الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة heshamzaky

ازيكو يا رجالة ازيك يا حسنى باشا تيفا شوف موضوع الكاربراتير دة و روح لكذا ميكانيكى و اتاكد ان العيب منة الاول قبل تغيرة

احلى سلام والله بيجى منك يا بروف اخبارك و اخبار الرابطه معلش انا هفضل مشغول فى حدود شهر وبعد كده هرجع تانى بس ان شاء الله هدخل اطمن عليكم كل يوم

وموضوع التكيف على فكره سعره ممتاز جدا انا مش عارف فى بوورسعيد بكام بس الباكدج على بعضها سعرها حلوا جدا

المشاركة الأصلية كتبت بواسطة crazylambada

السلام عليكم واحد صاحبي بيفكر يشتري تمبرا و جيت اعمل سيرش طلع موضوعكم بسم الله ما شاء الله فوق 8500 مشاركه و طبعا استحاله هعرف اجيب المعلومات منها
فمعلش باختصار ايه مميزات العربيه و ايه عيوبها و ياخد باله من ايه و هو بيشتريها و شكرا :)

اولا شرفت الرابطه وندخل فى الموضوع :
المميزات :
1- صالون واسع جدا ومريح
2- ثبات على الطريق
3- شكل خارجى مقبول جدا ومع بعض الترويق بتكون عروسه
4- فى منها اكثر من نوع لكن الغالب تكيف وباور وزجاج كهرباء وكرسى متحرك بأربع حركات الامام والخلف وبترفع الكرسى وتهبطه حسب الرغب و الظهر متهرك وايضا فيه داخل الكرسى جزء خاص بالظهر لشفط ونفخ الظهر
5- قطع غيرها رخيصه الى حدا ما طبعا مقابله بالسيارات اللى فى نفس السعر
6- ماتور صوته هادى مع تصارع جبار
العيوب :
القرد فى عين امه غزال انا مش شايفلها عيوب بصراحه غير ان بعض الصنايعيه مابيفهموش فيها

تحذير عند الشراء :

الحاله العامه : مشكله العربيه ان فى 70 % من اصحاب التمبرا بيهملوها فشرط اساسى حاله العربيه لو كويسه هتريحه لو ملعوب فيها هتزهقه من التمبرا
والعربيه المصروف عليها بيبان عليها وياخد باله ان كل حاجه شغاله يسيبه من كلمه اصل التكيف عايز يتشحن اصل الباور عايز زيت أصل الزجاج سلوكه مش واصله والكلام اللى بيودى فى داهيه ده
لانى لبس عربيه صرفت عليها فوق 10 الاف جنيه بسبب انى كبرت دماغى بس بعد ما ظبطت مش مخلى نفسى فى حاجه بصراحه عربيه صح صح

وان شاء الله الشباب يوضحولك اكثر وممكن لما يلاقى عربيه يشرحلنا حالتها ويصورها واحنا نثمنها له

المشاركة الأصلية كتبت بواسطة juventus

هشام باشا بقولك ايه بما ان الانذار عندي زي عندك عايزك تقولي اقلل الحساسية بتاعته ازاي
انا عايز العربية تزمر لما حد يحاول يفتح الباب بس
اصلها دلوقتي لو نفخت فيها بتزمر و طبعا شغالة تزمير 24 ساعة و البواب جاله طرش ههههههههههههههههههه

وهو دا السبب اللى خلانى افك السرينه من اساسه ههههههههههههه

المشاركة الأصلية كتبت بواسطة hossny

بص يا تيفا المشكله ان فيه اكثر من حاجه لزياده استهلاك النبزين لازم تشيك عليهم كلهم

1- الكهرباء وتشمل السلوك والبوجيهات والاسبراتير ودول طبعا بيأثروا على سحب العربيه يعنى لو العربيه سحبها كويس استبعد دول السحب تمام الحمد لله بطلع من العربيات الصينى الجديده امثال الفرنا
2- فلتر الهواء وده بيأثر فى الاستهلاك بس طبعا مش بصوره عاليه فشيك عليه هوا كمان تمام
3- يكون فيه تسريب من عند الرداخ او المواسير مش باين
4- بك السلانسيه وده بيكون فى الجامب انا غيرته قبل كدا مش عارف يكون العيب منه ولا ايه
5-فونيه الكربراتير وياريت الرجاله تديك مقاساتها انا مركب 110 السلانسيه - 125 العاليه ده لو كربراتير مش عارف ايه دا ههههههههههه
ولو انجكشن شيك على الحساسات وعايزك تبص على الكربراتير من الجمب لو لقيت عليه تراب لونه بنى محمر يبقى الجوانات بتاعته منفسه و ده بيزود من الاستهلاك
6- ظبط تكيهات لو التكهات محمله بتستهلك برده لانها بتكون عبأ على الماتور انا شاكك فى كدا بردو مش عارف ليه
انا عارف انا عقدت الموضوع بس المشكله ان فيه حاجات كتيره ممكن تكون السبب فمتقفلش دماغك على ان الكربراتير بايظ

الف شكر يا استاذ حسنى مش عارف اقولك ايه ان شاء الله اخلص موضوع العافشه واشوف الاستهلاك وربنا يستر

متشكر جدا لحضرتك انا هكلم صاحبي بكره و هقوله عليها ان شاء الله و بسم الله ما شاء الله باين انها عربيه كويسه جدا
و مره تانيه متشكر جدا لحضرتك

المشاركة الأصلية كتبت بواسطة crazylambada

متشكر جدا لحضرتك انا هكلم صاحبي بكره و هقوله عليها ان شاء الله و بسم الله ما شاء الله باين انها عربيه كويسه جدا
و مره تانيه متشكر جدا لحضرتك

لا شكر على واجب واى استفسار احنا هنا 24 ساعه لازم تلاقى حد موجود والناس كلها تمام بجد

والعربيه كويسه جدا فعلا

تيفا طالما شاكك فى التكهات خلى الميكانيكى يظبطهالك والتكهات بتخلى العربيه تشخن ودى من علامتها

انت كربراتير ولا انجكشن

المشاركة الأصلية كتبت بواسطة hossny

تيفا طالما شاكك فى التكهات خلى الميكانيكى يظبطهالك والتكهات بتخلى العربيه تشخن ودى من علامتها

انت كربراتير ولا انجكشن

كربرتير ينفع احولها انجكشن ههههههههههههههه