المشاركة الأصلية كتبت بواسطة ahmed.tv
انا بحاول افوق من الغيبوبة اللى انا فيها لان القولون عندى متدمر من ساعتها
الحق بقا اقول اوصف جزء من احساسى سريعا عن يوم الخميس
تحية كبيرة لكل اللى حضروا يوم الخميس واتعرفت عليهم لاول مرة او الناس اللى كنت اعرفهم قبل كدا وشوفتهم تانى
عاوز اقول بس حاجة واحدة اللى مجاش بجد خسر حاجات كتيرة , واللى جه كسب شرف التعرف على ناس
فى قمة الاحترام والذوق والاخوة اللى من القلب واللى نادر وجودهم فى الزمن الصعب ده
تحية وتقدير للاخ الكبير والكيبر فى اخلاقه واحترامه كريم منير على المنتدى الرائع ده اللى بنكن له كل الاحترام لانه ليه الفضل بعد ربنا سبحانه وتعالى فى وجودنا وتعرفنا على بعض
وبنطلب من كريم انه يعملنا قرية نسميها نايل موتورز نعيش فيها كلنا مع بعض
لان الناس اللى شوفتها دى يا جماعة مينفعش تتساب للحظة , ومينفعش تشوفها مرة واحدة لازم تشوفها على طولللل
بصراحة انا كنت طاير من الفرحة وانا وسط الكوكبة الكبيرة دى من الناس المحترمة
والله العظيم بدون اى مجاملة ناس محترمة جدا ورجالة بجد
ولما تقعد معاهم وتشوفهم تحس انك تعرفهم من زمان وبدون مبالغة , ناس بسيطة وعلى طبيعتها ومش متكلفة ابدا
كنت منورنا يا شنو انت وخميس وكان نفسنا كل رجالة اسكندرية يكونوا موجودين بجد عشان نحس بغزو بجد
بس تتعوض باذن الله
وبوجه كل التحية والتقدير الكبير لاشرف باشا فتحى الرجل ابن البلد والمحترم جدااااااا ومن الشخصيات العزيزة على قلبى ويشرفنى معرفتى بانسان محترم زيك يا اشرف وتسلم تعبك وتحضيرك للمقابلة الجميلة دى يا باشا ويارب نقدر نردلك جزء من تعبك ده
وطبعا اللى شريك معاك فى التظبيط ده كله خالد باشا طلعت , بردوا بقوله تسلم ايدك على المقابلة الرائعة دى وعلى التخطيط والتظبيط الاصلى ده , وربنا يجزيك خير على تعبك يا باشا فى اليوم الجميل ده وعلى تجميعك للناس دى كلها
علاء الشناوى حبى وصديقى الصدوق واخويا , كنت منورنا يا ياباشا وعلى اتفقنا لازم نتقابل قريب تانى باذن الله
مع كل رجالة مدينة نصر قريب , لان القعدة معاك يا علاء ميتشبعش منها ابدااا
احمد فارما , نورتنا ياباشا وبكون سعيد دايما لما بشوفك , وانك تيجى تنورنا مخصوص ده شرف كبير لينا وعاوزين نشوفك دايما معانا
محمد صبحى سعيد انى اتعرفت عليك جداا , وياريت نشوفك دايما فى كل المقابلات وتسلم ايدك على الفيديوهات يا باشا وعلى الصور الجامدة دى , واخدين لقطات انت وفارما فضايح
ولسه باقى الصور اللى مع علاء كمان والحاج احمد ربنا يستر
الحاج احمد ابراهيم , الرجل المحترم اللى الواحد بيستمتع لما بيسمعه وهو بيحكى , كلامه كله بيطلع ببساطة وتلقائى ورجل طيب جدا وباذن الله اشوف حضرتك تانى فى اقرب فرصة باذن الله
دكتور محمد كايرو , اول ما تشوفه اكنك تعرفه من زمان , رجل محترم جداااا ومحبوب لكل الناس
اتشرفتى بمعرفتى بيك يا دكتور
ولازم اشوفك تانى باذن الله
وليد عادل كنت منور ياباشا واسفين سهرناك وبوظنالك الرجيم هههههههه
محمد فوروزن سعدت بلقائى بيك يا باشا وانت شخص محترم جدا وان شاء الله اشوفك تانى قريب باذن الله
احمد موجه انسان فى غاية الذوق والجدعنة بجد , اتشرفت بيك يا احمد جدا وياريت اشوفك تانى, وكنت سعيد وانا بسمع حكايتك الممتعة اللى كانت فى اخر السهرة
ابو صلاح اتشرفت بيك يا باشا جداا ,وياريت اشوفك قريب لانك من الناس المحترمة اللى بتدخل القلب على طول وبدون اى تكليف
ابو اياد حبيبى كنت منور يا باشا وكنت سعيد انى شوفتك وياريت نتقابل قريب وسلامى وتحياتى الى اخوك
احمد سعد حبيبى من الشخصيات اللى بسعد بوجودها فى كل المقابلات وبكون فرحان انى بشوفك وبقعد معاك دايما , وانت انسان محترم جدا وذوق جدا
امير باشا ,متقلقش عارف ان الاكلة دى يا باشا حتعمل بنج وضرب فى كل مكان :c_laugh[1]: وعلى فكرة لو روحنا عند حبايب السيدة بردوا حيكون ليها نفس التاثير والضرب والبنج
خالد عادل اتشرفت بيك يا باشا وسعيد انى اتعرفت عليك وعاوزين نشوفك تانى باذن الله
احمد عيد الراجل ده مالوش حل فى قفشاته وحكايته وهو معانا على الاكل , زى العسل وكان منورنا , ومش حينفع نستغنى عنك ابدا فى اى مقابلة يا بوحميد
احمد حسن باين عليه شخصية ذوق جدا وانسان محترم اتشرفت بمعرفتى بيك يا فندم
غازى حبى الواحد سعيد انه شافك وسعيد اكتر برجوعك بالسلامة بعد العملية والحمد لله انك بقيت احسن وبخير , وياباشا عاوزينك بقا تتجدعن عشان تبقى جنبى فى حدائق الاهرام , انت عارف فاضل ايه , عاوزين نقول مبروك بقااا
محمد قاسم باشا الرجل الذوق صاحب الاخلاق الرفيعة , الواحد بيكون سعيد لما بيشوفك وبيقعد معاك يا محمد وباذن الله نشوفك قريب واحاول احضر معاكم مقابلة فيات اللى جية باذن الله عشان بيكون فيها معاكم كوكبة من الناس المحترمة بردوا
احمد نملة فرحت لما شوفتك ودايما منورنا وبتنورنا على طول وياريت نتقابل قريب تانى يا بوحميد
اتمنى انى مكنش نسيت حد
الاحساس والكلام ده قليل على عليكم كلكم , وانتوا ناس زى العسل بجد وربنا يديم المعرفة والود والحب بينا دايما
وبامانة كان يوم تحفة ومقابلة تاريخية وصحبة مالهاش حل
وياريت يتكرر تانى قريب عشان فعلا الواحد بيكون سعيد وهو قاعد وسطيكم ومعاكم
المفضلات