بسم الله الرحمن الرحيم
والله على انشغالي بالامتحانات بس مش قادر امنع نفسي من اني اعمل الموضوع ده

دي مش اول مأساة اشوفها في الشارع بس للاسف مستحملتش المرادي وقلت لازم تتصور



طيب سيبكم من ان العربية ماشيه ازاي ولا صوتها اللي زي الدبابه ولا كونها بتتهز وكل حاجه فيها بترج ولا كون كاوتشها معووج وبيرقص
كل الاسئله دي مش مهمه

المهم انه ازاي ركبت عليها نمر جديده؟؟؟؟!!!!

يعني هل ده يرضي ربنا؟؟؟
هل العربية دي (اللي في نظري انها كتلة صدأ مخصصه للقتل) مهيأه للسير على الطرقات؟؟؟
هل وصل بينا الاستهتار الى اننا نستهتر بحياتنا الشخصيه قبل حياة الآخرين؟؟؟!

محدش يقولي اكيد الظروف لاتسمح بان صاحبها يركب حاجه افضل لان الظروف لا تبرر الواقع
مينفعش اقول اصله ظروف احياه صعبه فأسرق
دي عربية مخصصه للقتل سواءا قتل من فيها او قتل من يمر بجوارها

ويبقى التساؤل القاتل بداخلي
ازاي اترخصت واتجددت العربية دي دون ان يعلق احد على الامن والمتانه وعلى الوضع المزري للسياره؟؟؟؟


لا حول ولا قوة الا بالله....

رجاءا من اي حد عربيته فيها خلل فادح ياريت متمشيش بعربيتك اطلاقا الا بعد ما تكون سليمه وآمنه على حياتك قبل حياة الآخرين ومتغامرش اطلاقا وتقول ده مشوار قريب ولا ده حاجه ومش هيحصل مشاكل

محدش عارف مقدرله ايه

صلح عربيتك واعمل صياناتها الدوريه ومتهملش وباذن الله ربنا يحفظك ويحفظنا من كل الشرور....


آمين


تحياتي