مقابلة الخميس9/12/2010...( بحـــة )

**hamedo0** · 12-12-2010 09:14 PM

المشاركة الأصلية كتبت بواسطة amir

يعني كنت حاضر في المعركه مش تقول

بلاش تقول شاور انده ولا اقولك اول ما تشوف شنوري المره الجايه اضربه سكينه و خد صوره و انت مبتسم و متخافش شنوري علي قايمه المطلوبين دوليا و محدش هيعملك حاجه ساعتها بالعكس دول هيحتفلو بيك و احتمال يدوك جايزه

و سلملي علي ابو الشنانير قبل ما تغزه

يا دكتور ده شنورى حبيب الملايين خاف علي نفسك انت بقي

ناسيني يا راجل ده انا مشيت معاك انت واستاذ محمود من بحه للقهوة بأمرة التاكسي الفيرنا لما قولتك هو الخسران

**amir** · 12-12-2010 09:26 PM

المشاركة الأصلية كتبت بواسطة hamedo0

يا دكتور ده شنورى حبيب الملايين خاف علي نفسك انت بقي

ناسيني يا راجل ده انا مشيت معاك انت واستاذ محمود من بحه للقهوة بأمرة التاكسي الفيرنا لما قولتك هو الخسران

شنوري ده حبيبي و الله و علشان كده مش لاقي حاجه احسن منه علشان نضحي بيه

اما بخصوص الذاكره متعدده الباد سيكتورز بتاعتي فأنا قدرت بعون الله افرمتها علي البطيء و احذف الباد سيكتورز منها و عملت باك اب
و النتيجه.....

افتكرت و افتكرت كمان ان احنا التلاته كنا هنتخبط بس في حاله العبد لله اكيد كنت هاكون انا الخاسر الاكبر

اعذرني بقي في موضوع الذاكره ده

**kh_talaat** · 13-12-2010 11:03 AM

المشاركة الأصلية كتبت بواسطة أشرف فتحى

بصراحه يا جماعه انا معملتش اى حاجه واللى قام بالموضوع كله تنظيما وتخطيطا وشارك بوقته ومجهوده هو خالد بيك طلعت..تحياتى وتقديرى لك يا خالد.... ..

اشرف حبيبي .... يا راجل بلاش تواضع دة انت كنت معايا خطوة بخطوة والقنبلة تشهد عليك

المشاركة الأصلية كتبت بواسطة أشرف فتحى

فى اليوم الموعود (يوم الخميس) ...

خلصت شغلى على سبعه ونص كده واخدت الطريق اللى وصفه خالد بالظبط وفعلا كان اسهل واقصر الطرق....

التليفون بيرن..

- الو..

- انت فين يا أشرف....؟!

- جى يا باشا....فى الطريق ...وصلت...؟!

- أنا بقالى تلت ساعه بدور على ركنه للعربيه!!!

- يا نهار اسواااااااااااااااااااااا اااااااااد....(ده كان فى سرى طبعا ).

المكالمه دى خلتنى قولت هنتضرب لما خالد أكتر واحد عارف المنطقه مش عارف يركن هنعمل احنا ايه؟!.....شكلنا هنتضرب!!!

..

الصراحه يوم الخميس الدنيا بتختلف خالص ... بس الحمد لله اليوم عدى على خير وكله ركن

المشاركة الأصلية كتبت بواسطة أشرف فتحى

الحاج أحمد ابراهيم...
الراجل المتواضع البسيط الأصيل صاحب الواجب....خفيف الظل صاحب الطلقات السريعه...

وعلى رأى صاحبنا البرادعى...

اللى راح راح...يا مرحرح لا ترحرح

واللى لك لك .....يا ملكلك لا تلكلك.....

أنا من ساعة المقابلة وانا عمال افتكر في المثل ومعرفتش هههههههه

يا ريت يا حاج احمد تعمل القصة في موضوع هنا عشان الناس كلها تستفيد بجد

المشاركة الأصلية كتبت بواسطة أشرف فتحى

أخويا محمد شنورى....

مش هقول حاجه عشان انت عارف معزتك عندى.....لكن انت يا شنورى بتكون سبب اننا نتجمع كده ونتعرف على ناس كنا نحب نشوفهم ونتعرف عليهم شخصيا... ..

بصراحه لولا شنوري بعد ربنا مكناش اتجمعنا في اليوم دة

**hamedo0** · 13-12-2010 01:59 PM

هو الحاج احمد ابراهيم فين مش باين من يوم المقابلة

**aif** · 13-12-2010 07:25 PM

السلام عليكم
واحشينني جدا كلكم .... نفر نفر
والله كان يوم زي العسل
انا آسف اني مستخبي شوية .... بصراحة كنت باستمتع بالبرد اللي بقالنا سنين مش بنشوفه
والنت عندي في المكتب ... البيت مافيش نت
وطبعا علشان انزل م البيت في التلج ده واروح المكتب ..... طبعا مستحيل
البرد ده عاوز الواحد يلبس حاجة تقيلة وطاقية صوف جمل من بتاعت زماااان
ويقعد ع السرير ويتغطى ويحط جنبه طبق بلاستك كبير ( من بتوع الغسيل ) ويكون لونه أخضر .... ومليان يوسفي وموز وبرتقال بصرة .... وفي طرف السرير اآخر سلة مهملات بلاستك صفراء .... آكل الموزة ... وأحدف القشر بإحكام في السلة .... ولو الحدفة كانت من خارج حدود السرير تبقى بثلاث نقاط
ويليها برتقالة ثم استفندياية .... وهكذا مع التقليب المستمر بين قنوات ناشيونال جيوجرافك والجزيرة والعربية والجزيرة الوثائقية وقناة الحرم ...... واقعد أرخم وأغلس ع الواد ابراهيم
بالذمة اسيب ده كله وانزل المكتب ؟؟؟؟؟؟
لكن يظهر حد قر عليا
يوم الأحد قمة موجة التراب والبرد كان فيه واجب عزاء في المحلة الكبرى .... وما ادراكم ما المحلة الكبري
البلاد كلها هوا وتراب إلا المحلة .... في المحلة بعد صلاة الظهر مباشرة ونحن نستعد للتوجه بالمتوفى الى المقابر
الدنيا فجأة قلبت والسماء كشرت عن انيابها ...... وكمية مطر ماشفتش زيه من سنين .... سيول ....... والبرد رصاص ... مش برد صيني من بتاع القاهرة .... بقينا واقفين في المقابر مش لاقيين حته نتدارى فيها من المطر
وأول ما خرجت من المحلة ...... كل شيء رجع لأصلة ..... الطريق ناشف وهوا وتراب ورمل ومافيش نقطة مطر واحدة ... والناس بيبصو لعربيتى وهي مطينة باستغراب شديد زي ما أكون كنت بأسقى العربية م الترعة
وطبعا ده ادي الي اني معتكف اليوم ولم انزل للمكتب غير دلوقت علشان اعوض البرد اللي شربته في المحلة ..... انا عرفت المحلة نزلت دوري درجة تانية لية .... اكيد م البرد
المهم طمنوني .... حد احتاج غسيل معدة ولا حاجة .....

**amir** · 13-12-2010 07:28 PM

المشاركة الأصلية كتبت بواسطة aif

السلام عليكم
واحشينني جدا كلكم .... نفر نفر
والله كان يوم زي العسل
انا آسف اني مستخبي شوية .... بصراحة كنت باستمتع بالبرد اللي بقالنا سنين مش بنشوفه
والنت عندي في المكتب ... البيت مافيش نت
وطبعا علشان انزل م البيت في التلج ده واروح المكتب ..... طبعا مستحيل
البرد ده عاوز الواحد يلبس حاجة تقيلة وطاقية صوف جمل من بتاعت زماااان
ويقعد ع السرير ويتغطى ويحط جنبه طبق بلاستك كبير ( من بتوع الغسيل ) ويكون لونه أخضر .... ومليان يوسفي وموز وبرتقال بصرة .... وفي طرف السرير اآخر سلة مهملات بلاستك صفراء .... آكل الموزة ... وأحدف القشر بإحكام في السلة .... ولو الحدفة كانت من خارج حدود السرير تبقى بثلاث نقاط :10d5c8w1107:
ويليها برتقالة ثم استفندياية .... وهكذا مع التقليب المستمر بين قنوات ناشيونال جيوجرافك والجزيرة والعربية والجزيرة الوثائقية وقناة الحرم ...... واقعد أرخم وأغلس ع الواد ابراهيم
بالذمة اسيب ده كله وانزل المكتب ؟؟؟؟؟؟
لكن يظهر حد قر عليا
يوم الأحد قمة موجة التراب والبرد كان فيه واجب عزاء في المحلة الكبرى .... وما ادراكم ما المحلة الكبري
البلاد كلها هوا وتراب إلا المحلة .... في المحلة بعد صلاة الظهر مباشرة ونحن نستعد للتوجه بالمتوفى الى المقابر
الدنيا فجأة قلبت والسماء كشرت عن انيابها ...... وكمية مطر ماشفتش زيه من سنين .... سيول ....... والبرد رصاص ... مش برد صيني من بتاع القاهرة .... بقينا واقفين في المقابر مش لاقيين حته نتدارى فيها من المطر
وأول ما خرجت من المحلة ...... كل شيء رجع لأصلة ..... الطريق ناشف وهوا وتراب ورمل ومافيش نقطة مطر واحدة ... والناس بيبصو لعربيتى وهي مطينة باستغراب شديد زي ما أكون كنت بأسقى العربية م الترعة
وطبعا ده ادي الي اني معتكف اليوم ولم انزل للمكتب غير دلوقت علشان اعوض البرد اللي شربته في المحلة ..... انا عرفت المحلة نزلت دوري درجة تانية لية .... اكيد م البرد

المهم طمنوني .... حد احتاج غسيل معدة ولا حاجة .....

حمد الله علي السلامه و تم اجراء اللازم

**pro_samir** · 13-12-2010 07:33 PM

المشاركة الأصلية كتبت بواسطة aif

السلام عليكم
واحشينني جدا كلكم .... نفر نفر
والله كان يوم زي العسل
انا آسف اني مستخبي شوية .... بصراحة كنت باستمتع بالبرد اللي بقالنا سنين مش بنشوفه
والنت عندي في المكتب ... البيت مافيش نت
وطبعا علشان انزل م البيت في التلج ده واروح المكتب ..... طبعا مستحيل
البرد ده عاوز الواحد يلبس حاجة تقيلة وطاقية صوف جمل من بتاعت زماااان
ويقعد ع السرير ويتغطى ويحط جنبه طبق بلاستك كبير ( من بتوع الغسيل ) ويكون لونه أخضر .... ومليان يوسفي وموز وبرتقال بصرة .... وفي طرف السرير اآخر سلة مهملات بلاستك صفراء .... آكل الموزة ... وأحدف القشر بإحكام في السلة .... ولو الحدفة كانت من خارج حدود السرير تبقى بثلاث نقاط

ويليها برتقالة ثم استفندياية .... وهكذا مع التقليب المستمر بين قنوات ناشيونال جيوجرافك والجزيرة والعربية والجزيرة الوثائقية وقناة الحرم ...... واقعد أرخم وأغلس ع الواد ابراهيم
بالذمة اسيب ده كله وانزل المكتب ؟؟؟؟؟؟

نسيت السوداني ابو قشر

**aif** · 13-12-2010 08:13 PM

المشاركة الأصلية كتبت بواسطة pro_samir

نسيت السوداني ابو قشر

يا سلااااااام .... استاذ

السوداني ابو قشر والبطاطا المشوية ..... وكان زمان بقى فيه ابو فروة .... لكن اعتقد انه انقرض في العصر الطباشيري الثالث مع التيريكس الماموث وحرامي الحلة

-

-

الموضوع: مقابلة الخميس9/12/2010...( بحـــة )

LinkBack

أدوات الموضوع

عرض

-

-

-

-

-

-

المواضيع المتشابهه

اللى عايز حاجة من التوكيل الخميس9/2 يكلمنى

مقابلة يوم 9- 12- 2010 ( يوم الخميس الجاى )

مقابلة كيا يوم 6/8/2010 ( كل التفاصيل بالداخل )

مقابلة بيجو لصيف 2010 ...

ملخص مقابلة السبت 8-5 -2010 لملاك m11

الكلمات الدلالية لهذا الموضوع

المفضلات

المفضلات

ضوابط المشاركة