السلام عليكم و رحمة الله

قاعد بذاكر
فجأة رن عليا رقم غريب رنة قصيرة
بعديها علطول جالي رسالة..نصها كالأتي:
"يا محمد أنا أحوك محمود
ضروري تيجي عشان أبوك
لقى بيت تحت الأرض في الجبل بتاع
الفراعنة و طلعنا منه
تماثيل دهب و حجر
شوف مشتري و انزل البلد"

أنا قلت أتصل بيه أشوف مين ده

أنا:السلام عليكم..لو سمحت حضرتك النمرة دي رنت عليا من شوية..مين معايا
هو:أنا محمود..إنت مين
أنا:محمد
هو:إنت منين
أنا:من القاهرة..إنت منين
هو:أحسن ناس..من بنى سويف..فيه رسالة جتلك (كنت حاسس إنه قلقان)
أنا:لأ
هو:طب لو جتلك رسالة ابقى امسحها
أنا:طيب..مع السلامة

أنا مش عارف أعمل إيه
هل أبلغ مثلاُ عن طريق موقع الحكومة؟و لا مليش دعوة و يمكن الموضوع مش مهم.

أنا بفكر أوريها بكرة لضابط(ملازم أول) بيمتحن معانا.

الطريف إني بذاكر تاريخ القانون عند الفراعنة