رابطة مالكي وعشاق التمبرا (الجزء الثالث)

**mikology** · 12-12-2010 10:12 PM

مساء الفل يا جماعه
يا جماعه انا غيرت طلمبه الباور و جبتها من اللى اسمه الباز ده
وغيرتها لسببين
اولا الصوت : كنت بسمع صوت زنه خفيفه
ثانيا: وانا ماشى الاقى الدركسيون حجر شويه و بقى يلف على مراحل - اكنت فى ترس مش معشق فى ترس فاهمين ؟؟
___________
دلوقتى الصوت راح خالص و ميه ميه - النهارده وانا مروح بقى - الاقى الدركسيون بردو بيتقل و يحجر و نفس اللى كان بيحصل فى الاول بالظبط

يا جماعه ده عيب ايه - مع العلم ان الطلمبه شغاله كويس و بتقلب تمام ومفيش زن - ومازل العيب قائم - من ايه ده يا رجاله - حدش عنده علم ؟؟

ومش عاوز افك و اروح ارجعها والاقى العيب تانى - ومأخدتش من الليله دى غير العطله و تضيع الوقت و الفك و التركيب

**heshamzaky** · 12-12-2010 10:17 PM

مش عارف يا ميكو بصراحة و الجو تلج اكيد انت اتبهدلت طبعا

**mikology** · 12-12-2010 10:25 PM

لا يا اتش - انا غيرتها من يوم ماكنا مع بعض فى العزبه يوم ما اشتريت الاكصدام - من يومها كله تمام - بس النهارده حصل الحوار ده - اللى ملاحظه انى وانا دايس وكابس - الدنيا فللى و كله تمام - اول ما اهدى او امشى على سرعه قليله و rbm قليل الموضوع ده يحصل - ممكن يكون علبه الدركسيون يا مان طيب - اصل كمان كان فى تسييل دائم لزيت الباور - فانا قولت اغير الطلمبه يمكن هى السبب - دلوقتى مش عارف ده من ايه و هتجنن

**heshamzaky** · 12-12-2010 10:34 PM

ممكن تكون تظبيطة بسيطة يا ميكو فقط مش عارف بجد و مش عاوز افتى

**mikology** · 12-12-2010 10:41 PM

خلاص ماشى -نكتب و منتظرين رأى الخبراء

**nevozaky** · 12-12-2010 11:08 PM

الف مبروك يا جماعة على الجزء الثالث وعقبال الرابع ان شاء الله

**star88** · 12-12-2010 11:59 PM

الف مبروك الجزء الثالث

**kohana** · 13-12-2010 12:07 AM

المشاركة الأصلية كتبت بواسطة star88

الف مبروك الجزء الثالث

الله يبارك فيك ياباشا
منورنا والله

**yoyomano** · 13-12-2010 12:10 AM

مساء الفل على الكل
والله انا حاسس ان احنا دخلنا آلة الزمن ورجعنا كام شهر لورا
طبعا عارفين ليه
لأن احنا من كام شهر كنا بنهنأ بعض على الجزء الثالث من ليالى الحلمية قصدى من رأفت الهجان يووووووه قصدى من الرابطة الجميلة
المهم مبروك عليكوا وعلينا وعقبال البكارى
ميكو باشا اعتقد ان عندك مشكلة فى علبة الباور اللى هى الاسكترا اكشف الاول وشوف تسريب الزيت دة من ايه ولو منها يبقى يا حلو مفيش مفر من تغيرها وابقى اعملى عليها كوبى (copy )علشان انا كمان عايز اغيرها لان فيها بوش وكلينتون وأوباما هههههههههههههههههههه