اشتكي فين

**Dr_ahmedrady** · 10-12-2010 09:34 AM

اشتكي لمين
توكيل نيسان في
الاقصر ) الكرنك أوتو (
عامل لستة اسعار خاصه
بيه , و مزود سعر كل
عربية 3 الاف جنية من
عنده , ده كمان بخلاف انه
مفيش اي هدايا او عروض
) قالي هتاخد العربية
بس (
مش عارف بصراحه ده من
حقه انه يرفع اسعار
العربيات و لا ده استغلال .
الصني 2011 اوتوماتك أ ب
اس في كل الدنيا 92 لكن
عنده ب 94.900 شايفين
الفرق كام
اشتكي فين بقي

**Dr_ahmedrady** · 10-12-2010 10:08 AM

استفسار كمان
معلش انا بستغلكو جامد ههههه

هو شراء العربية من التوكيل يختلف عن شرائها من اي معرض عادي ?
اقصد هنا ف السعر و الخدمات ? و هل هيكونلها ضمان و لا لأ

لو قررت اني اجي اشتريها من القاهره , في حد يعرف اي معلومات عن الشحن ( النقل بتريلا مخصصه للسيارات ) ?
ازاي و فين و بكام و مضمون ولا لأ ?

معلش أنا استفساراتي كتير بس ده عشان خايف اخد اي خطوة غلط و انا معايا اخوة عارفين كل حاجه زيكو
ربنا يبارك فيكو بجد

**kamalsalem** · 10-12-2010 10:26 AM

أولا جوه التوكيل زي بره التوكيل العربية هي هي وضمانها شغال

الوكيل في الاقصر اكيد مستغل بعد المسافة وبيحمل الناس شحن العربية... وانا رأيي لو العربية هتجيلك مش ماشية فعلاً يبقى اتوكل على الله في التوكيل واشتري.. موضوع الهدايا ده فكسان... البونتو ادوني معاها نتيجة 2010 اللي بتخلص... والكروز ادوني معاها ازازة حاجة ساقعة.. المهم استلام العربية نفسها وحالتها

لو هتشحنها الف كيلو على حسابك... مخاطر الطريق.. والعربية انت مش معاها... انا شايف انه هيتكلف كتير اوي كمان

**ash257** · 10-12-2010 01:01 PM

لو عندك معرض عارضها بسعر أحسن من التوكيل أتوكل على الله واشتري بس فلي الغعربية كويس قبل ما تستلم وتشيك على كل حاجة وتبص على الحوض والشنطة وتستلم بالنهار وتتأكد أن لون العربية كله مايه واحدة يعني مش حته فاتحة وحته غامقة والعربية ماتكونش ماشية كتير وكل حاجة فيها شغاله
موضوع شرائها من القاهرة وشحنها ده انا مش باحبذه لأن زي ما الأخ الفاضل قال مخاطر الطريق مش مضمونة
بس برضو لو اللي في الاقصر توكيل معتمد المفروض يبيع بنفس سعر الوكيل اللي ف أي حته
وبخصوص نيسان ايجيبت الرئيسية لو ليك شكوى من أي فرع اتصل على طول ب 16244 وهما هايقوموا باللازم هما ذوق جدا وناس معاملتها كويسة وهو هايقلك تعمل ايه وتشتري منين
وألف مبروك مقدما وأهلا بيك عضو جديد في قسم نيسان

**mohamed_e36** · 10-12-2010 01:24 PM

طب ماتيجي القاهره وتشتريها وترجع الاقصر سايقها وعلى ماترجع تكون العربيه عملت ال 1000 كيلو ولينتها وتخش تعملها صيانه ال1000 كيلو

**Ahmed.TV** · 11-12-2010 12:00 AM

انا معرفش اذا كان الكرنك موزع معتمد لنيسان ولالا

وحتى لو كان موزع معتمد , بردوا مفيش سعر مثبت ممكن بيفرق من مكان لمكان بس بيكون حاجات بسيطة فى الفرق

وحتى الخصم بيفرق من موزع لموزع فى القاهرة

وخالى بالكم اسعار الصنى حتغلى زى ما نبهت قبل كدا

على العموم حاول انت تضغط عليهم وتحاورهم صح وتطلع باى مصلحة منه

لان الفصال شطارة بردوا

عشان اجيب خصم محترم لعضو معانا بتعب جامد فى الجدال عقبال ما ممكن اخد خصم معقول يراضى كل الاطراف خصوصا لصالح العميل
فعشان كدا بقولك حاول تحاول وتضغط عليهم