السلااااااااااااااااااااا اااااااااااام عليكم......!!

وحشتونى جدا جدا جدا.......بجد والله مش كلام وخلاص....

انا عندى كلام كتير جدا مش هيخلص لو اتكلمت لكن انا هعمل بقى 3 مشاركات....عشان يبقى الكلام محدد ومتلخبطش....

أول حاجه ..


=====هو ايه اللى حصل؟!=====


للأسف جهاز الكمبيوتر بتاعى فجأه رفض يشارك فى مذبحه بحه واعلن العصيان المدنى ..فبالتالى كنت محروم من المشاركه او قراءه المشاركات...وكان أخويا خالد طلعت هو عينى على الاحداث...

بصراحه يا جماعه انا معملتش اى حاجه واللى قام بالموضوع كله تنظيما وتخطيطا وشارك بوقته ومجهوده هو خالد بيك طلعت..تحياتى وتقديرى لك يا خالد....

فى اليوم الموعود (يوم الخميس) ...

خلصت شغلى على سبعه ونص كده واخدت الطريق اللى وصفه خالد بالظبط وفعلا كان اسهل واقصر الطرق....

التليفون بيرن..

- الو..

- انت فين يا أشرف....؟!

- جى يا باشا....فى الطريق ...وصلت...؟!

- أنا بقالى تلت ساعه بدور على ركنه للعربيه!!!

- يا نهار اسواااااااااااااااااااااا اااااااااد....(ده كان فى سرى طبعا ).

المكالمه دى خلتنى قولت هنتضرب لما خالد أكتر واحد عارف المنطقه مش عارف يركن هنعمل احنا ايه؟!.....شكلنا هنتضرب!!!

طب خلاص ...الله المستعان...

التليفون بيرن تانى...

- الو

- أيه يبنى انت شيطت الناس وخلعت انت؟

- حبيبى ...أحمد بيك تى فى....انا بركن والله اهه...

- طب احنا فى بحه...

- اوعوا تاكلوا من غيرى..

المهم وصلت بحه...وفوجئت بالجمع الطيب الذى ادخل السرور الى قلبى...

بصراحه ...منظر يفرح بجد...

والناس عماله تبص...هو فى ايه؟

الناس دى بتصور ايه؟

ومالهم مبسوطين قوى كده؟

بصراحه..

انا كنت فى قمه السعاده ...عارفين لما الواحد بيروح فرح واحد صاحبه جدا جدا ويقابل فى الفرح ده كل اصحابه القدامى ويفتكروا زمان واجمل ايام الطفوله والشباب...

إحساس قريب من كده....لكن أجمل..!!

متجمعين فى الخير دايما يا رجاله نايل موتورز.....ونشوفكم دايما فى الافراح......

بعد المعركه اللى راح ضحيتها الحصان...

ومتهيألى ان نصيبى جه من حته مش كويسه منه....

قمنا على القهوه والمفاجئه بقى اننا كلنا اتخضينا لما لاقينا الساعه 2 ونص صباحا....الوقت جرى بسرعه جدا جدا.....القعده والصحبه كانت جميله جدا جدا جدا.....

مفيش كلام يوصف ولا يعبر عن دفء المشاعر والود اللى كان موجود بينا.....كله عايز يتكلم مع كله..كله فرحان بكله...كله مش عايز يقوم....

لكن كله متنح ومصاب بحاله من الانشكاح من آثار ما بعد المعركه....

لغايه الفجر وانا مش قادر اقوم...

والله الناس مشيت على عينى وانا لو قادر كنت مديت فى الوقت عشان اقعد مع الناس اطول وقت ممكن...

دى المشاركه الاولى وده ملخص اللى حصل اليوم ده...