الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة mohmdomar

ازيكوا يا شباب التمبرا الكرام

والله انت كلكوا ناس جامدة وما شاء الله عليكم مفيش سؤال سئلته الا وجاوبتوني عليه الاجابة الشافية

معلش انا عندي سؤالين متعلقين بالفرامل

انا عندي الفرامل الادام في البرافا فردتين كل فردة بيركب عليها تيل مختلف عن الفردة التانية
واحد زي بتاع تمبرا والتاني زي بتاع سينا

وانا عايز اخليهم زي بعض واخترت اخليهم هم الاتنين زي بتاع التمبرا لان التيل ارخص (حوالي 100 جنيه وبتاع السيينا ب 180!)

والراجل قالي يبقي تغير الماستر اللي راكب علي العجل بقاعدة التيل

فرحت عزبة شلبي وجبت الماستر بالقاعدة شمال ب 60 جنيه (كدا سعره حلو؟؟) والراجل طلع التيل منه ولقيته نفس التيل اللي انا جايبه فقمت مشتريه

فرحت للراجل عشان يركبه قالي هو القاعدة مختلفة والتيل دا مايركبش عليها وشفته لقيته فعلا التيل مرحل لبرة الطنبورة شوية مع الراجل كان مطلعه نفس التيل اللي انا جايبه

دا بقا السؤال الاولاني اللي هو ايه شكل القاعدة اللي يركب عليها التيل بتاع التمبرا؟؟ وليه اللي انا جبته ماركبش مع انه كان طالع منه نفس تيل التمبرا

السؤال التاني هو اني ركبت التيل بتاع الفردة التانية عادي (اللي هي زي بتاعة التمبرا اصلا)
لكن المشكلة انه قافش جامد جدا ,
الطنابير مولعة بسبب كدا لدرجة ان الطاسة ساحت
رحت للراجل اللي غيرلي التيل قالي ماستر العجلة محتاج يتفك ويتنضف ولما نضفه وركبله الكاوتشة (كاوتش التراب تقريبا) وركبه تاني لقيناه لسة قافش
قال يبقي خرطوم الفرامل ولما غيرناه لسة قافش بس بطريقة اخف شوية ولسة الطنابير بتسخن

مش فاهم ايه اللي ممكن يتعمل تاني احسن انا لسة مغير تيل ودلوقت اتبهدل خالص وشكله كان بقاله 60 سنة
مع العلم ان الفرامل اللي القدام المفروض مفهوش رجلاش يعتني بيظبط نفسه اوتوماتيك

معلش انا طولت عليكما بس حبيت اعرفكوا الحكاية كلها عشان الصورة تبقي واضحة احسن المشكلة دي مسببالي مشاكل تانية كتير زي استهلاك بنزين كتير واستهلاك تيل وطنبورة وطبعا الطاسة الاصلية ساحت

السلام عليكم ورحمة الله وبركاته
بالنسبة لموضوع التيل هناك نوعان لتيل فرامل التيمبرا نوع كبير شوية بتاع التيمبرا ونوع اصغر زى بتاع ال128 نوفا والاختلاف بيكون فى حجم التيل وقطر الطمبورة وكذلك حجم الماستر بيكونوا اصغر شوية وانا اللى عندى قدام بيركب عليهم تيل ال128 نوفا
ممكن يكون عندك زى اللى عندى
اما موضوع السخونية فى الفردة الاخرى ممكن يكون الماستر قافش ومبيرجعش المشوار كله واحتمال يكون عايز يتغير والله اعلم

[SIZE="6"][COLOR="Teal"]السلام عليكم كيف الحال ---هل يمكن تعديل فوانيس التمبرا زي الصوره دي اويمكن توفيق اكصدام يكون شكله جميل بدل بتاع التمبرا؟؟؟؟؟[/http://www.nileup.com/uploads/images/domain-040c95c1a5.jpg

المشاركة الأصلية كتبت بواسطة mlav_cbr

ازيكم يا رجاله وبنات التمبرا وحشنى جدا جدا جدا كل عضو واخص بالذكر شيخ الحارة وباقى افراد الحارة التمبراويه غيابى عنكم لظروف خارجه عن ارادتى لكن رجعتلكم تانى تحياتى ليكم جميعا

وعليكم السلام ورحمة الله وبركاته
منـــــــــــــــــــــــ تورنا والله
وآدى الصورة يا nona

المشاركة الأصلية كتبت بواسطة kohana

وعليكم السلام ورحمة الله وبركاته
منـــــــــــــــــــــــ تورنا والله
وآدى الصورة يا nona

شكرا يا حج
كوهانا علي رفع الصوره وكنت عايز اعرف بتترفع ازاي وشكرا

بص ياسيدى الفاضل بعد ماترفع الصورة على الموقع متاخدش اللينك بتاعها ابقى ظلل الصورة نفسها واعمل لها كوبى وتعالى فى الموضوع اللى انت كاتبه واعملها بيست بس كده تنزل على طول ودى طريقة الحج هشام وهو اللى قالنا عليها