البقاء لله فى العربيات القديمه

**Ahmad Allawy** · 25-03-2008 10:39 AM

hoko_mosha
والله انت عندك حق..!!
وعلي رأي المثل
كل يبكي علي ليلاه..

**hazem_khidr** · 25-03-2008 03:36 PM

قرار سليم ويارب يتنفذ فأقرب فرصة لإعدام كل هذه السيارات الكهنة!! وأتمنى يعدموا معاها أى عربية حتى لو موديل 2008 طالما غير مجهزة بمعايير الأمان القياسية فالعالم (وسائد هوائية + فرامل مانعة للانغلاق).

ازاي يعني يا استاذ شوقي الكلام دا؟؟
يعني انت يرضيك السنه الجايه مثلا يطبق القانون دا علي موديلات 2009 و ياخدو عربيتك ال 2008 يعدموها؟؟؟.
ياريت لما نفكر في نفسنا نفكر في غيرنا كمان.
يعني لما واحد يكون معاه عربيه مرسيدس ولا 128 موديل 80 و نقوله هاتها و مالكش تركب عربيه دا في شرع مين يعني؟

25-03-2008 04:03 PM

المشاركة الأصلية كتبت بواسطة cpt_shawky

قرار سليم ويارب يتنفذ فأقرب فرصة لإعدام كل هذه السيارات الكهنة!! وأتمنى يعدموا معاها أى عربية حتى لو موديل 2008 طالما غير مجهزة بمعايير الأمان القياسية فالعالم (وسائد هوائية + فرامل مانعة للانغلاق).

-1111111111111111

مع احترامى لراى سعادتك
.........................................
وكمان ياباشا معايير ايه و كشرى
المعايير القياسيه دى للعربيات اللى بتمشى على اسفلت
مش اللى بتمشى على ازفلت ومدقات وبلا ازرق زى عندنا...
والله احنا بالطرق بتاعتنا دى
ملناش حمايه غير ربنا

المشاركة الأصلية كتبت بواسطة hazem_khidr

ازاي يعني يا استاذ شوقي الكلام دا؟؟
يعني انت يرضيك السنه الجايه مثلا يطبق القانون دا علي موديلات 2009 و ياخدو عربيتك ال 2008 يعدموها؟؟؟.
ياريت لما نفكر في نفسنا نفكر في غيرنا كمان.
يعني لما واحد يكون معاه عربيه مرسيدس ولا 128 موديل 80 و نقوله هاتها و مالكش تركب عربيه دا في شرع مين يعني؟

+11111111111111
فى مثل بيؤلك
اللى ايدو فى الميه مش زى اللى ايدو فى النار

**abdelaziz-waleed** · 25-03-2008 04:14 PM

هما عاوزين يعالجو الخطأ بخطأ. يعني وزارة البيئة مش قادرة على بتوع المرور والفحص والغش والرشاوي اللي هناك. هاتتشطر على الغالابة اللي عندهم عربيات قديمة ستراهم وسترة زوجاتهم وبناتهم.
لن يوجد اصلاح بدون ضمير. الله يقيم الدولة العادلة ولو كانت كافرة ويهلك الدولة الظالمة ولو كانت مسلمة.
حسبنا الله ونعم الوكيل. اللهم لا تؤاخذنا بما فعل السفهاء منا

25-03-2008 04:20 PM

المشاركة الأصلية كتبت بواسطة abdelaziz-waleed

هما عاوزين يعالجو الخطأ بخطأ. يعني وزارة البيئة مش قادرة على بتوع المرور والفحص والغش والرشاوي اللي هناك. هاتتشطر على الغالابة اللي عندهم عربيات قديمة ستراهم وسترة زوجاتهم وبناتهم.
لن يوجد اصلاح بدون ضمير. الله يقيم الدولة العادلة ولو كانت كافرة ويهلك الدولة الظالمة ولو كانت مسلمة.
حسبنا الله ونعم الوكيل. اللهم لا تؤاخذنا بما فعل السفهاء منا

(امن الدوله)

هاتووووووو...

:D:D

**emadno1** · 25-03-2008 04:33 PM

الكلام دة مينفعش فى الملاكى اصلا لان زى ما الاخوه قالو ان دى ملكيه خاصه لكن ممكن يتنفذ على التاكسى و فى تجربه ناجحة فى مصر اتنفذت فى شرم الشيخ و كانت كل العربيات بيجو 7 راكب و حاليا كله تويوتا و ميتسوبيشى و عربيات موديل السنه كله بينقل النمر من عربيته لعربيه زيرو و بيبيع القديمه او يخليها ملاكى بس الفكرة كلها فى انك مينفعش تضيف ضرائب كتيرة وفوائد على العربيه لان كدة مش حينفع مع الناس الى بتاكل عيش من ورا العربيات دى ممكن نعاملهم زى العربيات بتاعت شركات السياحة معفيه من الجمارك و خلافه فيبقى سعرها بسيط و نحط عليها حظر بيع لفترة.

اما بالنسبه للملاكى من رائى اننا نلغى حكايه الفحص كل ثلاث سنوات و نخليه مره كل سنه و بالذات للعربيات الى عدى على تاريخ انتاجها عشر سنوات .

و فى حاجة مهمه اعتقد اتها ممكن تخفض اسعار العربيات و بالذات القديمه منها و دى منفذه فى ايطاليا عرفتها من واحد ايطالى زميلى فى الشغل هما بيزودو الضريبه على العربيه بعد عدد سنوات كل لما تقدم سنه يعنى لو عربيه موديل السنه دى تدفع كل سنه مثلا ضريبه 100 جنيه و بعد مرور خمس سنين تبدا الضريبه تزيد 110 فى السنه السادسه 120 فى السابعة و كدة على اساس انها حاجة ملوثه للبيئه و بكدة العربيات القديمه حترخص لان تكلفة تشغيلها حتزيد

**ahmed1981** · 25-03-2008 05:09 PM

المشاركة الأصلية كتبت بواسطة ahmedelzeeny

شفت اول امبارح على دريم 2 ان العربيات القديمه اللى بقالها اكتر من 25 سنه هتروح مقابر السيارات يعنى اللى عنده عربيه موديلها اققل من موديل 1983 هياخد تعويض 10000 جنيه قرض يدفهم فى عربيه جديده
بيتهيألى العربيات هتغلى اوى

هما بس يطبقوا الكلام ده والمحاكم تضيق بالقضايا الناجحه ضدهم
لكن هو في الآخر كلام إعلامي وكلام جرايد وفض مجالس

**cpt_shawky** · 25-03-2008 05:23 PM

المشاركة الأصلية كتبت بواسطة cpt_shawky

قرار سليم ويارب يتنفذ فأقرب فرصة لإعدام كل هذه السيارات الكهنة!! وأتمنى يعدموا معاها أى عربية حتى لو موديل 2008 طالما غير مجهزة بمعايير الأمان القياسية فالعالم (وسائد هوائية + فرامل مانعة للانغلاق).

ونسيت أضيف كمان وكل سيارة مخالفة لإنبعاثات الوقود لسيارات الركاب طبقاً لمعايير Euro IV أو أعلى.

**abdelaziz-waleed** · 25-03-2008 05:24 PM

المشاركة الأصلية كتبت بواسطة FLYINGPEUGEOT

(امن الدوله)

هاتووووووو...

:D:D

انا قصدي على وزارة البيئة النيجيرية. اصل المرور في نيجيريا اخر فساد ورشاوي والدنيا بايظة.
انما عندنا ما شاء الله الدنيا زي الفل وما فيش حد بيرضى يا خد ولا مليم اكرامية او رشوة. دا حتى كان في وزير واقف بيرخص قبلي والظابط رفض العربية في الفحص قال ايه علشان حاطط استيكر الوزارة على ازاز العربية. ومعاملتهم محترمة جداً.

ربنا يخللنا الحكوما. ينصر دينك يا استاذ...... نفيسا

**Mido80** · 26-03-2008 07:14 AM

انا شخصيا لا اعترض علي هذا الاجراء خاصة سيارات التاكسي من نوع " فيات آر ..القردة" ولا الماكسوفيتش وخلافة لان السيارات دي بصراحة مالهاش لازمة وتسبب تلوث في البيئة والجو يعني علي سبيل المثال هنا في قطر كان فية سيارات تاكسي واخدة اللون الابيض والبرتقالي زي تاكسيات اسكندرية ، تم الغاؤها تماما وحلت محلها شركة اسمها كروة عندها اسطول من التاكسيات الجديدة زي التويوتا كامري والفورد والهوندا كلها موديلات 2006-2008. بس انا ضد انهم يصادرو السيارات الاثرية الخاصة لانها في تلك الحالة تعتبر من المقتنيات النادرة الشخصية

الموضوع: البقاء لله فى العربيات القديمه

LinkBack

أدوات الموضوع

عرض

-

-

-

-

المواضيع المتشابهه

التكيف و العربيات القديمه ؟!

كاسيت العربيات القديمه يترمي ولا ؟

التسخين في العربيات القديمه

بخصوص مشروع احلال العربيات القديمه فى مصر

الغاء العربيات القديمه

الكلمات الدلالية لهذا الموضوع

المفضلات

المفضلات

ضوابط المشاركة