الموضوع: Getz Club

المشاركة الأصلية كتبت بواسطة mohab555

سلام عليكم يا رجالة
انا معايا اكسنت 99 و ان شاء الله هبيع و عايز اجيب جيتز اوتو من 2007 و انت طالع و كنت عايز اسأل على شوية حاجات كدة :

1- ايه اخبار الفرامل بصراحة علشان فى ناس بتقول ان فرامل الجيتز مش قد كدة .... من الاخر ( مش بتقف ) نظرا بقوة الموتور و الوزن و بيقولولى فرامل الاكسنت بالنسبة للجيتز فرق السما من الارض ؟؟؟

2- موضوع العزل الخارجى ايه اخبارة ؟؟؟

3- هل فعلا العربية بتسخن كتير زى ما فى ناس بتقول ؟

4- فى ناس بتقولى هات ابيزا 2007 اوتو و هتبقى فى نفس الرنج ايه رأيكو ؟
عايز اجابة بصراحة يا رجالة علشان الواحد كل يوم و انا متأكد انكم هتقولوا كل حاجة بمصداقية تامة ..

تحياتى

السلام عليكم
مافيش حاجة اسمها مش بتقف . بس هو كل بتوع الجيتز كان نفسهم تبقى الفرامل abs لكن مش معنى كده انها وحشة . في عربيات كتير اوي مش abs وبتقف عادي يعني . انصحك انك تحاول تجرب تسوق جيتز قبل ماتجيبها عشان ماحدش يوقلك على حاجة وتعمل بيها من غير ماتجربها .
موضوع العزل عن الموتور ده اعتقد انه مش سيء ومش ممتاز يعني جيد في تقديري لانه عن نفسي ساعات بحس ان في صهد كده داخل على رجلى خصوصا في الصيف والجو نار وانا عامل مشوار طويل اوي بالعربية لكن انا بصراحة بلف كتير اوي وممكن العربية تفضل دايرة حوالى 3 ساعات متواصلة ( داخل البلد وعلى الاول والتاني ) .
وبصراحة موضوع السخونية دي انا مش شايفها خالص والحمد لله عربيتي ماعمرهاش سخنت قبل كده ومع العمل انا بزود المياه بتاعة الرياديتير فقط لا غير كل شهرين مثلا اديها بوء صغير اوي .
لكن بصراحة انا معرفش معلومات عن الابيزا كتير .

المشاركة الأصلية كتبت بواسطة amr_lamor

شباب :)
ازيكم جميعا .....انا كنت نازل النهارده اجيب جيتز 1100 موديل 2005 و كنت ايز اعرف قطع غيارها هيا هيا ال 1600 ولا لأ؟؟
كنت عايز اعرف كمان العربيه ايه ادائها وتمنها في حدود كام ارجو الأجابه

الحقيقة مشعارف بس انت ممكت تتصل بغبور وتسالهم او اي مركز خدمة بتاع هيونداي جنبك ممكن تسالهم وهما اكيد هايدلوك .