الموضوع: دواسة البنزين بتعلق؟!!!!!

أزيكم يا وحوش ..... العربية معايا دلوقتى بقالها 5 شهور وحوالى 10500 كم و حصلت معايا حاجة غريبة مرتين, يا ريت تفيدونى قبل ما اعمل صيانة ال 10000
ساعات بكون دايس دبرياج و اذود بنزين الاقى الدواسة علقت و فضلت مزودة بنزين و مش بترجع تانى؟!!!! الموضوع ده حصل معايا مرتين و حمد ربنا انى بكون دايس دبرياج على الاخر , اول مره بعد حوالى 5 ثوانى رجعت تانى لوحدها , تانى مره مرجعتش غير لما فضلت دايس دبرياج و نزلت زقتها بايدى.
الموضوع ده قلقنى جدا خاصة انى مش ضامن المرة الجاية ايه اللى يحصل.
و بصراحة عندى مشكلة تانية : فى صيانة ال 5000 كنت بقولهم ان الفتيس كان كويس و ناعم و بعدبن دلوقتى بقى خشن فى حركته حتى الدبرياج مش مظبوط و بحس بنطرة العربية ساعت ما ازود بنزين و ارفع رجلى براحة من على الدبرياج , الحقيقة المشكلة دى مكنتش موجوده ساعت ما استلمت العربية و فى صيانة ال 5000 قالولى انهم ذودو زيت الفتيس كان ناقص بعدها محستش بالكلام ده تماما و العربية كانت ممتازة لحد ما عديت ال 10000 رجعت نفس المشكلة تانى. هل ده طبيعى ان زيت الفتيس يحتاج يتزود كل 5000؟؟!!!
افيدونا يا اصحاب الخبرة ان كان كل ده طبيعى.

غير كدا العربية ممتازة و حمالت اسية خصوصا انى قاسى عليها
و شكرا