بونتو2008 تجميع برازيلى؟؟؟؟

**M.Nasr** · 25-03-2008 02:30 AM

يا جماعة النهارده انا كنت فى المصرية للسيارات بشوف البونتو الكلاسيك اللى فعلا كنت موهوم بيها ومقتنع بها لاقصى درجة ونزل عليا الخبر كالصاعقة لما قالى واحد شغال هناك انها مكونات ايطالى وتقفيل برازيلى
انا مش عارف الكلام دا صح فعلا وهل هى استيراد البرازيل ؟؟؟؟
ولو كان الكلام ده صحيح فعلا..... طيب هى فيات خابت يعنى ولا ايه؟ شوية تقفيل صينى وشوية برازيلى ؟؟؟
ولا هى مشكلة المستورد فى مصر هو اللى بيجيب الرخيص
انا مش فاهم يا جماعة حد يفيدنى لو عنده فكرة عن الموضوع دا

**fahd_628** · 25-03-2008 03:09 AM

الى اعرفة ان البونتو ايطالى 100 % اية حكاية البرازيلى دة ؟

**osman hisham** · 25-03-2008 08:23 AM

البونتو أيطالى 100% و سيبك من المصريه دول مصلحتهم يبيعولك ماركه تانيه ، روح أوماترا فى الدقى و شوفها و أسألهم .

**hazem_khidr** · 25-03-2008 03:13 PM

الجراند بونتو ايطالي 100%
البونتو العاديه برضو 100% ايطالي و اشك في كلام المصريه فعلا

**M.Nasr** · 25-03-2008 11:24 PM

شكرا على الرد
انا فعلا استغربت جدا لما قالى كدا وعندك حق سمعة المصرية مش اوى يعنى والمصلحة الاولى عندهم المكسب انا حسيت كده من الكلام معاهم
الحاجة اللى محيرانى دلوقتى هى بونتو ولا جيتز ؟

**Ahmed Taha** · 28-03-2008 05:45 PM

عمرك ما تسأل في المصرية عن العربيات و بلادها و غيره المصرية أسعار و تقسيط و بس. الناس الي هناك ميفهموش الألف من كوز الدرة في العربيات.

أولا: يا أخي شهادة المنشأ هي الحاسمة.

ثانيا: ده موقع فيات البرازيلي أساسا البونتو كلاسيك مش موجودة فيه.
http://www.fiat.com.br/br/monteseuca...=iniciaSistema

**YoussefMostafa** · 28-03-2008 09:46 PM

عمرك ما تسأل في المصرية عن العربيات و بلادها و غيره المصرية أسعار و تقسيط و بس. الناس الي هناك ميفهموش الألف من كوز الدرة في العربيات.

بالضبط كدة اسعار وبس

**tutankhamoun** · 01-04-2008 01:57 PM

موديلات فيات بونتو كلاسيك و جراند بونتو مصنوعين في أيطاليا و لا يتم تجميع هذين المودلين خارج إيطاليا

و لكن
أيه مشكلة الفيات المتجمع في الصين أو البرازيل ؟؟؟؟؟؟؟؟؟؟؟
أنا شوفت عربيات فيات كتير تم تجميعها في الصين زي السيينا و العربية زي الفل و جميلة

يا جدعان أنت بتشتري ......... فيــــــــــــــــــات
و بعدين هي البرازيل و الصين مش عاجبينكم ؟؟
دي البرازيل دولة لها تقدم صناعي معقول جدا و بيقوموا بصتنيع طائرات حربية و هليكوبتر و أيضا لهم خبرة كبيرة في تصنيع السيارات من خلال الشركتين العملاقتين ............. فولكـــــــــــــس فاجـــــــن و فيـــــــــــــات

فحتى لو العربية متجمعة في البرازيل كنت هاتستفيد من فرق السعر بين الأيدي العاملة البرازيلية و الإيطالية

أنتوا عاملين زي الناس اللي بتتكلم على التويوتا الجنوب أفريقي

و الناس مش عارف يعني أيه جنوب أفريقيا ............. دي دولة متقدمة يا رجالة
و هي أفضل دولة صناعية في أفريقيا كلها ....................

**Ahmed Taha** · 08-04-2008 05:29 PM

المشاركة الأصلية كتبت بواسطة tutankhamoun

و لكن
أيه مشكلة الفيات المتجمع في الصين أو البرازيل ؟؟؟؟؟؟؟؟؟؟؟
أنا شوفت عربيات فيات كتير تم تجميعها في الصين زي السيينا و العربية زي الفل و جميلة

كلامك سليم بالنسبة للبرازيل و الأرجنتين و المكسيك و جنوب أفريقيا.

و لكن لي تحفظ على الصين لأنهم بمليون ذمة العربية إلي رايحة مصر حاجة و إلي رايحة أوروبا حاجة و الخليج حاجة.

المشكلة أنه حتى مع العمل تحت مظلة شركة كبيرة مثل فيات أو ميتسوبيشي إلخ فإن المصانع لا تتورع عن الغش في المواصفات و خلافه.

من الأخر الناس بيعاملوهم على إنهم محترمين و هما بيستغلوا الثقة دى بطريقة ملتوية.

**fiatmomo** · 08-04-2008 06:15 PM

انا مع كل كلام الى اتقال من الاخوه الاعزاء

وحضيفلك ان كل الناس الى شغالين فى المصرية للاسف مش فاهمين فى العربيات ..... وكل معلوماتهم مغلوطة

مرة كنت بسأل عن اللينيا ... قالى دية تحفة عربية 1400 (( ايطالى )) !!!! و (( 90 حصان )) !!! طبعا هية لا ايطالى ولا 90 حصان .. بس هو مجرد بيفتى والسلام ..بس الحقيقى اللينيا ((((( وهمييييييييييييييييييييه ))))) ... بس انا بقولك على بتوع المصرية بجد عندهم جهل فظيييع بالعربيات

نصيحة ماتعتمدش على المعارض ولا حتى الوكيل فى المواصفات الفنية .. عاوز تسأل عن اى حاجة شوفها على الانترنت

وخلى التعامل مع التوكيل فى الفرجه على العربية والشراء ... وحاول تبعد عن المعارض لانهم بجد بيفتو اوىىىىىىىىىى وحرامية ومعندهمش مصدقية ...دة انا شوفت منهم الوييييييل ساعت ماكنت عاوز اجيب الواجا زيرو .. لغاية ماكرهت الواجا وكرهت الزيرو وكرهت نفسى من كتر عدم المصداقية .. وقله الزوق والنصب .

وربنا يوفقق ان شاء الله فى البونتو .. بكل امانه عربية اكتر اكتر من روعة .. جميله جدا وشكلها جذاب .. واقتصادية جدا جدا ... وعملية جدا جدا جدا ... وتأكيدا على كلام الاخوة هية فعلا ايطالى 100 % و خط انتاجها شغال لغاية 2010 - وممكن اكتر كمان .. لانهم حيعملولها فيس ليفت السنة الجاية .

الموضوع: بونتو2008 تجميع برازيلى؟؟؟؟

LinkBack

أدوات الموضوع

عرض

-

-

-

-

المواضيع المتشابهه

انت فين يا برازيلى ؟؟؟؟؟؟

إلى العضو برازيلى

الباسات 2006 تجميع مصري ولا تجميع الماني

طلب تسعير بيتلز مو 81 برازيلى

عربيتى المانى ولا برازيلى

الكلمات الدلالية لهذا الموضوع

المفضلات

المفضلات

ضوابط المشاركة