-
البتاع
يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر حزين مهزو
لوساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري ولا منقول
والخوف سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
http://www.elfagomy.blogspot.com/
-
ومشي وساب صحابه........ معظمهم كان مذهول
طب لما انت عاوز تسيبنا .... مش كنت حتى تقول
يمكن نحب نصالحك ......ونعزمك على أكلة فول
او حتى نسلم عليك ....... بدل ما تمشي علطول
...............................................
-
وجه يقول البتاع .. راح قايل سلام
و خدنا علي غفلة .. من غير اي كلام
و سابنا حيرانين .. فترة من الزمان
بتعامل الناس كده .. و هما يحبوك كمان
-
ويعملولك مواضيع ويقولو ارجع يا حسام
ما تسيبش صحابك وتمشي ده كده مش تمام
وحشتنا مواضيعك الجامدة والصور والنكت والكلام
دة انا بعت مانت مشيت حاسس اني ح يجيلي زكام
-
و لسه باسأل .. و باقووول ..
حسام جه و اللا .. غيابه حيطول ..
اهو ادانا موضوعين .. ربنا يديله القبول ..
و يرجع سيادة اللوا... من بلاد المغول
-
انا بقى لما اشوفه راح اقوله
انت جبت منين الهجر ده كله
يا بو ليليا وحشت الشعب كله
ارجع ياورد المنتدى وياسمينه وفله
-
دي قصيدة أحمد فؤاد نجم الشهيرة
أنا سمعته مرة بيقول إنه لما راح تونس لقى عيل صغير بيقوله قولنا قصيدة البتاع
-
أحمد ابراهيم ,
حسن خليل ,
دا انتم الاتنين طلعتم بتاع و احنا مش عارفين ..........:rofl4::rofl4::rofl4::rofl4:
-
بنحاول نرجع اللي فات ....ويشارك معانا من جديد
دا المنتدى من غيره .........لا فيه لواء ولا عميد
يمكن كلامنا يأثر فيه .........ده كلام يحرك الحديد
لكن تقول ايه لأبو ليليا....... دماغه ناشف وعنيد
-
عاجبك كده يا حسام .. خليت اكرم يتكلم
طب كنت ترد غيبتنا .. انا عارفك ما انتا معلم
او تيجي ترد و تمشي .. او حتي تخش تسلم
عموما انت وراحتك .. بكرة من البعد .. تتألم
Content Relevant URLs by
vBSEO 3.6.0 PL2