الموضوع: دهاليز موبينيل

اولا انا اسف اني مشفتش الموضوع انا كنت داخل دلوقتي اكتبه تاني لأني امبارح باليل حاولت ادور عليه بكل السبل و مكنش موجود, يارب موضوع السيرفر يخلص علي خير قريب ان شاء الله

ثانيا متشكر لكل الاهتمام و الردود دي كلها

المشاركة الأصلية كتبت بواسطة ehab

د. امير
الدقائق المجانية لموبتيل عددها مش 5000 لا عددها 500 بس
شوف اللينك دا بتاع ستار في سياسة الاستخدام العادل لارقام موبينيل المجانية هتلاقيه 500 بس
ط£ظ†ط¸ظ…ط© ط§ظ„طھظˆظپظٹط±

ماهو ده المكتوب لكن للاسف كل ما اسئل يقولو 5000 مش 500 و انا حاسس ان الفاتوره لما بتضرب بتكون بسبب غلطه في حساب الدقائق المجانيه

المشاركة الأصلية كتبت بواسطة fdido26

انا كنت بشتري الكارت ب 120 جنيه يدخل ب 80 جنيه و الدقيقة ب 175 قرش ربنا ينتقم منهم والله علي السرقة دي اللي عيني عينك

كلنا للاسف مرينا بالفتره الحقيره دي من الاستغلال بتاع الشبكتين, انا بحاول امني نفسي ان في مؤتمر الاتصالات القادم سعر الدقيقه ينزل ل 5 قروش و الموبيلات تكون مجانيه او بمبلغ رمزي مع عقود اشتراك لسنه او اتنين زي الناس بره
بس بالنسبه لموبينيل فبيعملو حركه حقيره شويه
لو انت علي نظام و ليكن الو خزعبلات مثلا حيث الدقيقه ب 20 قرش "مثلا"
لو عمل نظام جديد الو برضو اسمه شمهورش و دقيقته ب 10 قروش حضرتك لازم انت اللي تحول علشان تستفاد من العرض, بمعني انك لازم تكون مقطوع بقي وراهم تتابع و كأنك بتشوف نتايج الثانويه العامه

المشاركة الأصلية كتبت بواسطة bedo13

والله انا شايف ترمي الخط خااالص وتجيب خطين..
واحد فودافون فرندز وواحد اتصالات كل الناس او كل الناس بلس..

تفاصيل يا باشا تفاصيل
مش عايز ادخل علي مواقعهم علي النت و اخد الكلام المكتوب و شكرا انا عايز شرح من الواقع العملي لأني بقيت مش بثق فيما هو مكتوب في مواقعهم و بيغيروه كل ما احتاجو لكده و عقود اشتراكنا معاهم عقود اذعان للاسف و ساعتها احنا الغلطانين

انا اضحك عليا في فودافون وموبينيل في نظام الفاتورة وفي الاخر الكروت احسن بكتييييير...

معاك حق تماما في النقطه دي
ماهو لما الكارت يكون حسابه اقل من الخط يبقي فين مميزات الخط؟!!!
لو علي امكانيه عمل المكالمات يبقي اشتري ب 200 جنيه كروت و يكون معايا رصيد متواجد و كبير علشان لو اتزنقت "و كأن مفيش كروت شحن بتتباع كل 10 متر"
بس الكارثه لو السرقه ساعتها تكون من رصيد الشحن!!!

المشاركة الأصلية كتبت بواسطة m.elsheikh

انا كنت على نظام بريمو السنوي
ولما طلبت احول لنظام الكارت المدفوع مقدما ( ألو ) قالوا لي ما ينفعش
و كان الحل اني احول الى نظام ستار لمدة 3 شهور على الاقل وبعدين حولت لنظام ألو
وكان التحويل مجانا بدون مصاريف

ماهي مشكلتي كلها بدأت لما كنت بريمو زي حضرتك و قلت طب ما المصري ده بيتحاسب 8 قروش ادفع انا 30 و 20 قرش ليه بقي و فعلا قالولي مينفعش تحول دايركت من بريمو و لازم تعمل اشتراك شهري ستار 3 شهور علي الاقل
اللي يضحك اني بعد ما اذعنت ليهم و وافقت لقيت انهم بعد شهر تقريبا فتحو التحويل عادي!!!

فعلا تصرفات ساويريس

المشاركة الأصلية كتبت بواسطة د.أحمد السعيد

+1111111111111111
و ب 70 جنيه و تخلص من الابتزاز دا

ممكن الخطوات تفصيلا اروح فين و ابدء ازاي و هل في مده الخدمه هتنقطع؟

المشاركة الأصلية كتبت بواسطة hugan

يا باشا حول اتصالات بنفس الرقم
انا حولت بعد 9 سنين اشتراك معاهم
في فرق رهيب في الحساب بين موبينيل واتصالات

تفاصيل تفاصيل و الموقع بتاع اتصالات مش بيفهمني حاجه و بتوه فيه , يمكن انا من عصر الديناصورات

المشاركة الأصلية كتبت بواسطة egyzizo

ليه فيه اجماع على ان اتصالات أحسن من موبينيل وفودافون؟؟
أحسن فى ايه بالظبط؟

اقولك انا موبينيل اوحش في ايه

طبعا حوار عدم الاهتمام بمصلحه العميل لو عرض نزل بسعر احسن يسيبك انت و حظك اخدت بالك و حولت يبقي فلت مكنش يبقي اديك بتدفع اغلي من الباقي و شكرا

خاصيه الانترنت مش شغاله معايا في كل حته و لما بتشتغل بتعلمني الادب تماما من حيث السرعه