الموضوع: حكمة في غلا السلع

سعر ساندوتش الفول سعره بقى 1.25 فى عباس العقاد عند جاد و اعتقد ان الباقى كدة برضه
و هذا يعنى ارتفاع سعر ارخص ساندوتش فى جمهورية مصر العربية لثانى مرة خلال شهران
من 75 قرش الى 100 قرش الى 125 قرش

الاجمل بأة ان اليوم اكلت طبق كشرى فى محل اسمه كشرى التحرير على اول شارع الشواربى و ووجدت ان سعر ارخص طبق هو 5 جنيهات و الكمالة ب 3 جنيه انا فعلا بقالى 4 سنين لم انزل وسط البلد مع ان بيت العائلة فى عابدين و مكتفى حاليا بالهرم كمكان اقامة و مدينة نصر كمكان عمل
بس لا اعتقد ان سعر طبق الكشرى يوصل لهذا الحد بسهولة يعنى ،

اكيد فى سلع اخرى اساسية اسعارها وصلت الى حدود جنونية

المشكلة بقى مش فى السعر ، المشكلة دولقت ان الشىء اللى كنت انت بتشتريه بخمس قروش و مستحمل غلاء سعره لان جودته معقولة و مقبولة، اصبح اليوم سعر بخمس قروش بس الجودة انخفضت بشكل ملحوظ ، و اصبح السوق ملىء ب 98 فى المائة من السلع الغذائية و الاستهلاكية و الصناعية يوجد تحتها ثلاثة خطوط او من ناحية اخرى تكاد تكون غير مطابقة للاستهلاك او مغشوشة فى احيان اخرى و السبب ، غلاء الاسعار يؤدى بكثير من التجار و المستوردين و المصنعين الى التقليل من جودة المادة المباعة الى اقصى حد و لو عرف ينزل عن اقصى حد حينزل

لا يوجد عندى اى شىء اقوله له معنى فى ظل هذا الغلاء الفاحش غير ( يا رب سلم )