طريقة تلميع الطابلوه والكاوتش

**anies1** · 11-12-2010 09:08 PM

تمن ملمع الطابلوه 5 او 10 جنيه وتمن فوم الكاوتش 25 جنيه يعنى عشان تلمع هتصرف 30 او 35 لا لا لا لا كتير انا عندى حل تاني هتجيب زيت برافين من الصيدلية ب 4 جنيه ومناديل تلمع بيه الطابلوه واى جلد جوه العربية وبعدين تنظف الكاوتش كويس 00بمية وبريل وتنشفه وبعدين تحط حبت زيت على اسفنجة وتلمع الكاوتش هيبقى مراية بس مشكلته انه بيخلى الكاوتش يلم تراب

**aymanay32** · 11-12-2010 09:13 PM

المشاركة الأصلية كتبت بواسطة anies1

تمن ملمع الطابلوه 5 او 10 جنيه وتمن فوم الكاوتش 25 جنيه يعنى عشان تلمع هتصرف 30 او 35 لا لا لا لا كتير :n_no[1]: انا عندى حل تاني هتجيب زيت برافين من الصيدلية ب 4 جنيه ومناديل تلمع بيه الطابلوه واى جلد جوه العربية وبعدين تنظف الكاوتش كويس 00بمية وبريل وتنشفه وبعدين تحط حبت زيت على اسفنجة وتلمع الكاوتش هيبقى مراية بس مشكلته انه بيخلى الكاوتش يلم تراب

فكرة ممتازة
برافوا عليك

**moh_vet** · 14-12-2010 03:45 PM

زيت برافين من الصيدلية ب 4 هل ده بريحه

**drmagola** · 15-12-2010 06:37 PM

جارى التجربة يا باشا

**mohamedrabia** · 15-12-2010 07:04 PM

بس مشكلته انه بيخلى الكاوتش يلم تراب

ده اكبر مشكله بس نايس فكرة

**MOK3336** · 16-12-2010 09:48 AM

و الله يا رجالة تلميع الكاوتش ده بيخلي العربية شكلها حلو بس لازم يتلمع بحاجة مخصوصة بكده مش أى حاجة تلمعه و خلاص
عشان ممكن تأثر عليه سواء بقي ممكن تخليه يبقي طري - ناشف - يشقق - يضعف
لكن عشان نقول لن شوية زيت ب4 جنيه هيعملوا نفس نتيجة الفوم ايلي ب 35 -40 جنيه ؟؟ يبقي بندحك علي نفسنا
فانا شايف ان الكلام ده ينفع في دول تانية أو مناطق تانية زي مثلا
شرم الشيخ - الغردقة - مطروح .. كده يعني مناطق نظيفة و مفيهاش تراب

**aymangalal510** · 05-01-2011 11:48 AM

زيت البرافين ممتاز عن تجربة بس طبعا يتلمع فى جو بعيد عن التراب وهوه يعتبر فازلين(ملمع ومرطب) بس سايل وطبعا كثافتة اقل من الفازلين بكتير ويستحسن يتعمل وتسيبة ليله او من اول النهار لاخره عشان ينشف
بس بيلمع فعلا والمهم تقفل كويس لغاية ما ينشف عشان مايلمش تراب
وبرضه يعتبر آمن جدا على جميع انواع الجلود والفيبر والبلاستيك يصلح للتابلوه والفرش الجلد والابواب الفيبر
بالنسبة للكاوتش اعتقد مش هينفع معاه اى مواد دهنية لازيت ولا سمنه حتى لانه مع اول متر هيلم تراب اكتر زى مايكون ماتغسلش اصلا على كل الكاوتش ليه مواد للتنظيف وكيد مش مضرة بس المشكله فى التكلفة

**anies1** · 25-01-2012 12:41 PM

فيه حل تانى للكاوتش بيخليه لونه كانه لسه خارج من الكيس ويكلفك 1 جنيه بكل بساطة هتغسل الكاوتش كويس وبعدين تغسله تانى بزجاجة كوكاكولا او بيبسى هتخليه جديد زيرو ومش هتلم اى تراب .

**Elawany13** · 25-01-2012 01:15 PM

الكاوتش لما بيتلمع بأغلى فوم أو بأى مادة
تفتكروا بعد كام كيلو متر هيفضل نظيف وبيلمع !!!!!

**tarek_2005** · 26-01-2012 01:46 PM

التراب في بلدنا الجميلة ما بيخليش
انا زميلي غصب عليا وبما انه عنده مغسلة خد السيارة وغسلها برة وجوة
وانا مروح كتن مبسوط اوي من عربيتي الصبح رحت الشغل وانا بركب العربية اخر النهار علشان اروح اسف في اللفظ (( كنت ........... عليها )) من عدم النظافة والتراب الي دخل علي التابلوه والفرش الجلد من الداخل
مع العلم اني قافل مفتاح الريسيكل بتاع التكيف بس معرفش اسوق الا والزجاج الي جنبي مفتوح في الشتاء وبستحمله انه يتقفل في الصيف علشان التكيف فقط

الموضوع: طريقة تلميع الطابلوه والكاوتش

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

طريقة تلميع الجنوط

ابانوسه الطابلوه

تجليد الطابلوه

طريقة تلميع الكشافات الأمامية لجينا بالصور - حصريا لنايل موتورز

خدوش في الطابلوه

الكلمات الدلالية لهذا الموضوع

المفضلات

المفضلات

ضوابط المشاركة