(كرونا-البيضة-الكردان-الأكس-السلانسيه)

**darude** · 24-03-2008 03:36 PM

الرجاء شرح معني الآتي (كرونا-البيضة-الكردان-الأكس-السلانسيه) مع الصور إن أمكن

**Xpert** · 24-03-2008 03:54 PM

تااااني .. حاضر .. بص يا سيدي .. تركيب العفشه الخلفيه فيها : (الجر الخلفي)
الصاله و دي الحتع اللي بتمسك في العربيه من تحت و بيتركب عليها الباقي .. ثم :
الكرونا : و دي اللي بتاخد الحركه من عمود الكردان .. عمود الكردان اللي بياخد الحركه من الفتيس ..
الكبالن : عمودين بياخدوا الحركه من الكرونه
الاكس : فيه منه ثابت و متحرك .. لو امامي يبقي ثابت و لو خلفي بيبقي متحرك .. و ده اللي بيركب عليه السره و الطنبوره و العجله ...

البيضه : هيا بيضه الدريكسيون و دي (جوينت او مفصل او وحده وصل) بين علبه الدريكسيون و العجله (مكان متثبت في العجله يؤدي انه لو اتحرك يحرك العجله يمين و شمال
السلانسيه : هوه حاله الموتور لو دورته و مادوستش بنزين .. يفضل داير هادي و سلانسيه ..

**Ahmad Allawy** · 24-03-2008 03:57 PM

هو انا عندي استفسار..
بيتهيألي ان الكبالن بتاخد الحركة من الموتور مش من الكرونة.. الاكسات هي اللي بتاخد الحركة من الكرونة.. والكبالن هي اللي مفصلية..
بالنسبة للأكس.. بيتهيألي انت عكست.. الخلفي بيبقي ثابت والامامي هو اللي متحرك..

**Xpert** · 24-03-2008 03:58 PM

الكرونه :

لاحظ ان الفلانشه اللي قدام بيتاخد منها الحركه .. و الفلانشات اللي علي الجنبين رايحين للكبالن

**Xpert** · 24-03-2008 04:00 PM

المشاركة الأصلية كتبت بواسطة Ahmad Allawy

هو انا عندي استفسار..
بيتهيألي ان الكبالن بتاخد الحركة من الموتور مش من الكرونة.. الاكسات هي اللي بتاخد الحركة من الكرونة.. والكبالن هي اللي مفصلية..
بالنسبة للأكس.. بيتهيألي انت عكست.. الخلفي بيبقي ثابت والامامي هو اللي متحرك..

ده الجر الامامي ... بيبقي الموتور راكب بالعرض في الحوض .. و راكب فيه الفتيس + الكرونه (بيبقوا قطعه واحده) و طالع منه مكان الكبالن كل ناحيه في الجنبين .. بيدي الحركه للكوبلن .. و الكوبلن ده بيبقي احد اطرافه هوه الاكس و الطرف التاني بيبقي راكب في الفتيس ...
انا قصدي علي الجر الخلفي .. مكتوب فوق الجر الخلفي ;)

**Xpert** · 24-03-2008 04:05 PM

هنا صوره لكله متقفل في بعضيه :

**Ahmad Allawy** · 24-03-2008 04:34 PM

الف شكر يا كبير.. في حاجات كتير كنت اسمع عنها بس
بس دلوقتي الحمد لله عرفتها وشوفتها بعيني..
ربنا يكرمك زي ما افدتنا يا اكسبرت

**Xpert** · 24-03-2008 04:35 PM

اني تايم مان ;)

**darude** · 24-03-2008 10:17 PM

ياريت تفصيل أكثر

**Xpert** · 24-03-2008 10:19 PM

تفاصيل اكتر عن ؟ :d

الموضوع: (كرونا-البيضة-الكردان-الأكس-السلانسيه)

LinkBack

أدوات الموضوع

عرض

-

-

المواضيع المتشابهه

باور تيوتا كرونا

للبيع تيوتا كرونا

هارد الأكس بوكس !! فايدته ايه ؟؟

فوانيس تويوتا كرونا 98 ساعدوني

سرقة عربية توياتا كرونا مو 86

الكلمات الدلالية لهذا الموضوع

المفضلات

المفضلات

ضوابط المشاركة