الموضوع: رابطة مالكي وعشاق التمبرا (الجزء الثالث)

أزيك يا وسام ههههههههه كان نفسى تيجى هنا و تشوف مش حا تصدق أنا بجد ذهلت من كم الاسلحة الى الناس شايلاها كل ما يخطر فى بالك موجود هههههههههههههههههههههههه

المشاركة الأصلية كتبت بواسطة heshamzaky

أزيك يا وسام ههههههههه كان نفسى تيجى هنا و تشوف مش حا تصدق أنا بجد ذهلت من كم الاسلحة الى الناس شايلاها كل ما يخطر فى بالك موجود هههههههههههههههههههههههه

الحمد لله تمام
انا بقى الصبح عملت زياره سريعه للبنزينه
لاقيت 80 ومفيش غيره
اضطريت احطه ههههههههههههههههههههههههه هههههههههههههههههههه
تخيل 80 موجود ومفيش 90
الف شكر للحكومه الرشيده والتفيده والسعيده
المهم حطيت بنزين وطيران عالهرم
قلت اروح اشوف النظام ايه بقى وقلت اكيد حلاقي الموضوع ثكنه عسكريه
ولا الهوا
العيال في الشارع عندي دول دماغ
اولا احنا عندنا جيم في الشارع بتاع واحد ساكن هناك وصاحبنا ومن سننا
فطبعا الشارع كله عباره عن شباب بعضلات
يعني اقل واحد هناك من اللي واخدين حقن ممكن ياكل 10 بأيده من غير سنانه
تخيل الموقف بقى
ولا عاملين حواجز
ولا ماسكين شوم ولا اي حاجه
واقفين في الشارع بيدردشو ويشربو سجاير وياكلو سندوتشات وحاطين جنبهم كارتونه بيبسي كانز
ولا كأنهم في المصيف
اول ما دخلت الشارع ركنت قدام البيت ولسه حنزل لاقيتهم جايين
انت كنت في المظاهره ؟؟
لا
كنت في التحرير ؟
لا
كنت فين ؟؟
كنت عند بابا
باباك في المظاهره ؟
لا
باباك في التحرير ؟؟
لا يا ولاد العبيطه عايز اطلع البيت ونازلكم تاني
المهم طلعت ( دخلت الحمام كنت مزنوق بصراحه ههههههههههه) ونزلت وقفت معاهم شويه ورجعت البيت تاني
بس طبعا فيه كام شارع مقفولين ومتربطين تمام
وعرفت انه باليل مش حتعرف تخش بسهوله لان الوضع باليل بيبقى مختلف
بيشوفو بطايق الناس اللي ميعرفوهومش
المنطقه هناك اصلا بسببب انها كل اللي فيها متربيين مع بعض صعب تلاقي حد متعرفوش الا لو من مكان بعيد عن بيتك

الا هو في سوريا معملوش مظاهرات لسه ليه ؟؟
هم مش كانو حاجزين النهارده ؟