أروح المقطم و لا العبور عشان أعمل البريك بتاع عضة الفتيس و صيانة ال15k؟؟

أنا لسه عندي مشكله في الريفيرس ساعات كتيره أوي مش بيجي و تحسه كده مش معشق يعني العربية بتنور أبيض ورا و تدوس بنزين كإنها مموره
و بقيت خلاص متعود إني أجيب أول و بعدين أجيب ريفيرس غير كده في الغالب الغيار مش هيعشق

طبعا الأول كان في صوت الرزعه دي لما تجيب الريفيرس بس لما رحت التوكيل في صيانة ال5k المهندس قالي ملهاش حل غير إنك تجيب أول طبعا كان بيهذي حضرته و عرفت في المنتدى إن في ناس ركبت البريك و عضة الفتيس راحت

على العموم

-هل العبور أحسن من المقطم و أنا على طول كنت مع المقطم على فكره ؟

و- هل هيسلمولي العربية في نفس اليوم عشان طبعا مش هينفع أرجع من العبور من غير عربية و مش هينفع أصلا أجيلهم يوم تاني عشان أستلمها و أدب المشوار تاني ؟
دا طبعا في حالة إني كنت أول واحد و جايلهم الساعه 7 كمان

و هل العربية في ال 15K بيتربط ليها عفشه و لا لأ

وايه اللي مصبرك لحاد دلوقتي

انا مركب البريك في صيانة ال 15000 وعامل دلوقتي 35000 وزي الفل

انا عمري ما رحت المقطم على طول في العبور

ايوه بيتربط عفشة في صيانة ال 15000

والف مبروك ياباشا

اقتباس:

---

المشاركة الأصلية كتبت بواسطة د.أحمد عبد الرحمن

وايه اللي مصبرك لحاد دلوقتي

انا مركب البريك في صيانة ال 15000 وعامل دلوقتي 35000 وزي الفل

انا عمري ما رحت المقطم على طول في العبور

ايوه بيتربط عفشة في صيانة ال 15000

والف مبروك ياباشا

---

شكرا يا دوك
قعد قد إيه في تركيب البريك ؟ العربية باتت و لا لأ ؟

إيه البريك ده يا جماعة و يعني إيه؟

اقتباس:

---

المشاركة الأصلية كتبت بواسطة factorialx

شكرا يا دوك
قعد قد إيه في تركيب البريك ؟ العربية باتت و لا لأ ؟

---

لاء العربية بتاخدها بعد 6 ساعات يعني يفضل تروح معاد الصبح :36_1_35[2]:

اقتباس:

---

المشاركة الأصلية كتبت بواسطة factorialx

شكرا يا دوك
قعد قد إيه في تركيب البريك ؟ العربية باتت و لا لأ ؟

---

وديتها 9 الصبح اخدتها اخر اليوم 4:30

معلومة عرفتها من حوالى سنتين عن فرع العبور

فرع العبور فيه shuttle bus بينقل الزباين فى مواعيد معينة من العبور الى مصر الجديدة ( تحديداً عند بنزينة موبيل صلاح سالم المعروفة بأسم من موبيل العبور)...و العكس.

و بالفعل جربته يوم ما كنت هناك......و له مواعيد معينة لكل إتجاه.

هو ايه البريك ده يا جماعة

http://www.nilemotors.net/Nile/141899-a.html

البريك هو حل عضة المرشيدير في اللوجان

المشكلة الحقيقية هم إزاي بيقفلوا الفتيس بعد ما بيفوروه؟!!! أصل العربية موش ناقصة عيوب تقفيل قاتلة لإعادة البيع علشان الفتيس هو الآخر يظهر فيه عيب.

مثال لعيوب التقفيل القاتلة لإعادة البيع، الدهان الداخلي ﻷرضية الشنطة، يبدو أقرب ما يكون إلى التلييط، مما يعطي إنطباع بأن الشنطة اتعجنت مرة قبل كدة و اتردت في ورشة سمكري من بتوع اﻷرياف و اترشت عند بتاع الدوكو اللي جنبه تاني بر الترعة.

أسلاك الكهرباء في مقدمة الكبود، ملفوفة بشيكرتون لفة كهربائي سيارات من بتوع الحارات، حتى الشيكرتون موش صوف، ده من البلاستيك العادي.

اقتباس:

---

المشاركة الأصلية كتبت بواسطة saidbakr

المشكلة الحقيقية هم إزاي بيقفلوا الفتيس بعد ما بيفوروه؟!!! أصل العربية موش ناقصة عيوب تقفيل قاتلة لإعادة البيع علشان الفتيس هو الآخر يظهر فيه عيب.

مثال لعيوب التقفيل القاتلة لإعادة البيع، الدهان الداخلي ﻷرضية الشنطة، يبدو أقرب ما يكون إلى التلييط، مما يعطي إنطباع بأن الشنطة اتعجنت مرة قبل كدة و اتردت في ورشة سمكري من بتوع اﻷرياف و اترشت عند بتاع الدوكو اللي جنبه تاني بر الترعة.

أسلاك الكهرباء في مقدمة الكبود، ملفوفة بشيكرتون لفة كهربائي سيارات من بتوع الحارات، حتى الشيكرتون موش صوف، ده من البلاستيك العادي.

---

يا راجل حرام عليك

العربية دهانها الخارجي سوبر سوبر دانا حاكك في لانسر بطة قبل كده
وحاكك في نيسان صني مصري
وحاكك في 128

جميعهم انا اللي باخد البوية بتاعتهم وبشوية بوليش دهانهم بيتشال والعربية لسه جديدة

الشنطة دي تحت الموكيت مش باين والتلييط اللي حضرتك بتقول عليه ده معناه انه ملحوم لحام تخين يعني مش سهل تحصل فيه اعوجاج او بارومة ودا اللي يهمني

عمري ما حسيت ان سلوك الموتور وحشة ابدا بالعكس كهربة العربية زي الفل

اقتباس:

---

المشاركة الأصلية كتبت بواسطة د.أحمد عبد الرحمن

يا راجل حرام عليك

العربية دهانها الخارجي سوبر سوبر دانا حاكك في لانسر بطة قبل كده
وحاكك في نيسان صني مصري
وحاكك في 128

جميعهم انا اللي باخد البوية بتاعتهم وبشوية بوليش دهانهم بيتشال والعربية لسه جديدة

الشنطة دي تحت الموكيت مش باين والتلييط اللي حضرتك بتقول عليه ده معناه انه ملحوم لحام تخين يعني مش سهل تحصل فيه اعوجاج او بارومة ودا اللي يهمني

عمري ما حسيت ان سلوك الموتور وحشة ابدا بالعكس كهربة العربية زي الفل

---

+11111111111111111111111111111111111111

اقتباس:

---

المشاركة الأصلية كتبت بواسطة د.أحمد عبد الرحمن

....
الشنطة دي تحت الموكيت مش باين والتلييط اللي حضرتك بتقول عليه ده معناه انه ملحوم لحام تخين يعني مش سهل تحصل فيه اعوجاج او بارومة ودا اللي يهمني

---

سيبنا يا عزيزي من التكهنات الفنية، و خليني أسألك، و باﻷمانة، هل منظر الشنطة تحت الموكيت بالشكل ده يبقى حلو؟

رحت العبور و عملوا الفتيس و الحمد لله العضه راحت نهائي إن شاء الله تفضل كده على طول

العربية بقت el coche perfecto