-
مشكله في تكييف الانسر؟
لما بشغل التكييف على سرعة 1 أو 2 الكمبرسور بيشتغل لمدة دقيقة ونص وبعدين يفصل عشر ثوان وبعد كده يكمل عادي و هكذا
ركزت مع الكمبرسور و فتحت الكبوت واتاكدت
فهل ده ممكن يكون نقص فريون؟ او زيادة فريون؟ لان برضو التبريد مش قوي
العربية 2007 فهل ممكن تكون عايزة شحن فريون!
-
طيب ولما بتشغله على السرعه ال3 او 4
عموما هو نظام تكييف الللانسر هتلاقي او ما تفتح الكبوت مروحتين جنب بعض دول بيشتغلوا لما درجة حرارة المحرك توصل 90 وبيتشغلوا لما المكيف بيشتغل مستمر معاه
طالما الكمبريسور بيفصل ويشتغل يبقى التبريد مش كفايه وهو بيفصل من ارتفاع الضغوط يعنى بعيد خالص عن مشكلة الفريون انزل دلوقتي شغل العربية وهي بارده وشغل المكيف هتلاقي المراوح اشتغلت لو مشتغلتش يبقى عندك مشكلة اما لو اشتغلت يبقى المشكلة في الثرموستات بتاع المكيف وفي الحالتين مترحش لاي حد بره روح التوكيل ده شغلهم ولازم هيصلحوهالك
وربنا يحفظهالك ويباركلك فيها
-
المراوح شغاله
لما بشغله على 3 ما بيفصلش
بس المشكلة لما اشغله على 2 يعد بالزبط دقيقة ونص و يفصل و بعدين يشتغل تاني طول ما انا ماشي العربية تخف و بعدين تتقل تاني عشان المكيف
-
يبقى الثرموستات عايز يتضبط او في حاجه كمان تقدر عن طريقها تعرف اذا كان الفريون ناقص او لأ
دور على حاجه اسمها الثلاجه جنب الموتور كده دور عليها هتلاقيه فيها عدسه بص عليها قبل ما تشغل المكيف هتلاقيه نظيفه مفيهاش رغاوي كده زي بتاعة الصابون
شغل المكيف لو عملت رغاوي يبقى الفريون عايز يتزود
جرب تاني
او من الافضل انك تروح التوكيل وهما هيضبطوهالك جدا ولا هي طلعت من الضمان
-
دة نقص فى الفريون 134a فية مفتاخ اسمة low pressure cut of دة وظيفتة لما الضغط يقل عن 30 psi الكمبورسور يفصل ولما يفصل الضغط يزيد تانى يشتغل الكمبورسور مرة تانية وهكدا
-
الف شكر يا جماعة على الردود
كيمو باشا هو الضغط المفروض بيبقى كام؟
و ليه لما اشغله على 3 بياخد فترة كبيرة عشان يقصل
-
لما انت بتشغلة على سرعة المروحة على 3 يظل فترة اطوال من السرعة 2 و 1 دة طبيعى لان السرعة 3 تمرر هواء اكثر على كويل التبريد وبالتالى عملية تبخير الفريون الموجود تكون اكثر فتستمر وقت اطول وعلى فكرة ضغط السحب المظبوط من30 :32 psi عند سرعة موتور 3000 لفة اللى هو ار بى ام
-
الضغط ده لاي نوع عربية ولا للانسر فقط
-
الضغط دة ثابت فى التكييفات من 30 :32 psi فى السحب ومن 200:250 psi فى الطرد ويختلف بسيط حسب نوع الفريون المستخدم فى السيارة
-
عندي 134ايه في الشاهين 2006
واذا زاد الضغط عن المعدل ده يحصل حاجه؟؟؟
وبعدين انا عندي العدسه اللى بتبين اذا كان ناقص ولا لأ بتعمل رغاوي ورحت لبتاع المكيفات شاف الضغط قالي مضبوط ومقدرش ازود اكتر من كده فهل انفض هو كده كويس ولا ازود لحد ما الرغاوي تروح؟؟؟
وشكرا جزيلا
Content Relevant URLs by
vBSEO 3.6.0 PL2