عايز اشترى الحاجات دية

**MOUSTAFA_SAAD** · 10-12-2010 02:36 PM

السلام عليكم عايز اشترى شوية اكسسوارات للعربيه وهى بترتيب الاولويه

محول كهربائى 220 فولت لشحن اللاب توب والموبايل وهل ليه ضرر على الاجهزه اللى بيشحنها او بطارية العربيه
كشاف بالولاعه
منفاخ عجل
مشترك ولاعه
فرشاة مسح على شكل مكواه
حامل لابتوب
اريال اللى بيتربط فى السقف
مثلث عاكس اربطه فى الشنطه من جوه علشان لما افتح باب الشنطه بليل يبان للى جاى
كابل بطاريه
طقم مفاتيح عده مناسبه لعربيه لوجان
واير سحب
مخدع يد
عراقات

اشترى منين وياترى الاسعار ايه
انا من دمنهور بس ان اشاء الله حنزل القاهره تبع الشغل من يوم السبت ولمدة اسبوعين من الصبح بدرى حتى بعد الظهر
فياريت توصفولى العنوان بالظبط اللى اشترى منه الحاجات دية
لو حد عنده حاجه مستعمله وعاوز يبيعها ممكن اشتريها منه بشرط نضافة الحاله

واخيرا موبايل نوكيا بيشغل ال gps كويس يكون مستعمل افضل نوع ايه والسعر فى حدود كام والاقيه فين
وشكرا مقدما

**karimfahmy99** · 11-12-2010 04:11 AM

كل الحاجات دى من التوفيقية بجوار ميدان الاسعاف من رمسيس . و ممكن اى فرع من فروع كارفور

**MOUSTAFA_SAAD** · 11-12-2010 02:24 PM

جزاك الله خيرا
هل عتدك فكره عن الاسعار

**Amr2004IBM** · 11-12-2010 06:07 PM

كل الحجات دى تقدر تجبها من التوفيقيه بس نصيحه هات الانفيرتير الى بيحول من dc ( كهربه العربيه ) الى ac ( الكهربه البيت) من راديوشاك بس خد بالك ان معظم المحولات الى هناك بتحول ل 110 فولت بس تقدر تشحن به الاب توب لان الشاحن الاب توب بياخد 110 - 220 فولت لكن اى حاجه تانيه لاء ( وسالهم يمكن نزلت انفيرتارات 220 فولت).
متنساش تاخد معاك شاحن الاب توب علشان يديك الانفيرتير المناسب