hoko_mosha
والله انت عندك حق..!!
وعلي رأي المثل
كل يبكي علي ليلاه..
عرض للطباعة
hoko_mosha
والله انت عندك حق..!!
وعلي رأي المثل
كل يبكي علي ليلاه..
ازاي يعني يا استاذ شوقي الكلام دا؟؟اقتباس:
قرار سليم ويارب يتنفذ فأقرب فرصة لإعدام كل هذه السيارات الكهنة!! وأتمنى يعدموا معاها أى عربية حتى لو موديل 2008 طالما غير مجهزة بمعايير الأمان القياسية فالعالم (وسائد هوائية + فرامل مانعة للانغلاق).
يعني انت يرضيك السنه الجايه مثلا يطبق القانون دا علي موديلات 2009 و ياخدو عربيتك ال 2008 يعدموها؟؟؟.
ياريت لما نفكر في نفسنا نفكر في غيرنا كمان.
يعني لما واحد يكون معاه عربيه مرسيدس ولا 128 موديل 80 و نقوله هاتها و مالكش تركب عربيه دا في شرع مين يعني؟
-1111111111111111 http://www.nilemotors.net/Nile/images/icons/icon13.gif
مع احترامى لراى سعادتك
.........................................
وكمان ياباشا معايير ايه و كشرى
المعايير القياسيه دى للعربيات اللى بتمشى على اسفلت
مش اللى بتمشى على ازفلت ومدقات وبلا ازرق زى عندنا...
والله احنا بالطرق بتاعتنا دى
ملناش حمايه غير ربنا
+11111111111111
فى مثل بيؤلك
اللى ايدو فى الميه مش زى اللى ايدو فى النار
هما عاوزين يعالجو الخطأ بخطأ. يعني وزارة البيئة مش قادرة على بتوع المرور والفحص والغش والرشاوي اللي هناك. هاتتشطر على الغالابة اللي عندهم عربيات قديمة ستراهم وسترة زوجاتهم وبناتهم.
لن يوجد اصلاح بدون ضمير. الله يقيم الدولة العادلة ولو كانت كافرة ويهلك الدولة الظالمة ولو كانت مسلمة.
حسبنا الله ونعم الوكيل. اللهم لا تؤاخذنا بما فعل السفهاء منا
الكلام دة مينفعش فى الملاكى اصلا لان زى ما الاخوه قالو ان دى ملكيه خاصه لكن ممكن يتنفذ على التاكسى و فى تجربه ناجحة فى مصر اتنفذت فى شرم الشيخ و كانت كل العربيات بيجو 7 راكب و حاليا كله تويوتا و ميتسوبيشى و عربيات موديل السنه كله بينقل النمر من عربيته لعربيه زيرو و بيبيع القديمه او يخليها ملاكى بس الفكرة كلها فى انك مينفعش تضيف ضرائب كتيرة وفوائد على العربيه لان كدة مش حينفع مع الناس الى بتاكل عيش من ورا العربيات دى ممكن نعاملهم زى العربيات بتاعت شركات السياحة معفيه من الجمارك و خلافه فيبقى سعرها بسيط و نحط عليها حظر بيع لفترة.
اما بالنسبه للملاكى من رائى اننا نلغى حكايه الفحص كل ثلاث سنوات و نخليه مره كل سنه و بالذات للعربيات الى عدى على تاريخ انتاجها عشر سنوات .
و فى حاجة مهمه اعتقد اتها ممكن تخفض اسعار العربيات و بالذات القديمه منها و دى منفذه فى ايطاليا عرفتها من واحد ايطالى زميلى فى الشغل هما بيزودو الضريبه على العربيه بعد عدد سنوات كل لما تقدم سنه يعنى لو عربيه موديل السنه دى تدفع كل سنه مثلا ضريبه 100 جنيه و بعد مرور خمس سنين تبدا الضريبه تزيد 110 فى السنه السادسه 120 فى السابعة و كدة على اساس انها حاجة ملوثه للبيئه و بكدة العربيات القديمه حترخص لان تكلفة تشغيلها حتزيد
انا قصدي على وزارة البيئة النيجيرية. اصل المرور في نيجيريا اخر فساد ورشاوي والدنيا بايظة.
انما عندنا ما شاء الله الدنيا زي الفل وما فيش حد بيرضى يا خد ولا مليم اكرامية او رشوة. دا حتى كان في وزير واقف بيرخص قبلي والظابط رفض العربية في الفحص قال ايه علشان حاطط استيكر الوزارة على ازاز العربية. ومعاملتهم محترمة جداً.
ربنا يخللنا الحكوما. ينصر دينك يا استاذ...... نفيسا
انا شخصيا لا اعترض علي هذا الاجراء خاصة سيارات التاكسي من نوع " فيات آر ..القردة" ولا الماكسوفيتش وخلافة لان السيارات دي بصراحة مالهاش لازمة وتسبب تلوث في البيئة والجو يعني علي سبيل المثال هنا في قطر كان فية سيارات تاكسي واخدة اللون الابيض والبرتقالي زي تاكسيات اسكندرية ، تم الغاؤها تماما وحلت محلها شركة اسمها كروة عندها اسطول من التاكسيات الجديدة زي التويوتا كامري والفورد والهوندا كلها موديلات 2006-2008. بس انا ضد انهم يصادرو السيارات الاثرية الخاصة لانها في تلك الحالة تعتبر من المقتنيات النادرة الشخصية
السلام عليكم ورحمة الله والله ياجماعه لو القرار اتطبق هيرحمنا من العربيات اللى ليها اكصدمات غريبة وصاجها ناشف اللى عماله تخبط فى العربيات الجديدة وده الحاجة الوحيدة اللى انا شايفها مفيدة فقط
مداخله يارجاله وخدوها بصدر رحب
هو محدش جه فى باله ان اللى راكب عربيه عامله زى الصندوق واللى راكب عربيه شكلها وحش منفسوش يركب عربيه جديدة لا نفسه وبيتمنى بس منين وبكام موظف رنبا كرمه ب 128 بعد محوش تمنها
منين يدفع قسط عربيه جديدة وهو موظفه 800 او 1000 جنيه
ياريت تحسو بالناس اللى عايشه معاكو فى البلد
انا عدندى لانوس
وعندى 128 بروح بيها الشغل اولف بيها وبسيبها للمندوبين ومتقنعنيش انى اجيب عربيه 2008 للمندوب يلف بيها اكيد مش منطقى
برجاء راعو البعد الاجتماعى للناس فى المجتمع دلوقتى
يا جماعة بالراحة كده وواحدة واحدة
1- كلنا عارفين ان البلد دي ممكن يحصل اي حاجة فيها في أي وقت . يعني ماحدش يعتمد على المنطق لانه اكيد مالوش مكان في الحكومة بتاعتنا
2- الموضوع فيه بعد اقتصادي .سيبك من التلوث والبيئة والكلام ده الناس كلها حاطة فلوسها في بنوك والبنوك مشش عارفة تطلع ارباح والبلد مخنوقة وما فيش مشاريع . طب ايه الحل قانون ظريف زي ده يحل المشكلة كلها البنوك تشتغل و تطلع ارباح و تدي الناس فوايد . على فكرة انا الواحد من المتضررين من القانون ده انا بعت عربيتي و خسرت فيها كام الف . حد نزل سوق الجمعة ما فيش ولا عربية بتتباع
ينهار اسود انت مش بتروح ترخص عربيتك ولا ايه؟
لو مش معاك وسطه اللى هيحصل فيك كا التالى
عن تجربه مش كنت زعلان انا وبابا وقلت هرخص عربيتى لوحدى
مبدئيا رحت اجيب شهاده بيانات من مرور العتبه عشان العربيه كانت تبع العتبه وشهاده المخلفات فى يوم كامل مع ان مرور العتبه اسرع مرور عملت فيه مصلحه
رجعت مرور المعادى عشان كنت مصدر ورق المتور ليه قبل ميقسموه 3 مرور
صدرت ورق المتور لمرور حلوان قالى ادامك شهر على الورق ميوصل طبعا اللى هى مده شهاده البيانات والمخلفات
الحمدلله الورق وصل حلوان فى اخر كام يوم فى الشهر
رحت ارخص العربيه بقى وانا سعيد ان الورق جيه
وقفت طاااااااااااببببببببووووو ووووووووووووررررر عربيات (بره) المرور بحجه الساحه مليانه
بعد تقريبا ساعه ونص فى عز الولعه والعربيه بتسلقنى جواها
دخلت الحمدلله على ملقيت مكان فى الساحه الحلوه عدى يجى ربع ساعه
وطابووووووووووووور تانى عشان اجيب ورق الفحص
وطااااااابوووووووووور عشان ياخد منى الورق ويدينى رقم
وموووووووووووت على الفنى ميجيلك وكان واحد بس اللى شغال
جاب رقم المتور والشاسيه والحمدلله
رحت للمهندس قالى عربيتك اللى هناااااااااااااك( البيضه) اللى هناك دى قلتله اه عربيتى اصلا (فضى) ومكتوب فى الورق فضى راح موقع وماضى بس انا الحمدلله عربيتى مفيش فيها حاجه حتى لو كان قام
المهم روح بقى يا معلم لطابور الورق عشان يخده من على الشباك
بعد معناه خده
وبعد معنااااه راح المراجعه
وكانت المفاجئه
قالى فين ورق التامينات؟
قلتله تامينات ايه
التامين الاجبارى
قلتله فين الشباك بتاعها عشان املاه
قلى شباك ايه ؟ ده حضرتك لازم تروح مرور المعادى بسرعه عشان يا دوب فاضل نص ساعه ويقفلوا هناك
قلتله يعنى هتكونوا انتوا قفلتوا هنا
قالى طبعا
المهم اتنيلت على عينى ورحت المعادى
تلاقى ياباشا طابووووووووووووور مش عايز اقولك انه مثلا لا يقل على 300 فرد وقفين على الشباك
طبعا قلت بلا عربيه بلا مرور والشمس ايه يا معلم زى الفل محدش عارف يقف
ليا واحد صحبى شغال فى الشركه فى المركز الرئيسى اتصلت بيه قالى ابعتهالى فاكس بكره وانا اعملهالك
بعتله فاكس وعملها فى عشر دقائق وقابلته ادانى الورق بتاع عربيتى
رحت بقى اليوم اللى بعده للمرور بعد يوم طويل راحت المراجعه
ندانى المراجع وقالى حضرتك رقم المتور اللى مكتوب فى الورق غلط خالص ده رقم المتور القديم
اتارى بتاع الفحص وهو واخد البصمه الجديده وكاتب فى الخانات رقم المتور القديم
قالى فى السريع بقى تاخد نفسك لمرور المعادى وتعمل ملحق للتامينات
تخيل هتقف الطابور الحلو ده تانى
رحت ورجلى فوق رقبتى وانا بعاند نفسى انى هثبت لبابا انى هرخصها من غيره ( مع انه ممكن يرخصهالى بالتليفون )
رحت ياباشا وكنت مضطر رحت واقف فى اول الطابور من الجنب وقلت للناس كلها معلش يا جماعه اانا لسه عامل ورق المتور والرقم غلط هعمل ملحق عشان مقفش الطابور اللى انا وقفته ده تانى (وانا ولا وقفته ولا نيله صحبى اللى عملها ):)
الناس تعاطفت طبعا وقالوا ماشى وعملته بسرعه بس طبعا استنيت لحد ما البيه الموظف راح لرئيس الوحده ورجع يعنى مش كتير نص ساعه بس :)
رجت المرور رحت للمراجع قالى بس فى حاجه المتور اخره فى البصمه مش واضح روح خد بصمه تانى
رحت وعملت بصمه تااااااااانى للمتور ورجعتله
قالى بقى حضرتك فى البصه اخر رقم موجود رقم 5 وفى ورق التامينات فى المتور رقم 9
روح اعملى ملحق تانى لرقم المتور مش عايز اقول ليكوا احساسى ايه ساعتها
المهم عملت اللى عمرى مكنت متخيل انى اعمله
قلتله متعديش قالى تعدى ياباشا قالى تعدى لو عايز وراح فاتح ايده وقالى معاك قلم ازرق؟
قلتله لا قالى كمان ماشى وراح مطلع قلم ازرق من المقلمه اللى فى جيبه وراح عامل ال9 لى 5 طبعا الارقام فى الورق بالعربي
وقالى تمام واضطريت اديله 10 جنيه
قالى روح هات ورقم النمر بقى
رحت لبتاع النمر قالى فكلى النمر القديمه قلته انا اللى هفكها؟
انا رايح ببدله بقى عشان اروح الشغل بعد المرور على انى كنت مستئزن ساعتين قالى مفيش حد يفكها هنا
رحت وطلعت العده من العربيه وفكيت
رحتله قالى ايه ده انت نمرك سوده قلتله اه
قالى لا كده لازم تدفع 30 جنيه تامين زياده
قلتله ليه ده انا هسيب الارقام مش هخدها
قالى هو كده
رحت للخزنه اللى رجلى كانت اخدت عليها بقى
بس رحت وكان عايز شويه طوابع كده المهم الحساب كان 37.5
رحت قالى مفيش فكه اتصرف وفك قلتله يعنى ايه
المهم واحد قاله انا معايا باكوا انصاص خده اهوه عندك دول 41.5
خده عايز اقول الفلوس كانت متاكله 600 مره ومشحمه وكل اللى عايز تقوله قوله
والباشا بيعد فيها ورقه ورقه برقه عشان متتقطعش
ويتلخبط ويرجع من االاول الحوار ده 4 او خمس مرات لحد منفجرت فيه
قتله متدينى ال2.5 بتوعى واتصرف انت معاه بعد كده ده مش مليون جنيه هو كان كتب الوصل وفى ايدى انا ال50 جنيه اللى عايز ادهاله ويدينى الباقى
قالى معنديش فكه وروح فك من اى حته انا مش مسؤل عن انى افكلك وهنا كانت الشراره
انت بتسطعبط انت عارف انت بتقول ايه انت بتاع خزنه يعنى لازم انت اللى تفكلى وانا اعد حاطتت رجل على رجل لو انا فكتلك انت شغلتك ايه هو كل الناس هتبقى جايه مظبطه فلوسها كل مره عشان سيتك متعملش حاجه قالى انا مش عندى فكه استنى لما تجيلى فكه وهتمل ايه يعنى
قلتله ببساطه هلبسك الوصل اللى انت كتبته ده وهروح ادفع الفلوس دى فى اى مكتب بريد والفلوس فى ايدى اهيه والوصل اتكتب وادفعه من جيبك انت بقى
حسيت ان فى تصفيق حاد من الجماهير اللى واقفه على الشباك معايا قلوله هتعمل ايه يا حلو مكان من الاول اديله حاجته وخلاص
قالى معلش ياباشا (فى ثانيه بقيت باشا) واخد الفلوس منى وادانى الباقى ومشيت (بس قلتله معلش الواحد متنرفز شويه ورضيته هو غلبان برضه )
رحت للمراجع تانى بقى
قالى دخلها الكمبيوتر بقى
ودتها الكمبيوتر ومش عايز اقول ليكوا فضلت ملا يقل عن خميس ساعات ورقى جوه
ارحله يقولى هعملها اتاريه الورق الجديد اللى يجي يحطه فوق وعيش يا معلم
مفيش غير فرد واحد وبيكتب بصباع واحد على الكى بورد ويقلب الورق يمين وشمال الف مره ويقع منه الورق على الارض ويرتبه وبهدله
والكهرباء تقطع ويقولى استنى لما ترجع الكهرباء والكمبيوتر يقوم فى سنه
وبعد الخمس سعات دى وانا كنت صايم اصلا فى شوال رحت فطرت من غير محس انى كنت صايم ونسيت
الورق طلع من الكمبيوتر للشباك اللى بيغلف الرخصه فى ساعه واعد يتغلف فى نص ساعه
واستنيت
وقالولى روح خد الارقام بقى
رحت قلت اخدتها بطابور برضه
وقلت ليهم محدش هيركبها طيب دى عايزه تتخرم اساسا عشان جديده قالى روح لاى سمكرى بره يعملهالك
متخيل ممكن اقول ليك ايه لما تقول اعمل ده فى كل سنه
اخد اجازه اسبوع كل سنه عشان ترخيص العربيه بس كئنه مصيف بالظبط
انا عندي احساس كده يا جماعة ان الموضوع ده عبارة عن فكرة غبية و عمرهم ما حيقدروا ينفذوها..... دي الناس تعمل ثورة عليهم !!
volkeswagin إنت لك الجنه يابني عشان تعرف مخاطر أنك تزعل أبوك منك
وأرجع تاني وأقول حسبي الله ونعم الوكيل في دي بلد
volkeswagin
ياه صبرك يا اخي ربنا يكون في عونك بجد .
.................................................
هو حل الموضوع دا
.. انه يتعمل اماكن للفحص بره المرور و يبقي فحص دقيق جدا جدا
و يرعي الحاله الفنيه للعربيه من الكاوتش و الصاج و الكهربا و الموتور و العفشه.
و تبقي المراكز دي في محطات بنزين كبيره
و يبقي الفحص كل سنه علي الملاكي و الاجره و النقل .
..لو فيه مشروع لاحلال العربيات القديمه يبقي حله اللي عاوز يبيع عربيته القديمه و يشتري عربيه جديده بس هو اللي يبيع العربيه و يبعها للحكومه تبيعها بره في دول افريقيا اللي لسه بالنسبه ليهم الفيات 124 قمه الرفاهيه و بالتالي اللييبيع عربيه قديمه قدمه حل من اتنين يا يشتري عربيه جديده يا عربيه مستعمله موديلها مش اقل من 80 مثلا و بكده يبقي حلينا مشكله الموديلات القديمه .
..بالنسبه للتاكسي اجباري كل 20 سنه يتغير بواحد جديد و النمر تتنقل علي العربيه الجديده و العربيه القديمه تتباع برضه للدول الفقيره او تتقطع و تتعمل خرده ومتهيالي التاكسي بيكسب كويس و يقدر كل سنه يعمل مجمع اهلاك 3000 جنيه علشان يقدر يجدد التاكسي بتاعه كل 20 سنه .
.. بالنسبه للعربيات النقل برضه يبقي نفس النظام .
انما تقولي يخدو العربيات اجباري و كده سوري يعني كلام ما يدخلش الدماغ
يارب يجيب نتيجة ونخف بقى من الدخان والعربيات اللي بتعطل كل ربع ساعة
ربنا يكون فى عونك انا لسه مرخص من شهر بس محصلش معايا ده كله
بس هوا حصل معايا حاجه واحد من اللى انتى بتقوله ساعة الفحص الراجل اللى خد بصمه الموتور قالى روح لمهندس الفحص اللى هناك ده روحتلو و قاللى فين عربيتك قلتلو الدايو اللى هناك دى لفلى و قلى عاوز تخلص و لا نفحص بينى و بينك انا مكنتش فاضيلو قلتلو خلص هيا مفيهاش حاجه بس مشكلتى الوقت
هما لو عملو شباك واحد تدفع فيه الرسوم كلها مره واحده تبقى فله لكن هيا رخامه لازم تروح تدفع على حلقات
يا عم الحكومه دي معاها شهادة " معامله أطفال" وممكن تعمل أي حاجه أنا الحق أخبي ال27 بتاعتي أو أضربلها بسبور واسفرها برة . لتروح في الوبا.
أو أتصل بجمعيات حقوق السيارات (زي جمعيات حقوق الحيوان ) وهي تدافع عنها. ورأي الشخصي أن الفيات القديم يعمل إضراب يعني كله يضرب وش سلندر