سلام عليكم
كنت عايز اعرف لو حد عمل العملية قبل كده
ظروف العملية ايه ؟ و قعدته بعدها في البيت قد ايه ؟
و كان ممنوع عليه ايه بعدها ؟
و اهم نقطة ... الأكل بعدها كانت ظروفه ايه ؟
عرض للطباعة
سلام عليكم
كنت عايز اعرف لو حد عمل العملية قبل كده
ظروف العملية ايه ؟ و قعدته بعدها في البيت قد ايه ؟
و كان ممنوع عليه ايه بعدها ؟
و اهم نقطة ... الأكل بعدها كانت ظروفه ايه ؟
أبويا عملها من سنتين ..... بالمنظار
بتخرج من المستشفى يوميها بالليل او تاني يوم الصبح بالكتير
بتقدر تتحرك براحتك بعد العملية ..... بيوم بالكتير
طبعا انا كلامي عالمنظار
كان ممنوع على ابويا السجود كام يوم لحد ما الغرز تلم ...... بس ..... غير كده كان عايش حياته بييس
بتقعد فترة مفيش اكل دهني تقيل ...... و بتاخد ادوية تساعد على هضم الدهون ..... و بعد كده بترجع عادي (بس برضه بتبقى الدهون غير مستحبة أوي)
جزاك الله خيرا اولا
طب بتبقى الدهون غير مستحبة اوي , يعني الواحد ياكل و ما يكترش ؟
يعني انا مثلا حاليا اللي لو كلته باتعب , كل انواع السمك ماعدا البلطي المشوي , الجمبري , اي حاجة مقلية لو ما اتنشفتش كويس , اللبن السايب (دسم) , كذلك الزبادي البلدي , الكبده , اللحمة الضاني , اي حاجة بسمنة او زبدة او قشطة , و القائمة تطول
هل نفس الوضع كده ؟
أولا استئصال المرارة بالمنظار هو الstandard حاليا .. يعني 95 % منظار و 5% فقط open
فعلا فى حالة المنظار المريض بيروح تانى يوم على أقصى تقدير - طبعا بعيد عن اى مضاعفات بعد العملية لا قدر الله -
يمنع من اى حركة عنيفة او حمل اشياء ثقيلة او اى شئ يأثر على الغرز و التئام الجرح لمدة اسبوع تقريبا
بالنسبة للأكل المنع بيكون حسب سبب استئصال المرارة .. اذا كان بسبب وجود حصوات و التهاب مزمن - و ده يمثل النسبة الأكبر من الحالات - يبقى تقليل نسبة الدهون فى الاكل الى الحد الادنى و استخدام بعض الادوية المساعدة على الهضم .. لان المرارة هى العضو المسؤول عن تخزين و افراز العصارة الصفراوية المسؤولة عن هضم الدهون
العملية بسيطة جدا ان شاء الله و مفيش داعى للقلق :)
كلام مظبوط ، اسمها laparoscopic cholecystectomy أنا بعملها هنا بتاخد مني 30-45 دقيقه ، بالمنظار ، ثلات فتحات في البطن ، واحده علشان ال-scope أو المنظار اللي هو متوصل بشاشه بلازما كبيره والفتحتين التانيين علشان hand grappers أو المقصات . طبعا ال المراره على اليمن جانب الكبد فبنعمل فتحتين على الشمال ووحده على اليمن . قطر كل فتحه حوالي 7 ملي بس بتاعه السكوب بتكون أكبر ممكن توصل 1 سم. أول ما بندخل المنظار بننفخ الغشاء البرتوني هواء علشان نبعد الالتصاق ونشوف أحسن . تأتي بعد كده مرحله قص الشريان والوريد اللي بييغذو المراره ودول بنربطهم بدبابيس هما والقناه المرارية. دبابيس تشبه بتاعه الدباسه وبيفضلو في البطن على طول وبيبانوا مع كل اشاعه على البطن . بعد كده بندخل شبكه صغيره net من فتحه من الفتحتين ونحط فيها المراره بعد مانكون فكنها ونحتها في الشبكه ونخرجها . أهم حاجه لازم نشوف لو فيه أي blood leaking أو دم بيتسرب من الشريان أو الوريد اللي ربطناهم علشان ميحصلش نزيف داخلي ، وبندخل حاجه ذي كاويه بالكهربة علشان تكوي النزيف .على فكره من خلال العملية ديه ممكن نشوف الكبد كويس ولو المريض عند أي مشاكل في الكبد ممكن ناخد biopsy أو عينة من نسيج الكبد ونحللها معنا بالمره بدل منفتح تاني مخصوص.
عملية سهله جدا و بيتخد لها مخدر كلي ..مفيش أي ألم ومفيش أي خياطات في البطن بتبان غير تلات فتحات صغيرين مبيبنوش بعد كده
طبعا ذي ما الإخوة اوضحوا ،يتم منع أكل الدهون لمده اسبوعيين على الاقل ، كمان توقع إنه يكون عندك إسهال بعد العملية لفتره 3-4 أشهر ،ودة لأن الكبد بيظل يفرز الصفراء بتعته من غير مايكون فيه المراره اللي كانت الصفراء بتتخزن فيها ، وبكده الصفراء نسبتها بتكتر وتسبب إسهال لفتره ، بيتم أخد أدوية لتقليلها
وحمد لله على السلامه مقدما
بصوا يا جماعه أنا ولا بتفلسف ولا ب-show off ولا بتمنظر بكلمتين . أنا هنا لما كنت في في ال-rotation بتاعه الجراحه ودة مش تخصصي وكنت أقعد مع العيان قبل العملية ألقيه طابع كل الابحاث وكل التعليمات اللي قبل وبعد العملية ..يعني أنا لو مش دكتور متابع كل حاجه وبقرأ أخر الابحاث اللي بتصدر في مجالي أحسن لي أبيع بطاطا..طيب الكلام دة هنا في أمريكا..تعالو نبص على مصر
العيان في مصر مسكين ..أولا خلفيته الطبية تقريبا منعدمة ..يؤمن بالقضاء والقدر ولا يؤمن بالكافأت ولا الثواب والعقاب في الطب ..يعني لو العيان عاش ربنا عايزو يعيش ..ولو مات ربنا عايزو كده ..كلام جميل كل حاجه في الحياه بتتم بتدابير إلهية بحته بس الدكتور يعمل اللي عليه والعيان كمان يعمل اللي عليه
العيان في مصر لو حب يدخل على النت هيلاقي كل حاجه بلغه تانية ..مش هيفهما..كلها مصطلحات طبية..داه لو العيان بيعرف يدخل على النت من اصلو ويعرف يعمل search على المرض اللي عنده .بس العيان في أي أمريكا هيقدر يقرا ويتفاعل .
ثالث حاجه نظام التعليم مختلف ، يعني اللي يقرا يفتكر اني جراح بس أنا مش جراح أو لسة مخترتش التخصص بتاعي ..أنا عملت عمليات كنت فيها مساعد أول جراح وأنا تلميذ .ومش مراره وبس لأ وقلب مفتوح وجهاز هضمي وجراحات تانية كان لازم اعملها بإيدي والجراح الأساسي واقف قدامي على تربيزه الجراحه بيقيمني.
أنا بس قلت أديلك كل التفاصيل البسيطه اللي إنت محتاج تعرفها ودة حقك انك تعرف العملية هتتم ازاي وإيه اللي هيحصل فيها .داه من وجبات الدكتور أصلا ناحيتك وأنا حبيت بس أوضحها لك .
دة أحسن شرح للعملية ...بيشرح كلام النظري لعملي
وأسف لو كنت طولت عليكم
YouTube - Cholecystectomy
:Oc_sun1[1]: والله انت راجل محترم وشارح التفاصيل بالظبط
:Ka_che1[1]: بس بلاش لو بتشرح لمريض تقله هننفخ الغشاء لانه هيفهم حاجاه تانيه خالص
وبلاش دبابيس لانهم بيفهمو الموضوع ده غلط مبيترجمش معاهم صح
حصت معايا والراجل قلى بالنص ننفخ ايه ازاى يعنى وافرد فرقعت وقصص كدة عجيبه حاول تقلل التفاصيل دى
أنا مقدر موقفك وإنت بتشرح الكلام دة لواحد مصري إبن بلد بسيط..بس ننفخ بقولها هنا we are going to inflate the peritoneum ..اللي هي بالعربي ننفخ. بس خلي بالك ليكون المريض بتاعك بيشتغلك وطالبة معاه هزار وتريقة ..كده يبقي كتير أوي ويستاهلل اللي يجراله.
هنا العيان قبل العملية لازم بياخد CD زي اللي إنت شفته دة بس فيه تفاصيل أكتر كمان و بيتفرج عليه ويمضي إنه عرف إيه نظام العملية
باشا انا صيدله اساسا وحضرت عمليات كتير من النوع ده لانى بورد الدبابيس و الابليرات بتاعتها وصدقنى اخر حاجه مهمه المريض نفسه محدش بيشرح اى حاجه لاى حد
أنا ابتديت أقلق على صاحب الموضوع ..الظاهر إني اسهبت في الشرح لغايه الرجل ماشال الفكره من دماغه
دكتور fadod
ههههههههههههههههههههه , لا ما شلتهاش لسه بس انا مازلت بابحث في قرار اعمل العملية ولا لأ , انا عندي الحصوة قطرها كان من 7 شهور 13 ملم , و عندي اعراض ما اتحددش لحد دلوقت هي اعراض تعب قولون ولا مرارة , و كده كده انا مقبل على عملية تانية بالمنظار ان شاء الله , فمش عارف هل هي فرصة لعمل المرارة معاها (انا مش عارف اصلا الاعراض اللي تاعباني اعراض مرارة ولا قولون ) , ولا انا مش محتاج اعمل عملية المرارة اصلا , ولا وجود الحصوة حتى لو مش مأثرة دلوقت يضرني على المدى الطويل فاعمل العملية , و الله انا احترت
التفاصيل هنا http://www.nilemotors.net/Nile/189461-a.html
أشكرك حقيقي بخصوص التفاصيل و الاسهاب فيها بجد افدتني ... الجانب السلبي الوحيد اني عرفت احساس العربية و هي بتتصلح ( بيتفك خرطوم و تتشال قطعة غيار و يتلحم خرطوم في خرطوم ) :(
لو الحصوة كبيرة و ما بتتحركش ما تعملش العملية
لو صغيرة و بتتحرك اعمل العملية
--------
انا عندي حصاوي برضه و اللي فوق ده توصيات كذا طبيب رحت لهم
بس انا بالعكس شايف وده مش كلامي ده لو كبيرة تبقى مصيبة
ممكن تسد القناة المرارية وتخلي الصفرا تاخد مسار عكسي تتحوش كتير اوي وترجع على الكبد وساعتها هتقلب بصفرا انسدادية
حتى ف مراحل متأخره بيوصل ان الكبد لونه بيبقى قريب من الاخضر من كتر الصفرا المحتجزة فيه
وطبيعي انك تشعر بتلبك معوي عشان الدهون اللي مبتتهضمش بتعمل اسهال دهني او Steatorrhea
حصوة حجمها 13 مل لازم تشيلها ..مع احترامي للأراء بس حتى لو مبتتحركش...وجودها بس جوا المراره مش لازم يعمل إنسداد للقناه المرارية في الوقت الحالي بس ممكن يعمل infection في الجدار الداخلي للمراره بينتقل بعدها إلي القناه المرارية ويسبب فيها التهابات ناتجه عن نمو بكتيري فيها ...ودة ليه 3 أعراض معروفين ويسمي charcoat Triad ..وهما ارتفاع درجه الحراره ، الأم في الجنب الايمن العلوي من البطن (مكان المراره ) وأخيرا الصفراء في العين وتحت الجلد .نصيحتي ليك لو مش عايز تشيل المراره في الوقت الحالي ، على الاقل اعمل منظار إسمه ...ERCP... مش عارف إسمه إيه في مصر... ودة هيدخل من الوريد في ايدك ويمشي عن طريق رؤيته بالموجات فوق الصوتية لغايه ميدخل المراره ويلقط الحصوة وتنيه خارج ...يعني ممكن تستني على شيل المراره بس شيل الحصوة. وبعدين نشوف لو المرارة بتكون حصاوي تانية ولا لأ..حصوة ذي ديه مش هتنزل بسوائل علشان متتعبش نفسك
ثاني حاجه شوف الكولسترول عندك ونسبه الكالسيوم في الدم عاملين إيه لأن دول اللي بيكونوا الحصاوي
تاني مره مع احترامي للدكاتره اللي في مصر مفيش دكتور يقدر يحدد إن كان تعبك upper أو lower من غير مايعمل scope أو منظار من فوق ومن تحت .أنا مش عارف ليه الدكاتره في مصر مبيحبوش التكنولوجيا في تشخيصهم وبيعتمدو على الحظ والتخمين . هل لأنها غالية ولا لأنها غير مستعملة ومفيش إقبال عليها ..مش عارف
إنت بتقول انك بتحس كتمة بتيجي على فم المعدة (احيانا غاز و احيانا سائل) بتخليني مش عارف اتنفس الا بصعوبة ده غير الألم طبعا , و اقعد اخد في سفن اب و فوار و اتمشى و اعمل لحد ما تروح و ارتاح..من كلامك إنت بتتكلم على GERD أو إرتجاع حامضي في المرئ ودة ناتج عن إرتخاء العضلة القابضه اللي موجوده أسفل المرئ مما يؤدي إن الحمض اللي في المعده يرجع على المرئ ، واللي هي بنسميها حموضه على الصدر ..أيضا داه ممكن يكون esophageal stricture أو ضيق في أي مكان في المرئ وغالبا الثلت الاخير بيخلي الاكل يتحوش وراه ويؤدي الإحساس إن الاختناق جاي من المعده
وممكن أقولك 3 أو 4 تشخيصات تانية كلهم ينطبقو علي اعراضك بس اللي يحد هو المنظار اللي من فوق .عامه أعتقد انك لازم تكون أخدت أي حاجه anti acid مضاد للحموضه ولفتره كافية علشان دة ها يسعدك كتير في الوقت الحالي ..وألف سلامه
الف سلامة يا بشمهندس تامر
لكن حضرتك الاعراض التي ذكرتها كما ذكر الدكتور fadod لها اسباب متعددة
و متفق معه كليا فيما ذكر " كلام غاية في الدقة و الموضوعية"
فقط
حضرتك طالما الاعراض التي ذكرتها في الموضوع الاخر جديدة -و غير الاعراض السابقة المعتادة- يجب عليك البدء باختبار للكشف عن بكتريا H.Pylori قبل اللجوء الي المنظار .
مرة اخري الف سلامة علي حضرتك
انا مرة اتقال لي ان الموضوع ده بيعتمد على الحجم و انها لو اكبر من القناة المرارية يبقى مافيش مشاكل ... الاخوة الاطباء هنا (و حضرتك طبعا لو منهم كمان) يفيدوني في مدى صحة او خطأ ده
هممممم , الموضوع مش بسيط يعني
اول مرة اسمع عنه , ما اظنش هايبقى موجود في مصر اصلا ... فيه سؤال ضرب في دماغي .... هو شريان ولا وريد ايه ده اللي هايعدي طوبة قطرها 13 ملم ؟؟
انا اذكر اني حللت ايامها و طلع مافيش مشاكل
كل ما اروح لحد بيديني علاج كل حاجة اصلا , مرارة و قرحة و قولون :(
الله يسلمك....... , و اكيد لو منهم حصوات المرارة كنت هاتقول ...... انا تعبتك معايا و الله و مش عارف اشكرك ازاي
الله يسلمك يا دكتور زيزو
لعلك بخير ان شاء الله :)
انا مش عارف انا عملت التحليل ده ولا لأ , ممكن اشوف بقى
مش كده برده يا دكتور
يبقى انا مذاكر باطنه صح
منا قولت كده برده مجرد احتجاز السائل داخل المرارة هيمثل وسط ملائم للبكتريا عشان stasis اللي موجوده زي مابيحصل ف الارتشاح البللوري لما بيقلب ب empyema ف الاخر
واعتقد الtriad اللي حضرتك كاتبه عشان ظهور : obstructive jaundice
صفراء انسدادية صح كده ولا ايه
تحياتي كلامك ف الطب ممتع
وانا بعشق الباطنه على فكره
[QUOTE=tlrsiap;3873142900]انا مرة اتقال لي ان الموضوع ده بيعتمد على الحجم و انها لو اكبر من القناة المرارية يبقى مافيش مشاكل ... الاخوة الاطباء هنا (و حضرتك طبعا لو منهم كمان) يفيدوني في مدى صحة او خطأ ده
انا طالب ف ساتة طب
بس زي مالدكتور فادي قال لحضرتك ان احتجاز الصفرا زي بيمثل وسط مناسب لنمو البكتريا
هقولك مثال بسيط
المياه الجارية بتكون انضف من المياه الراكده مش مظبوط كده :)
أنا كنت هقترح إنه يعمل تحليل ال-H Pylori عن طريق الدم ، بس ما دام هو ناوي يعمل upper scope ذي ما أنا بحاول اقنعه يبقي الافضل ليه يحلل H Pylori عن طريق gastric Biopsy ..أو عينه من الجدار بتاع المعده ..أدق ليه و-more sensitive and specific ..أنا سألت فيها كمان هنا وقالولي أكيد لو ناوي على منظار يبقي يعمل H Pylori زائد Celiac Spru بالمره ..
Celiac spru دة اللي مسئول عن مشاكل ال-malabsorbtion أو عدم القدره على إمتصاص الغذاء من الامعاء الدقيقه واللي أعراضه بردو نفس اللي إنت ذكرتها ( كلامي موجه لتامر)
يعني لو رحت عند دكتور جهاز هضمي شاطر وعملك منظار على المرئ والمعده وأخد كام عينه معاه هنحل نص المشكله ..ولو كل الحاجات ديه طلعت نتيجتها سلبية بالاضافه الي إن المرئ مافيهوش انسدادات ،أو Barrett esophgitis أو Achalasia أو أي مشاكل تانية الدكتور ممكن يشوفها بالمنظار يبقي مفيش غير الحصوة بنت اللزينه اللي ممكن تكون عملة لك المشاكل ديه وساعتها قدامك يا تشيل الحصوة وتستنى تشوف إيه رد فعل المرارة ..يا تشيل المراره كلها وتريح نفسك ....
كدة الخطه تمام ولا إيه رأيك ورأي الدكاتره ..أنا أسف .. علشان فيه حاجات مش عارف أترجمها بالعربي ...أنا كنت تجاره في مصر ليس أكثر ولا أقل .وكانت أمنية حياتي أكون دكتور بس ربنا يسامحو فتحي سرور لبسني في تجاره غصب عني ..أما إيه العلاقه بين تجاره في مصر وطب في أمريكا ..أنا معنديش أي اجابه للسؤال دة
في حاجه أخيره عايز أذكرها لكل العيانين ، إعمرل سيرش على اللي عندك قبل ماتروح للدكتور ، وريله انك عارف وعندك ولو خلفية بسيطه ...هيحترمك أكتر وهيخاف إنه يعمل غلطه لو فيه حد قدامه فاهم . متكونش ساذج معاه وناقش إيه الخطط والبدائل لعلاجك وإختار أنسبهم ليك ، دلوقتي ويكيبيديا فيه كل حاجه عربي وداه واجبك تجاه نفسك
أنا لي سؤال ..بكام المنظار على المعده في مصر ..أنا بس مش عايز أكون واحد من الدكاتره اللي بيعجز العيانين بتوعه ويزود هموم وفواتير على همومهم .وشكرا
فادي ( من غير القاب لو سمحتم )
تمام كده بس القصد ان الباشمهندس تامر سنه صغير و الاعراض جديدة و غير مزمنة يبقي نبدأ بحاجة non - invasive
انما لو خلاص نوي علي المنظار يتوكل علي الله
و علي فكرة فيه ERCP في مصر بس في المستشفي عندنا بيكون عطلان اغلب الاحيان من كتر الشغل !!
و قبل ما بنحجز عيان بيكون محتاجه لازم اتأكد الاول انه شغال - للاسف -
:verygood:اقتباس:
في حاجه أخيره عايز أذكرها لكل العيانين ، إعمرل سيرش على اللي عندك قبل ماتروح للدكتور ، وريله انك عارف وعندك ولو خلفية بسيطه ...هيحترمك أكتر وهيخاف إنه يعمل غلطه لو فيه حد قدامه فاهم . متكونش ساذج معاه وناقش إيه الخطط والبدائل لعلاجك وإختار أنسبهم ليك ، دلوقتي ويكيبيديا فيه كل حاجه عربي وداه واجبك تجاه نفسك
كلام محترم
مريح للمريض
و مريح للطبيب الذي يسمع كمية مهولة من النفايات علي ألسنة المرضي نقلا عن اطباء اخرين
للاسف:B4_611: ..
سؤال بسيط ... هو من امتى ال ERCP كان بيدخل من الوريد؟
اللى اعرفه انه بيدخل من المرئ مرورا بالمعدة و الاثناعشر انتهاءا بampulla of vater
فعلا انا نسيت استفسر عن الموضوع ده !!
YouTube - ERCP Procedure
مش بقولكم أنا أصلي تجاره ووزير التعليم الأميركي ضيعني ودخلني طب http://www.yamli.com/tiny_mce_3.2.7/...y-laughing.gif
أنا حبطل اكتب على حاجه وانا بفكر في حاجه تانية ...ال-cardiac cath وال- CABG مسحلي دماغي ، وأي حاجة بفكر فيها عن أي مريض هي شرايينه واوردته
أنا أسف لكتابه معلومه خاطئه ...وخاصه لمريضنا تامر ..ربنا يكمل شفاك على خير
اللي أنا شايفه هنا من خطط العلاج إن EGD و-colonoscopy مش invasive .يعني لو واحد عنده FAP بيبتدي يعمل colonoscopy من سن 25 سنه كل سنه لمدي 3 سنين وبعدين كل 3 سنين باقي عمره . أي حد برضه فوق الخمسين وعنده family Hx أي نوع colon CA لزم يعمل colonoscoby كل سنه أو سنتين . مثلا أي حد عند barrett لازم EGD كل سنه لسنتين
أي عيان بيجي من أي عمر رجل أو ست ب-rectal bleeding ..على طول ابعت colonoscopy . أنا حطت اوردر EGD لبنت 16 سنه من يومين عندها vomiting كل يوم أو يومين وبقى لها حوالي إسبوعين بعد ما عملت CBC، BMP وطبعا Hcg ...المهم أنا قصدي أقول انها مش INVASIVE ..بس أنا متخيل اللي إنت بتقوله .
جراحات تغيير الركبه لمن فوق الستين مثلا ، زي عمليات اللوز هنا ، معظم الناس بتعملها من سن 60 لغاية 80 ..وبنضمن لهم انهم يرجعوا يلعبو جولف وتنس بعد العمليه باسبوعين .أنا لما اقترحت على واحد في عيلتنا كده قال بعد الشر أغير ركبه ليه هو أنا بموت ..
أنا مش عارف هي ثقافه ولا خوف ولا عدم ثقه في الدكاتره بس أنا بقول اللي بيحصل بكل أمانة
الف سلامه على حضرتك هم الاعضاء وفوا وكفوا ومفيش اضافه جديده بس هم فعلا كلامهم كله صح هنقول كمان ممنوع الفلفل الاسود ودا بحكم طبيعه عملى فى المستشفى