
بس ياريت حضرتك تقولي لنا مواصفاتها و الموديل
بالنسبة للصيانة : ياريت حضرتك تحددي لنا مكان السكن او العمل علشان نقدر نقولك أقرب مركز خدمة كويس
أهلا بحضرتك يا باشمهندس سمير ..انا سعيدة بوجودى مع حضراتكو نادى الجيتز وقسم نجوم هيونداى..:wink:
الله يبارك فيك ..انا فرحانة بالعربية اوى الحمد لله وماشاء الله والف حمد وشكر لله تعالى
هى موديل 2008 ومواصفاتها زجاج كهرباء وتكييف و راديو سى دى و فرامل اى بى اس وباور .. والف حمد وشكر لربنا ..انا حبيتها اوى ..1600 سى سى.. عاملة 58000 كيلو
:B4_048:
انا ساكنة فى الجيزة وشغلى فى المعادى
والحقيقة انا اخدتها وعاوزة اصونها واتابعها واحافظ عليها فى مواعيدها ...
شكرا مرة تانية لاهتمام حضرتك .. :w6266d
الله يبارك لك فيها و يحفظها لك و خلي بالك العربية جراية فقودي بحذر أرجوكي
نفس الوصية باوصيها لزوجتي اللي معاها نفس العربية
بصي بقي :
بالنسبة للصيانة عندك في المعادي ألفا أوتو أنا جربته و هو مركز كويس جدا
أما الجيزة فلا أعرف مراكز هناك جيدة يمكن الاخوة في نادي الجيتز أو القسم من سكان الجيزة يفيدوكي اكثر لكن لو مش بعيد عليكي انصحك بالتوكيل في ابو رواش
و مرحبا بيكي مرة اخري نجمة جديدة في قسم النجوم و تشرفينا دائما في القسم و مقابلات المنتدي
و منتظرين منك تقرير تقولي لنا فيه تقييمك و انطباعاتك عن العربية