انجكشناقتباس:
سؤال .. هى بونتو 2008 كاربتير ولا انجيكشن .. معلش اصلى معنديش معلومات عن الحاجات دى ؟
موتور 1240 سي سي
62 حصان:)
عرض للطباعة
انجكشناقتباس:
سؤال .. هى بونتو 2008 كاربتير ولا انجيكشن .. معلش اصلى معنديش معلومات عن الحاجات دى ؟
موتور 1240 سي سي
62 حصان:)
طيب ممكن سؤال يا استاذ حازم ويا ريت تقولى رايك بصراحة شديدة عموما انا حجزتها بمبلغ بسيط يعنى ممكن ارجع عن الشراء لو فيها اى مشكلة فعشان كدة احب اعرف رايك بوضوح .. فى ناس قليتلى موتور البونتو ال 1300 cc ده قديم جداا و خسارة فيها الفلوس ... ممكن تقوى رايك؟؟؟
:driving:على فكره يا مهندسه نجوى
انتي موسوسه اوي.......:oops:
على فكره هي مبدأيا الحصان بتاعها زاد
يا اما 85 او 75....
مش 62... وده من اول 2008..
وكمان فيها جنوط وايرباجز.. بس من غير كاسيت
:driving::jiggy:
وعلى فكره حازم خضر هايشتري هو كمان بونتو..
لأنه من اشد المعجبين بيها,,,,,,,,,و
مش كده يا حازم؟؟
مش حزود كلمه علي كلام احمد باشا يا باشمهندسه نجوي:)
العربيه جميله جدا جدا و ارخص من تمنها كمان
اللي كنخوف منه ان تجميعها مع التكييف فوق ال 100 حيبقي ضعيف شويه و لسه كنت بتكلم مع الدكتور احمد في الموضوع دا امبارح
ولو موتورها زاد زي ما الدكتور احمد قال يبقي مافيهاش اي مشكله و صفقه رابحه.
و انا فعلا بفكر فيها اليومين دول بديل للسويفت
ما تقلقيش و اتوكلي علي الله العربيه تقلها دهب بصراحه.
حقولك تفكيري بامانه
يا اما حجيبها يا اما حجيب الكيا ريو ب 81 الف مانيوال
بس انا عاوز اركب هاتش باك قبل ما الشباب يروح :)
و هيا ان شاء الله اختياري المقبل
معلش يا جماعة و اسفة بجد بس انا عمرى ما اشتريت عربية قبل كدة و كمان اهلى خبرتهم ضعيفة جدااا فى موضوع العربيات :oops:وكمان هادفع اقسلط كتييييييييييير فلازم اكون قلقانة:)
صلي استخاره و توكلي علي الله و ما تقلقيش:)
تصحيح بعض المعلومات
موتور الفيات البونتو الكلاسيك مواصفاته كالتالي
1242 سم مكعب .....
60 حصان فقط لا غير
السرعة القصوى 155 كم / س
و دي سياسة فيات ( صنع سيارات لتعمر طويلا ......... و توفر في البنزين )
العربية يا جماعة ممتازة
و بعدين أحنا مش داخلين سباق مع حد .........
موفرة جدا في البنزين .........مساحتها معقولة جدا
تكييفها عادي في الحر .......... مش ساقع خالص ....... و لكن تحس بجو أحسن داخل السيارة من خارجها ........بيأثر على أداء العربية قليلا على السرعات المنخفضة و خصوصا إذا كانت محملة
تجميع الموتور بعد سرعة 100 كم ............ عادي جدا و بيأخد وقت و ده طبيعي لعربية سرعتها القصوى 155 و موتورها 60 حصان
أهم حاجة في العربية دي
بتوفر بنزين بجد بجد بجد بجد بجد بجد و خصوصا الموديل الجديد
8 صباب فقط ............ بتوفر بجد
ال 12 صباب موفرة ........ طيب 8 صباب توفيره شكله أيه ؟
العربية ثباتها معقول بعد سرعة 100 و لكن السيارة برضه مش للجري الكتير فوق ال 100
و أحسن سرعة توفر عندها بنزين هي سرعة 90
و بجد يا أستاذ حازم .......... أختيار ممتاز .............. و كل واحد عايز يشتريها أختيار ممتاز لشاب ذو أسرة صغيرة
علشان العربية هاتديك اللي أنت عايزة ............... و مش ضعيفة و موفرة في البنزين بجد
و قطع غيارها .......... متوفرة جدا
تجربتى مع البنتو الشكل الجديد موديل 2004
الشكل الموجود حاليا الكلاسيك 2008 كانت بدايته 2004 وكانت السياره بتنزل بالكاسيت الأصلى وده كان فى حدود 3000 جنيه لأنه كان به بومبيه بجزء من الطبلوه و2 مخدع رأس فى الكنبه الخلفيه والسياره كنت شاريها فى 2005 بس كانت موديل 2004 بـ72000 جنيه
السياره إستمرت معى عامين ونصف وبعتها بـ 56000 جنيه وكانت بحاله ممتازه وعمله 23000 كم لحاجتى إلى سياره أكبر (عائليه) بالإضافه لسوء الخدمه من الوكيل.
والسببب فى الفرق ده أن سعر إعادة بيع البنتو بيخصر كتير لأن السياره لها زبونها المخصوص وهم ليسو بالكثير فى بلدنا.
موصفات السياره : إيطالى - 60 حصان - 8 صباب - 1242سم مكعب
سحب وتجميع السياره حتى 110 كم/ساعه جيد جداً بعد ذلك بطىء
أقصى سرعه ممكن تصل إليها ببنزين 90 هى 135كم/ساعه وبصعوبه
أقصى سرعه ممكن تصل إليها ببنزين 92 هى 140 كم/ساعه و150 بصعوبه
وده عن تجربه
إتزان السياره جيد جداً حتى 110 كم/ساعه - إستهلاك البنزين جيد جداً (حوالى 6 لتر فى 100كم)
التكيف لايؤثر على سحب السياره
فى حالة تحميل السياره بكامل حمولتها بيؤثر ذلك على السحب والتجميع لصغر قدرة الموتور
السياره متينه . بها تكنلوجيه جيده جدا فى نظام مراقبة إستهلاك الوقود .
قطع الغيار سعرها ليس بالمرتفع عدى الكشاف الأمامى فهو فى حدود 1200 جنيه
فى نقطتين يلزم التنويه عنهم للأمانه :
1- خاصية city خاصيه رائعه بس لوحصل بها عطل مبيعرفوش يصلحوه فى التوكيل وبيغيرو المجموعه كامله وبيتجاوز سعرها 3500 جنيه والموضوع ده ليس له مقاييس يعنى ممكن السياره تقعد معاك سنيين بدون أن يحدث أى عطل وممكن بعد سنه (ده حسب قول أحد المهندسيين المتخصصين) فى التوكيل وكثير من السيارة بتفقض هذه الخاصيه لعدم الإصلاح لغلو سعر تلك المجموعه وبيكتفى أصحابها بالـ power العادى.
2- بعد 10000 كم أحيانناً بتحس برجرجه فى الطلعه على الأول وخصوصاً لوكنت ماشى فى وسط البلد والسياره سخنه وفيه إشارات كثير وده (ليس عيب سواقه) ولكن عيب فى الديسك والأسطوانه ولكن يمكن تحمل حتى 40000 كم ثم تغير الديسك والأسطوانه (وده كلام مهندس مركذ الخدمة) بعد شكوتى من تلك الظاهره بعد 15000 كم .
عموما السياره فى مجملها رائعه للشباب والسيدات وأفضل من كل مثيلتها فى نفس الفئه والحجم
فى نقطه أخيره الموديلات حتى 2003 كانت بتنزل بموتور 16 صباب وده أعلا فى القدره الحصانيه من الـ 8 صباب وده كان من الأسباب الرئيسيه لقوة أداء السياره وشهرتها بالأداء القوى. بس كان سعرها بيعدى 90000 جنيه والوكيل أختار الموتور الأقل لكى ينزل بسعر السياره
الف شكر يا باشا علي التقييم الموضوعي و الحيادي..
لكن الكلام ده كان مع التوكيل القديم.. اللي هو كان قبل اوماترا مش كده..؟؟
مركذ الخدمه فى الأسكندريه و طاقم الصيانه هونفسه قبل وبعد أومترا
لكن لما كان مع fiat egypt كان أفضل .
لأن لما كنت بواجه مشكلة كنت بكلم م /شريف حليم فى القاهرة كان بيحلها لى