الموضوع: Getz Club

المشاركة الأصلية كتبت بواسطة mada_76

اهلا ييكي ونورتي الجروب .
قوليلنا عربيتك اخبارها وموديل كام وعاملة كام الف ومحتاجة ايه ؟
عرفينا عليها يعني .

الجروب.منور بحضراتكم.عربيتي الحمد لله بس عايزة شوية صيانة ومحتاجة حاجات كتيروان شاء الله حعملها عندكو فى القاهرة فى اقرب فرصة لان محدش فاهمها عندنا خالص اولا.موديل٩..٢ اتوماتيك جنط١٥ فتحة سقف يعني فول اوبشن وعاملة .....١ كم ودا اول مشتريتها بس طبعا انا مرحمتهاش وعملت بيها...٤كم فى شهرين بس والله ماشاء الله جميلة ومريحة وبحس انها عايزة تجرى لوحدهاولونها سماوى

المشاركة الأصلية كتبت بواسطة sahor

الجروب.منور بحضراتكم.عربيتي الحمد لله بس عايزة شوية صيانة ومحتاجة حاجات كتيروان شاء الله حعملها عندكو فى القاهرة فى اقرب فرصة لان محدش فاهمها عندنا خالص اولا.موديل٩..٢ اتوماتيك جنط١٥ فتحة سقف يعني فول اوبشن وعاملة .....١ كم ودا اول مشتريتها بس طبعا انا مرحمتهاش وعملت بيها...٤كم فى شهرين بس والله ماشاء الله جميلة ومريحة وبحس انها عايزة تجرى لوحدهاولونها سماوى

ماشاء الله عريتك لسة جديدة .
انا عربيتي اصلها كبيرة الجروب 236000 كيلو . بس بصراحة احنا راكبين عربيه محترمة واصيلة .
ربنا يباركلك فيها

المشاركة الأصلية كتبت بواسطة georock

ياه يا مادا دى عربيتك عجزت أوى
أحنا نسميها بقى الحاجة جيتز
أنا متابعك من أول صقحة فى الجروب
معاك خالد مصرى مقيم بقطر
معايا جيتز موديل 2007 شاريها أستعمال كانت عاملة 37500 كم
على فكرة الجيتز فى قطر 1400 سى سى بس و بصراحة أنا شايف أنه كفاية عليها وحقولك ليه فى أخر البوست و بينزل فيها وسائد هوائية للسائق و الفوج لايت و نور الأستوب اللى فى الشنطة و الشنطة بتفتح مع السنتر والجنط 15 أسبور
أقولك بقى ليه 1400 كفاية عليها :-
أولا :- العربية سحبها معقول و ده بيخلى الفرامل بتعرف تلمها بسرعة و بالتالى مافيش شكوى من الفرامل
العربية 97 هورس بور عن 5800 لفة و اللى عرفته من التوكيل عندنا أن الماتور 1600 سى سى المفروض أنه معمول للنسخة اللى بتروح بريطانيا علشان النسخة دى بينزل معاها abs و ebd ووسائد هوائية للراكب الأمامى و السائق و وسائد هوائية فى القوايم علشان العربية تعدى إختبارات الأمان لكن منه لله هبووووور بيشيل كل الأوبشن دى
ثانياً :- عيب قواعد الماتور تقريباً منعدم عندنا تماماً بس معرفش ليه ممكن يكون علشان الجو حر طبيعى عندنا وبالتالى الجلب بتبقى طرية و لاممكن علشان الماتور صغير فيبقى بسبب كده مافيش مشاكل على القواعد ؟؟؟؟؟؟؟؟؟؟

على العموم العربية دلوقتى عاملة 40880 كم و غالباً على الخمسين ألف حروح و أعمل صيانة شاملة أغير السيور و البوجيهات و أخلى التوكيل يبص على القواعد و نشوف حيقول أيه

على فكرة لمبة التشيك أنجن عندنا برده مطفية و عايز أقولك أنها مطفية فى أى عربية هيونداى عندنا قبل 2009

تقبل تحياتى و كل أعضاء الجروب

تحياتي ليك ولكل المصريين اللى في قطر
على فكرة انا روحت قطر قعدت فيها 3 شهور . وشوفت الجيتز عندكو وفرحت انها موجودة في بلد فيها عربيات بنشوفها في المجلات وده يثبت انها عربية كفء وتتحمل ظروف تشغيل شاقة .
كلامك بالنسبة للموتور مقنع جدا وطبعا منه لله غبووور ( مع ان في راي بيقول انهم بيشيلوا الحاجات دي عشان يرخصوا سعر العربية لكن انا مش مقتنع بكده ) .
انا عربيتي فعلا عجزت اوي بس انا بحاول على قد ما اقدر احافظ عليها والحمد لله حالتها كويسة .
وكل ما افكر ابيعها اقول مانا عارف كل مسمار فيها بتاع ايه وكل صوت فيها خارج منين ( معايا من الزيرو ) ولسة هاجيب عربية معرفش صاحبها عمل فيها ايه وصلح ايه وبوظ ايه .
ان شاء الله ربنا يكرم واجيب زيرو تاني .
تحياتي ليك واهلا ليك معانا