بسم الله الرحمن الرحيم
السلام عليكم يا أحلى ناس في أحلى منتدى ،،،

شباب أنا ناوي أحط ستيكر مطط على عربيتي ،، بسسس بطريقة مختلفة

المهم آخر مرة عملناها في شاهين مع صاحبي سيبنا العربية 3 ساعات عند الراجل و هو جه معايا الكلية ،، رجعنا كعينا 500 جنيه و مشينا ،، و حتى مكنتش معمولة حلو أوي ،، و الواد شهرين و شال الأستيكر بنفسه ،، عشان في حتت منه أتشالت ،، و حتت تانية الناس الحلوة بتاعت مصر رسموله عليها

المهم أنا ناوي ألزق الستيكر ده بنفسسسييييييي
أنا و صاحبي ،،


عشان كده الطريقة مختلفة

الأسعار مية مية أنا سألت عليها أول أمبارح ،، و هيه هيه متغيرتش ،، و أن شاء الله أنا مش ححتاج أكتر من 120 جنيه في الأستيكرات اللي حعملها ،، عشان أنا حعملها برسمة ،،

عشان كده بقوولكككم مختلفة

المهم أنا مينفعش أعمل كده قبل مرستق نفسي في التالي ،،

الفلوس ،،........... الحمد لله معايا و يفيض

الرخصة ،، ............... للأسف مش متسجل فيها لونين ،، بس الحمد لله حرستأ نفسي فيها،، لأن التجديد بتاع الرخصة بتاعتي على الأبواب ،، عشان كده أجدد الرخصة و أسجلها لونين ،، أزرق ميتاليك و أسود مط ،، و محدش يبقى ليه عندي حاجة

أخيراً "تقريباً" هو

طريييقة التركيييييييييييب ،، ....................... و هنا بقى البرادة ،، الاستيكر قبل مركبه لازم أكون منظف العربية كويس ،،

و عاملها بوليش ،، و بعد كده يكون عندي بخاخ ميه أو سبيرتو ،، و أرشه عشان لما ألزقه أعرف أحركه بسهولة ،، و أظبطه ،،

و دي أن شاء الله سهلة ،، بس للأسف مش أوي ،، لأني مش ضامن كده غلط ولا صح ،، دي معلوماتي و متأكد أنها ناقصة ،، و بندم أني مكنتش مع الراجل و هو بيعملها ،، سمعت أني لزم أسخن الأستيكر قبل ملزقه ،،

و مش عارف بقى على العموم ،، أنا ناوي أشتري من دلوقتي ،، و أجربها في أكتر من حاجة كده ،، و كان عندي بواقي رفرف فوق السطوح على ما أتذكر ،، حبقى أجرب فيه ،، هو أي نعم بتاع 128 بس أهوه ينفع للتجربة ،،

بس برضه عايز أسأل أخواني في المنتدى ،، يا ريت اللي يعرف طريقة التلزيق يقولي ،، أو عنده نصايح قبل التلزيق ،، أو أسرار ...

المهم أي حاجة تسهل عليا و تساعدني بسرعة ،، و أنا أن شاء الله في التلزيق ده سواء أثناء التجربة ،، او اللزق على العربية نفسها ،، حكون موصلكم الأخبار أول بأول بالصور كمان ،،

علشان في نفس الوقت الموضوع ده يكون مرجع لينا كلنا علشان لو حد عايز يعمل عربيته بنفسه مهماً كانت ،، علشان المصنعيات العجيبة اللي بنسمعها دي ،،
مع العلم
صاحبي دفعنا في عربيته 500 جنيه ،، عشان عمل أكصدام



حراااااااام

يلا ساعدوني بقى