أى انواع السيارات بتسخن فى الصيف اكتر........ (استطلاع)

**Ghamrawy** · 25-03-2008 05:10 PM

الحوار خرج عن الموضوع تماما و بقت شبه حرب :) بالراحة يا جماعة بلاش التعصب ده
seatlover بيه اكيد انا اقصد الشكل و هو شكل الابيزا اللى نزل 94 مع البولو فوكس و مع ذلك برضه كان بيسخن زى ال 1000 سى سى و الكارثة الكبيرة ان لو العربية سخنت و ضرب فيها حاجة ما كنش بينفع فيها تصليح علشان كانت المشاكل بترجع تانى و قطع غياره اجارك الله من اسعاره و الحل هو تغيير الموتور و اجرى بقى ورا الاستعمال و انت و حظك دا غير مشاكل كتيير مالهاش علاقة بالسخونية و من اشهرها مشكلة بوابة الحقن و حساس الشكمان.
معلش بس دى الحقيقة

**SEATLOVER** · 25-03-2008 06:17 PM

المشاركة الأصلية كتبت بواسطة sharky

حضرتك ليه التفسير و الكلام الواضح يببقى دايما فى الأخر دى راجعة لحضرتك لإن أنا موضحها من الأول

بص يا شاركى مش هاقولك الرد انك لو عندك عربية بتسخن ممكن تشارك فى الاستطلاع و لو ماعندكش او الموضوع مش مُقنع ليك متشاركيش فى الموضوع ..ودة لآنى حريص على الحوار معاك ..تمام

اقولك بقى مين اللى موضحش قصدة من الاول ....للمرة المتكررة

اول مشاركة ليك

هو السيات مش محطوطة فى القائمة ليه رغم إنها من أشهر العربيات سخونة فى مصر ؟؟؟؟

ثانى مشاركة ليك

الواقع بيقول إن السيات و الفيات أشهر سيارات بتسخن فى الصيف

ثالث مشاركة

حضرتك السيات مش حالة فردية دى ظاهرة و مشهورة قوى فى السيات 133 و فى حالات من الإيبيزا

رابع مشاركة

يا باشا هو حضرتك مش مقتنع إن السيات 133 مابتسخنش و مش مشهور بالسخونة

اظن واضح جدا عدم الوضوح كان جاى منين .

**SEATLOVER** · 25-03-2008 06:19 PM

المشاركة الأصلية كتبت بواسطة Nader

اصل اكثر من موديل دي مكانتش موجودة في الاول:)
بس عارف، السيات بتسخن برضة:)
ومش هقول اسماء الموديلا اللي هما 133 وايبيزا علشان متزعلش:p:D:p

اية علاقة دة بالموضوع .... جملة كانت مؤجلة

**Nader** · 25-03-2008 07:36 PM

المشاركة الأصلية كتبت بواسطة SEATLOVER

اية علاقة دة بالموضوع .... جملة كانت مؤجلة

ما بما انها كانت مؤجلة ومكانتش موجودة من الاول يبقى متحاسبش الناس عليها

مش كدة ولا اية!!

----------------------------

يا جماعة سيات ولا فيات ولا مرسيدس متتحرق العربيات بجاز

مش عاوزين تعصب اعمي والناس القديمة فاكرة اسبرنزا والمشاكل

اللي عملتها.... في الاول ولا في الاخر دي عربيات حديد في حديد

خلو التعصب لحاجة تانية افيد!!

**SEATLOVER** · 25-03-2008 08:14 PM

يا شاركى باشا عشق اية بس .. انت اللى مش قادر تصدق ان مفيش عربية اسمها سيات
فى عربية اسمها سيات 133

موديل واحد فى ماركة كان موجود من اكتر من 25 سنة و بينقرض هنا فى مصر هل دة سبب كافى ان احط الماركة دى فى الاستطلاع

يا راجل دة جيل تانى ...وشركة غير الشركة ... وعمر تانى ....
وموضوع تانىىىىىىىىىىىى

بعدين العربيات اللى بتقول لازم تبقى موجودة فى الاستطلاع هى موجودة بالفعل
وبتهيألى معروف جداً ان فى كذا موديل مش موديل واحد من الماركات دى فية المشكلة دى

ولو الموضوع دة كان بأى اسم عضو تانى ماكنش هيلاقى هذا الاقبال الرهيب على مناقشة موضوع غير الموضوع المعروض

بس دة شىء جميل انة بيخليك موجود معايا .

**Sharky** · 25-03-2008 08:26 PM

المشاركة الأصلية كتبت بواسطة SEATLOVER

يا شاركى باشا عشق اية بس .. انت اللى مش قادر تصدق ان مفيش عربية اسمها سيات
فى عربية اسمها سيات 133

موديل واحد فى ماركة كان موجود من اكتر من 25 سنة و بينقرض هنا فى مصر هل دة سبب كافى ان احط الماركة دى فى الاستطلاع

حضرتك أنا عارف كويس يا بيه إن السيات ماركة و منها موديل إسمه 133 لكن حضرتك مش واخد بالك إنها طالما موديل من سيات تبقى سيــــــــــــــــــات و مش معنى إنها موديل من سيـــــــــات و فيها عيب السخونية إنها مش تبع شركة سيات
حضرتك موضحش فى الإستطلاع إن السيارات إللى عدت 25 سنة ما تتحطش فى الإستفتاء

المشاركة الأصلية كتبت بواسطة SEATLOVER

يا راجل دة جيل تانى ...وشركة غير الشركة ... وعمر تانى ....
وموضوع تانىىىىىىىىىىىى .

حضرتك نسيت الإيبيزا دى برضه جيل تانى موضوع تانى و ملهاش علاقة بسيات

المشاركة الأصلية كتبت بواسطة SEATLOVER

ولو الموضوع دة كان بأى اسم عضو تانى ماكنش هيلاقى هذا الاقبال الرهيب على مناقشة موضوع غير الموضوع المعروض

بس دة شىء جميل انة بيخليك موجود معايا .

أنا كده فهمت حضرتك فاهمنى غلط :)
أنا مختش باللى أصلا إن حضرتك إسمك Seat Lover , عامل الموضوع غير بعد تانى مشاركة ليك معايا فى الموضوع و أساسا مافيش أى حاجة بينى و بينك تخلينى مستقصد مواضيعك أصلا و لو كان أى عضو كتب فى الموضوع دا و عمل نفس الإستفتاء بتاعك كنت قلتلوا نفس الكلام لإنى ذكرت حقائق يعنى مش بقول اى كلام و خلاص علشان مستقصدك

**thegoodhacker** · 25-03-2008 08:34 PM

انا حتكلم عن العربيات اللي انا جربتها بنفسي لمدة طويلة بطريقة محايدة
ملكة السخونة بلا منازع هي السيات 133 ....... من شركة سيات الاسبانية بس دي موديل عفي عليه الزمن خلاص
و مش معني كده ان كل العربيات السيات وحشة
اما بالنسبة للفيورا 127 ( وهي برضه من شركة سيات الاسبانية ) عمرها ما سخنت مني ولا مرة حتي ..... مشكلتها الوحيدة ان ثرموستات المروحة بيشغل المروحة عند 90 درجة سيلزيوس بس ده مش عيب يعني لان المروحة كانت بتقلل درجة الحرارة الي 70 درجة يعني حرارة معقولة !!

**tutankhamoun** · 25-03-2008 08:43 PM

السلام عليكم و رحمه الله و بركاته
........ ارى أحتقان كبير في هذا الموضوع بين كافة الأعضاء و الأستاذ الجميل عاشق السيات .
أهدوا يا جماعة ........... مش كدا ........ دي العربيات حديد في حديد

أنا عايز أقول كلمتين ( أحنا جايين نهدي النفوس ) :D :D :D

ماركة سيات ماركة حديثة نسبيا و لم يكن في مصر تقريبا إلا السيات 133 و هي مشهورة جدا بالسخونة و هذا هو سبب شهرة هذه الماركة بالسخونة
زي الفيات القديم اللي مشهور بالسخونة و معاهم السيينا من العصر الحديث
المهم نرجع لموضوعنا .........
أنا و أبن عمي كان عندنا عربيتين سيات إبيزا و الأثنين كان بيسخنوا في الصيف إن لم نعتني بهما جيدا ........ من تغيير الماء كل فترة قصيرة ....... عدم السير بالسيارة في وسط الزحام لمدة طويلة و إلا صعد منها دخان عجيب لصنع الجين المدخن :D :D
و أنا كان معنديش مشكلة في الموضوع ده ......... عارفين ليه لأني أحببت السيارة جدا
و لكن ابن عمي كان كارهها جدا بسبب السخونة و غيرها بعد سنة واحدة من شرائها

و بصراحة كان المفروض السيات تكون موجودة في الاستطلاع لسبب بسيط إن سيات قدمت موديلن و هما الأشهر في مصر و أشتهروا بالسخونة
و هناك ماركات في الإستطلاع لم أسمع عن مشاكل في السخونة عنها مثل البروتون ( ويرا .... واجا .... جين 2 )
أو الستروين .......... هل السيتروين يسخن حقيقاً ..؟ لم أسمع عن ذلك قط
و مع ذلك
السيات الإبيزا دي عربية عسل و الموديلات بعد 1994 تم تعديل عيب السخونة فيها ....
و دي مش عيب ..... هي بس المشكلة إن العربية كانت مصممة للعمل في مناطق باردة مش أكتر

و تحياتي للجميع

**SEATLOVER** · 25-03-2008 10:55 PM

ميرسى جداً يا جماعة الحقيقة .. و الاستطلاع القادم إن شاء الله اوعدكم
هايبقى فية
1-السيات ...................... عشان ال 133
2- فولكس واجن ............... عشان البيتلز موديلات الستينات
3- الدايهاتسو ................. عشان الشاريد التمانينات
4-المرسيدس ................. الجاز
5- البى ام .................. الدبانة
6-المازدا ................... ال 323

كل صيف و انتم بخير