الرجاء شرح معني الآتي (كرونا-البيضة-الكردان-الأكس-السلانسيه) مع الصور إن أمكن
عرض للطباعة
الرجاء شرح معني الآتي (كرونا-البيضة-الكردان-الأكس-السلانسيه) مع الصور إن أمكن
تااااني .. حاضر .. بص يا سيدي .. تركيب العفشه الخلفيه فيها : (الجر الخلفي)
الصاله و دي الحتع اللي بتمسك في العربيه من تحت و بيتركب عليها الباقي .. ثم :
الكرونا : و دي اللي بتاخد الحركه من عمود الكردان .. عمود الكردان اللي بياخد الحركه من الفتيس ..
الكبالن : عمودين بياخدوا الحركه من الكرونه
الاكس : فيه منه ثابت و متحرك .. لو امامي يبقي ثابت و لو خلفي بيبقي متحرك .. و ده اللي بيركب عليه السره و الطنبوره و العجله ...
البيضه : هيا بيضه الدريكسيون و دي (جوينت او مفصل او وحده وصل) بين علبه الدريكسيون و العجله (مكان متثبت في العجله يؤدي انه لو اتحرك يحرك العجله يمين و شمال
السلانسيه : هوه حاله الموتور لو دورته و مادوستش بنزين .. يفضل داير هادي و سلانسيه ..
هو انا عندي استفسار..
بيتهيألي ان الكبالن بتاخد الحركة من الموتور مش من الكرونة.. الاكسات هي اللي بتاخد الحركة من الكرونة.. والكبالن هي اللي مفصلية..
بالنسبة للأكس.. بيتهيألي انت عكست.. الخلفي بيبقي ثابت والامامي هو اللي متحرك..
الكرونه :
http://bmwfans.info/original/images/4066_p.png
لاحظ ان الفلانشه اللي قدام بيتاخد منها الحركه .. و الفلانشات اللي علي الجنبين رايحين للكبالن
ده الجر الامامي ... بيبقي الموتور راكب بالعرض في الحوض .. و راكب فيه الفتيس + الكرونه (بيبقوا قطعه واحده) و طالع منه مكان الكبالن كل ناحيه في الجنبين .. بيدي الحركه للكوبلن .. و الكوبلن ده بيبقي احد اطرافه هوه الاكس و الطرف التاني بيبقي راكب في الفتيس ...اقتباس:
المشاركة الأصلية كتبت بواسطة Ahmad Allawy
انا قصدي علي الجر الخلفي .. مكتوب فوق الجر الخلفي ;)
هنا صوره لكله متقفل في بعضيه :
http://www.bmw.com/com/en/newvehicle...earchassis.jpg
الف شكر يا كبير.. في حاجات كتير كنت اسمع عنها بس
بس دلوقتي الحمد لله عرفتها وشوفتها بعيني..
ربنا يكرمك زي ما افدتنا يا اكسبرت
اني تايم مان ;)
ياريت تفصيل أكثر
تفاصيل اكتر عن ؟ :d
ياريت مفيش أوامر بالحذف بدون إذن مني شخصيا
السره و الطنبوره ؟
يا عم يحذف البوست الفاضي بس ...
كمل قرايه هنا :
http://www.nilemotors.net/Nile/showthread.php?t=11984&highlight=%DA%DD%D4%C9
ماشي ........ ياعم
اي خدمه يا بوب
انا عندى مشكلة مغلبانى.فى رعشة فى العجلة اليمين.اول ميكانيكى قال لى.دة الصلايب عاوزة تتغير.قلت ماشى.اخد 150 جنية.و العربية زى ماهية رحت لواحد تانى والى غير الفلانشة بتاعة عمود الكردان غيرتها وكلفتنى 50 جنية ةالعربية زى ماهية :-(
وواحد الى احتمال يكون الاكس معوج انا مش عرف اعمل اية ........... وعايز انزل من شرم الى القاهرة ومش عارف اية الحل .العربية 131:embarrassed2::embarrassed2:
اكشف على بلية العجله
على فكرة اللى كاتب قبل ده واحد صحبى مش انا عموما انا هرد علية تفتكر فى حال من الاحوال ممكن ال 131 توصلك القاهرة من شرم الشيخ
الكرونة: هى مجموعة تروس بنفس فكرة الفتيس بس ثابتة يعنى مش ممكن تتحكم فيها زى الفتيس و بتخفض عدد اللفات اللى جاية ليها من الكردان لعدد اقل تديه للاكسات بس بيكون العزم اعلى طبعا و هى بتكون راكبة داخل قطعة تانية اسمها "الدوفرانس"اقتباس:
المشاركة الأصلية كتبت بواسطة darude
الدوفرانس: الشىء بالشىء يذكر, هو جسم بعرض العربية راكب فيه من النص الكرونة و داخل فيه من كل جنب اكس داخلين فى الكرونة و من الطرف التانى ماسكين فى العجل و النظام كله محكوم ببلى و اويل سيلات و من جوة بيبقى مليان زيت
بالمناسبة الكرونة و الدوفرانس دول دفع خلفى فقط و الجيب ال 4*4 بتبقى لها دوفرانس تانى ادام و بعض موديلات ال 504 بتبقى كرونة ورا بس من غير دوفرانس و بدل الاكسات كبالن
البيضة: هى وصلة بين قطعتين بس حرة بتكون قطعة مجوفة محتوية جواها قطعة تانية مكورة
http://www.4shared.com/file/81857536...d/_online.html
و دى رسمة انا اللى راسمها علشان اوضح بيها و على فكرة دى بيضة تيش دركسيون و بيضة المقص نفس الفكرة بس القاعدة بيقى فيها زيادات فيها اخرام اماكن للمسامير
الجزء a بيتربط فى حاجة و الجزء التانى بيتربط فى الناحية التانية يقوم يوصلهم و يبقى حر فى نفس الوقت
الكردان: عمود طويل بينقل الحركة بين الفتيس و الكرونة و بيبقى 3 قطع بينهم اجزاء موصلة بينهم فيها بلى و اسمها صليبة
الاكس : طبعا قلناه قبل كده بينقل الحركة من الكرونة للعجلة
السلانسيه: هو لما تسيب الموتور داير بدون ما تدوس بنزين يبقى داير سلانسيه بالانجليزى idle
حد فاهم حاجة؟؟؟؟؟؟؟؟؟؟:11::11::11:
انا اسوء واحد يشرح:ma::ma::ma: