الموضوع: رابطة مالكي وعشاق التمبرا (الجزء الثالث)

بص يا تيفا المشكله ان فيه اكثر من حاجه لزياده استهلاك النبزين لازم تشيك عليهم كلهم

1- الكهرباء وتشمل السلوك والبوجيهات والاسبراتير ودول طبعا بيأثروا على سحب العربيه يعنى لو العربيه سحبها كويس استبعد دول
2- فلتر الهواء وده بيأثر فى الاستهلاك بس طبعا مش بصوره عاليه فشيك عليه هوا كمان
3- يكون فيه تسريب من عند الرداخ او المواسير
4- بك السلانسيه وده بيكون فى الجامب
5-فونيه الكربراتير وياريت الرجاله تديك مقاساتها انا مركب 110 السلانسيه - 125 العاليه ده لو كربراتير
ولو انجكشن شيك على الحساسات وعايزك تبص على الكربراتير من الجمب لو لقيت عليه تراب لونه بنى محمر يبقى الجوانات بتاعته منفسه و ده بيزود من الاستهلاك
6- ظبط تكيهات لو التكهات محمله بتستهلك برده لانها بتكون عبأ على الماتور
انا عارف انا عقدت الموضوع بس المشكله ان فيه حاجات كتيره ممكن تكون السبب فمتقفلش دماغك على ان الكربراتير بايظ