الموضوع: سؤال عن تكلفة الصيانة فى الكويت و البلاد العربية

المشاركة الأصلية كتبت بواسطة ads

انا لو عابز اغير سيور وفلاتر وزيوت ماتور وفتيس وتيل فرامل وكشف على الكومبيوتر فى مركز الكويت والبلاد العربيه لعربيه نوبيرا هلاقى الحجات دى اصليه وياترى اسعرها هتكون اغلى من بره قوى وتكلفه تركيب الحجات دى عندهم هكون بكام

نصيحة لا تذهب الى هذا المركز لانه زبالة و الاسعار فيه الضعف و الخدمة زبالة و ممكن تدخل تصلح شىء و يتلفوا شىء اخر فى السيارة كما حدث معى اثناء الصيانة الدورية للضمان استلمت السيارة منهم و باب الكاسيت مكسور علشان البهوات بيسمعوا الكاسيت و هما بيعملوا صيانة و اتحشر منهم شريط و كسروا باب الكاسيت و عملت معهم مشكلة .
و سمعت من البعض ان مركز ابو رواش كويس فذهبت له لتغير حساس فى الانجكشن و للاسف طلع زبالة ايضا لان البهوات كسروا مسمار فى قلب الانجكشن و هما بيربطوا الحساس الجديد و اضطروا يربطوه بمسمار واحد فقط يا اما يفكوا الانجكشن و يروح عند الخراط علشان يخرجوا نص المسمار اللى اتكسر فيه و طبعا كانوا عايزين يداروا على خيبتهم و لكنى اكتشفت هذه المهزلة حتى المسمار مش عارفين يربطوه كويس شىء مؤسف لا يوجد اى رقابة او فنين على مستوى محترم فى تلك المراكز و كل همهم نهب الناس و للعلم وجدت سعر الحساس الاصلى برا بى 90 جنية و هما ركبوه لى بى 250 جنية شوف الفرق اد اية و خربوا الانجكشن كمان .