كل سنه و انتم طيبين يا جتزاويه و رمضان كرييييييييم
عرض للطباعة
كل سنه و انتم طيبين يا جتزاويه و رمضان كرييييييييم
كل سنه و انتو طيبين ... رمضان كريم ...
كل سنه وانتم بخير يا رجاله
ورمضان كريم
كل سنة و انتوا طيبين و رمضان كريم
و مش ناويين تتقابلوا بقي ؟
ايه رأيكوا في مقابلة بعد الأفطار و صلاة التراويح كده يوم الخميس القادم ؟
اخر الاخبار مع زئرده ( صيانة ال 50.000 الف ) فى مركز توب جير :
------------
طبعا انا قلت فرصة قبل رمضان اعمل الصيانة بدرى بدرى علشان الناس كلها بتبقى مفنيخة خالص فى رمضان
انا عارف ان العربية محتاجة تيل خلفى من الصيانة الى فاتت فنزلت ادور عليه ملقتش و الى لقيت عندوا مستريحتش للكلام خالص و فى بقه ناس تالته بتقول لا ده تيل الفيرنا !!! المهم و بعد لف قررت و امرى لله انى اشتريه من موزع غبور و فعلا كلمته قالى هو مش موجود بس هجيبه بكره و هكلمك و فعلا تانى يوم كلمنى و قالى جبته و فعلا رحتله و جبت التيل ب 290 جنية و كمان اشتريت اللب الفبر الى بتبقى فى الاكصدام الى قدام ودى بقه ب 132 جنية ...
واتجهت على مركز توب جير بناء على الميعاد المتفق عليه مع المهندس محمد فضالى
وبدأنا الشغل و غيرنا التيل الخلفى و بعدين بعتنى لخراط ممتاز الى بيتعامل معاه المركز و خدت الطنابير شعره نضافة لا تذكر خالص وخد الراجل 30 جنية و رجعت ركبنا الطنابير و رجلشنا و قفلنا ورا ... و بعدين حطيت اضافة لكوى مولى بتاعة الفتيس MOS2 و هو محسن اداء لزيت الفتيس و بيرفع الاداء بتاع الفتيس .. و ده ب 45 جنية و ده بيتحط من الطبه بتاعة زيت الفتيس
http://ecx.images-amazon.com/images/...500_AA300_.jpg
و خلصنا و بعدين دخلنا العفشة و ربطنا و الحمد لله مفيش حاجة كانت مفكوكة كله حاجات خفيفةو بعدين دخلنا على الكبوت و شيكنا على السوائل و الزيوت ومغيرتش زيت الموتور علشان انا مغير زيت لكوى مولى توب تك فى الصيانة الى فاتت و لسه معاده مجاش هو بيقعد 10000كم ... وخدنا الموتور بالهواء ونضفنا فلتر الهواء وبعدين غسلنا الموتور بالفوم ورجع جديد وركبنا اللب بتاعة الاكصدام وخلصنا و الحمد لله ....
اجمالى التكاليف :
========
290 تيل خلفى
132 ليب الاكصدام
45 محسن زيت فتيس لكوى مولى MOS2
---------
المصنعيات : 80 جنية
50 جنية مصنعيات المركز و الصيانة
30 جنية للخراط
-------------------------
اجمالى : 547 جنية
تمام كده
ياريت يا جماعة لو فيه تقرير صيانة كامل منفصل علشان ننزله ضمن فهرس موضوعات الجيتز
وانتوا طيبين يا رجالة ويارب يكون خير علينا وعلى بلدنا اللهم امين .
موضوع المقابلة دي لو يبقى يوم الجمعه او السبت يبقى احسن لاني مش فاضي يوم الخميس او اي يوم . لكن لو مش هاينفع خلاص تقابلوا انتوا .