ربنا يخليكوا، بس بجد كل الأهتمام ده كتيييييير عليا
ربنا يديم المعروف
عرض للطباعة
ربنا يخليكوا، بس بجد كل الأهتمام ده كتيييييير عليا
ربنا يديم المعروف
انا لسة مستني اعرف ايه هو البتـــــــــــــــــــــ ـاع...؟؟؟؟؟؟؟
ياللى سرقتوا البتاع ... نابكوا على شونا
داأنتوا اكلتوا البتاع ... معقول تعشونا
قال بعد بيع البتاع ... عاوزين يساومونا
وجابولنا صك البتاع ... فى فكره ملعونه
ونقول ده اصلا بتاع ... ظاتوا ما سمعونا
طنش ونام بالبتاع وغير الموضوع
وعلشان جنابك بتاع تنام تقوم مخدوع
تحلم بلبس البتاع تلقى الشراب مقطوع
طيب كده عندنا 2 بتاع عاوزين نعرف هما ايه...؟
يت ريت ميبقوش 3 قريب
البتاع كلمة عبقرية تعني كل شيء وأي شيء في أي زمان ومكان فعلى رغم أنها تبدو للوهلة الأولى وكأنها لا تعني شيئاً إلا أن استخدامها اليومي يفوق نظيراتها من الكلمات العامية التي لا أصل لها في اللغة العربية، أو حتى تلك المقتبسة من لغات أخرى ومن دون مبالغة تكاد لا تخلو جملة من جمل الأحاديث اليومية بين المصريين من كلمة بتاع في شكل أو في آخر . وهي كلمة قابلة للتعريف ، فيقال البتاع للإشارة غالباً إلى شيء ما واضح لكل من المتحدث والمتحدث إليه . ولكن قد يكون اسمه المعروف به غائباً عن المتكلم . فيقال مثلاً : البتاع إللي هناك متجه إلى الجيزة ، وفي هذه الحال قد يكون الباص المتجه إلى الجيزة . ويشار كذلك إلى البتاع إللي أكلته ليس له حل ، ويحتمل هنا معنيان : فإما أن يكون الشيء المأكول جيداً جداً أو سيئاً جداً.
غمي عيونك
سد ودانك
إفتح بقك
قول انا فين
الشاطر فيكو
يحزر فزر
في دقيقتين
والإشطر منه
اللي يحزرها
في غمضة عين
والإشطر خالص ما يحزرش
يقول انا فين
والإشطر أشطر
اللي يبص يشوف بالعين
انا فين ؟
فيه ناس
اختلف في الموضوع
وحكاوي اتقالت
عن مواضيع
والناس لا مؤاخذة
في زمن الجوع
يتعشوا كلام
يفطروا تشنيع !
فيه واحد شافني
بلبده ولاسه
في باب اللوق
والتاني
لمحني بقفصين موز
علي باب السوق
والتالت شافني
في كاديلاك
راكب مع بنتين
والرابع
شافني ف طنطا
بابيع
بلابيع ونشوق !
وصحافه الصاوي
والورداوي
والجمال
وأباظه ولاظه
وباقي الدلاديل
والأندال
بتأكد جدا
جدا جدا بالتدقيق
إن انا محبوس
وباروح يوميا
للتحقيق!
طب اصدق مين
وأكدب مين ؟!
ماهي حاجه تمخول أيها عاقل
وانا مجنون
وباكلم نفسي
وعقلي صراحه
ماهوش مضمون
لو كنت بلبده ولاسه
وماشي ف باب اللوق
طب إيه مشاني
مفلس جدا
جنب السوق ؟!
لوكنت بدأت
كتاجر فاكهه
وبقفصين ؟
مش كنت زماني
معلم طمبه
وجوز اتنين؟
لوكنت ف كاديلاك
زي ما قال
التالت بيه
ومعايا بنات
زي الشربات
طب ح انزل ليه ؟!
لوكنت يا طنطا
بابيع بلابيع
وسطل وبخور
مش كنت زماني
مدير على جامع
أو مأمور ؟
وصحيح الصاوي
والورداوي
والجمال
حابسين أفكار الناس
في بلدنا
وعال العال
إياك قاصدين
إن انا مسجون
زي الملايين ؟
كده يبقي تمام
ولأول مره
ح اقول " صادقين "
بس انا لا مؤاخذه
وبالتدقيق
ماحصلشي معايا
ولا تحقيق !
مش حاجه تحير
طب أنا فين ؟
حزرتوا خلاص
فزرتوا خلاص ؟
عارفين
أنا فين
أنا ساكن قلبي ومتونس
بالناس
والناس الونسه كتير
ماليين القلب
وشاغلينه
سارحين في الدم
وفي التفكير
وجناين قلبي العمرانه
بالناس
الأزهار
العصافير
سايعاني
وسايعه اللي باحبه
وتساعي معايا
رفاقه كتير
شايفين انا فين ؟
الشاطر فيكو
يحزر فزر
في دقيقتين
والأشطر طبعا
حيحزرها
في غمضة عين
أنا ...... فين ؟
الفاجومي
والله ما قريت بتاع .. .اجمل من إلي اتقـــــــال
وإن كان في الاصل شاع... يبقى لزم السؤال
ده صحبة صديق صدوق .. أغلى من كل المال
ونسيب الناس الحلوة ... وليه نرحل على كل حال
ده مفيش في الدنيا أحلى .. من كلمة إزاي الحال
لا تفارقنا ولا نفارقك... خاليك قريب الوصــــال
حب الدنيا على حالها ... واصبر صبر الجمـــال