أزيك يا باشا عامل اية بالنسبة للعتب ممكن تعملة بس الخامات الى فى السوق رديئة نسبيا و أنا شوفتها قبل كدة حا اوريلك صور . العتب هو الى مركون على السور الى فى الصورة
شكرا علي الرد ياكبير بتاع الفيبر الي في الصوره ده فين --- وبعدين الاسبيلر الي علي عربيتك ده عموله ولا اصلي وينفع اركب بتاع السفيك موديل 90 ؟؟؟
بتاع الفيبر دة فى مدينة نصر بس فى الحرفين يوجد ورش فيبر كثير جدا جدا جدا و فية خامات اعلى بس أغلى من دول . الاسبويلر الى راكب على العربية عندى دة مستورد مس الفيبر المصرى أنظف بكتير جدا جدا بس أغلى بكتير يعنى العادى فى التوفيقية فية منة من 40 جنية الى راكب عندى شوفتة فى التوفيقية ب 260 جنية تقريبا . بتاع الهوندا لازم تقيس الاسبويلر على الشنطة عملى يعنى حطة على الشنطة و جرب
الف سلامة يا زلبانى بص أنا مش قولتلك أشترى فيشة بتاعت المروحة احتياطى و اعملها سلك علشان لو المفتاح أو الترموستات عطلت توصل المروحة بالبطارية مباشرة و بص أنا شاكك فى القاعدة الى راكب عليها فيوز المروحة عندة عملت كدة و الكهربائى زنق الفيوز بسلك صغير
وليد باشا أزيك يا باشا مختفى فين طبعا أنا عارف انت كنت فين يا باشا ههههههههههههههههههههههههه هههههههه ربنا يوفقك يا باشا و خلى بالك الدنيا بتبقى زحمة جدا
ازيك يا هشام بيه ياريت نلغى لقب باشا لان عصر الباشاوات انتهى وانت عارف انا كنت فين طب لو شاطر قول
قدامى عربية تمبرا 94 - 1600 انجكشن
بور - سنتر - زجاج كهرباء - جنوط
135 الف كيلو
ياريت حد يفيدنى فى السعر
وياريت النصيحة بالنسبة للإنجكشن هو افضل ام الكاربيراتير
مع العلم ان صاحبها بيحط بنزين 80 منذ خمس سنوات
ولكنى لاحظت حاجة ان صوت الماتور عالى يا ترى دة من نوع البنزين ولا اة وكيف يمكن تقليل صوت الماتور
قدامى عربية تمبرا 94 - 1600 انجكشن بور - سنتر - زجاج كهرباء - جنوط 135 الف كيلو ياريت حد يفيدنى فى السعر وياريت النصيحة بالنسبة للإنجكشن هو افضل ام الكاربيراتير مع العلم ان صاحبها بيحط بنزين 80 منذ خمس سنوات ولكنى لاحظت حاجة ان صوت الماتور عالى يا ترى دة من نوع البنزين ولا اة وكيف يمكن تقليل صوت الماتور
محدش يقدر يحدد سعر بالضبط طالما انه ماشفش العربية لكن انا هقولك انت ممكن تحدده ازاي
السعر بيكون على حسب حالة العربية يعني لو العربية مش محتاجة شغل و تكييفها شغال و كله تمام ممكن تعمل في حدود 35 الف و انت طالع
ممكن سعرها يقل السعر لو العربية فيها شغل عايز يتعمل
و لازم تبص على مللي في العربية و اكشف عليها كويس جدا جدا جدا عشان لاقدر الله ميطلعش فيها حاجة و تندم
الانجكشن افضل من الكاربيراتير في كل شئ
بالنسبة لجزئية ان صاحبها بيحط بنزين 80 انا اللي اعرفه الصراحة ان الانجكشن المفروض يتحطله 90 على الاقل لان فيه حساسات بتضرر و ممكن تبوظ و خصوصا ان
صاحبها بيستخدم ال80 من 5 سنين
و بما ان حضرتك بتقول ان صوت الموتور عالى ممكن يكون البنزين 80 هو السبب
و لازم تروح مكان تكشف فيه على كبس الموتور
و بالتوفيق ان شاء الله
الانجيكشن مالهوش ظبط و دة مريح جدا جدا و أى موتور فى الانجيكشن لان المواتير الى عليها انجيكشن نوعين نوع بيبقة فية ديجيبلكس و نوع اخر كلة أليكترونى انهى موتور فيهم و يا ريت صورة للموتور من كذا زاوية علشان نشوف العربية أنا برضو كنت بدور على عربية تمبرا أو تيبو و شوفت كذا عربية معروضين للبيع
الانجيكشن مالهوش ظبط و دة مريح جدا جدا و أى موتور فى الانجيكشن لان المواتير الى عليها انجيكشن نوعين نوع بيبقة فية ديجيبلكس و نوع اخر كلة أليكترونى انهى موتور فيهم و يا ريت صورة للموتور من كذا زاوية علشان نشوف العربية أنا برضو كنت بدور على عربية تمبرا أو تيبو و شوفت كذا عربية معروضين للبيع
السلام عليكم كنت عايز اعرف ياكبير معلومات اكتر عن نوعين الانجكشن وايه الفرق بينهم وياريت لو في صور
بص يا باشا نوع بيبقى فية أنجيكشن بس الموتور راكب لية بوبينة و ديجيبلكس . النوع الاخر بيبقى راكب فية قطعة واحدة بس اسمها ناسية و مفيش ديجيبلكس و الانجيكشن شلة مختلف شوية و الموتور فى الانجيكشن بيبقى أليكترونى يعنى لا تقدر تعلى و لا توطى كلة ظبط أليكترونى منة لنفسة و دة شكل الموتورين الاول الانجيكشن العادى و التانى الاليكترونى الاحدث و بالمناسة الموتور التانى دة الصبابات بتاعتة اكب شوية علشان العزم قوى هو اقرب ما يكون لموتور اللانشيا شوية
المفضلات