Getz Club

**ABDULLAH AHMED** · 18-12-2010 12:58 PM

انا شاري العربية في شهر 10 2007 انا اول يد ومن ساعتها وانا ماشي على جدول الصيانة بس كل 10000 مش 5000 وبغير كل حاجة وفي التوكيل لغاية 80000 كيلو .
بعد كده بصراحة بدأت اهمل شوية موضوع الصيانة وبقيت بهتم بالصيانات اللى في تغيير حاجات مهمة زي صيانة ال 120000 عشان بيتغير فيها سيور وبلي وشدادات وكده . عشان كده معلمتش صيانة من 90000 لغاية 120000 بس بغير انا الزيت والبوجيهات كل 100000 بره .
[SIZE=4][COLOR=blue]

ما شاء الله تبارك الله انت بتعمل في السنة تقريبا 40000 الف كيلو بترووح فين :D
انا الحمدلله العربية بقالها معايا سنة وعامل 19000 كيلو والحمدلله ما فيش مشاكل غير الصبح عشان الجو بيبقى بارد فانت لازم تمشي بالراحة بتاع 5 او 10 دقايق كده وده طبيعي فكل العربيات
حاجة تانية انا بفكر اعمل صيانة ال 20 وال 30 وكده ما اعملش ال صيانة كل 5000 فانت ايه رايك

**mada_76** · 18-12-2010 01:23 PM

المشاركة الأصلية كتبت بواسطة Mr.Aboody

ما شاء الله تبارك الله انت بتعمل في السنة تقريبا 40000 الف كيلو بترووح فين :D
انا الحمدلله العربية بقالها معايا سنة وعامل 19000 كيلو والحمدلله ما فيش مشاكل غير الصبح عشان الجو بيبقى بارد فانت لازم تمشي بالراحة بتاع 5 او 10 دقايق كده وده طبيعي فكل العربيات
حاجة تانية انا بفكر اعمل صيانة ال 20 وال 30 وكده ما اعملش ال صيانة كل 5000 فانت ايه رايك

فعلا انا بعمل كيلو متر كتير عشان انا ساكن في القاهرة الجديدة وشغلي في مدينة نصر وشغل مراتي في الدقي . اعتقد كده وضحت الامور .
ربنا يباركلك في عربيتك وتفضل دايما جديدة كده .
اما موضوع الصيانة ده من الناحية العملية بصراحة انا شايف ان صيانة الخمسات دي مش بيعملوا حاجة غير انهم بيربطوا العفشة ويرجلش الفرامل وده حوار ممكن يتعمل في ورشة بره .
لكن من الناحية الروتينية وخصوصا في بلدنا فانت لازم تعملها عشان الضمان .
كان على ايامي انا يعني من 3 سنين كده غبور مش بيشترط انك لازم تيجي تعمل صيانة كل خمسة وانا سالت مهندس هناك قالي مش لازم بس على الاقل تواظب على ال 10000 او العشرات يعني. بعد لما عملوا موضوع امتداد الضمان الى 100,000 كيلو وباثر رجعى كمان روحت مرة وانا عامل حوالى 62000 كنت بعمل صيانة ال 60000 وكنت عايز اغير الساعة اللى في التابلوه قالي عربيتك في الضمان لغاية 60000 كيلو ومن 60000 لغاية 100,000 الضمان على الفتيس والموتور فقط بشرط انك تكون عامل جميع الصيانات .
عشان كده راي انك تسال الاول قبل ما تاخد الخطوة دي عشان الضمان .

بالمناسبة تعرف قالى الساعة اللى في التابلوه دي بكام ؟؟؟
650 جنيه