على وشك الانضمام لنادى الدايو ولاكن !!!!!!!!

**ahmedangel55** · 12-12-2010 09:46 PM

السلام عليكم
انا ناوى عن قريب ان شاء الله اشترى لانوس مو 99 او2000
ولاكن عندى قلق من قطع الغيار والمشاكل بتاعة الدايو ياريت من الناس الجميلة الى هنا تقولى اسعار قطع غيار اللانوس واية هية عيوب اللانوس وجزاكم الله خيرا

**jojowork1** · 13-12-2010 12:16 AM

اذا كانت السياره بحاله جيده ومش مستهلكه هاتبقي جميله جدا سياره عمليه جدا قطع غيار متوفره استيراد واصلي واصلي درجات ومضروب وتحت المضروب بصراحه عمري ما اتزنقت في قطعه غيار الاسعار رخيصه بنسبه للحديث عمتا ادخل علي اسعار قطع الغيار في اهم الموضوعات هتلاقي اسعار حجات كتير هناك سهله الصيانه بنسبه لكتير من العربيات الحديثه حماله شغل
العيوب اللي عدت عليا العربيه واطيه وده في اغلب العربيات الحديثه اتزنها رائع بس ما يتقارن مثلا بسياره اوبل او بي ام دبليو يعني نقدر نقول اتزان رائع في فئتها الفرامل حلوه لما بتكون متظبطه تمام وضعيفه نسبيا مع استهلاك اي قطعه منها وده ليه حل تعديل الفرامل موجود في اهم موضوعات القسم بنسبه للموديل اللي بتحكي فيه هتلاقي نفسك عندك مشكله في الرشاشت وديه برده اتحلت بتغير الرشاشت برشاشات استيراد بي ام دبليو او هيونداي صاج العربيه خفيف شويه زيه زي اي عربيه في فئتها بس من وجه نظري احسن كتير من غيروه

**ahmed_mido1889** · 13-12-2010 10:20 AM

http://www.nilemotors.net/Nile/19945-a.html

**ahmedangel55** · 13-12-2010 10:49 AM

شكرا جدا يا رجالة انا بجد موش عارف اقول اية وادعولى ان ربنا يرزقنة بععربية نضيفة ويبعد عنى وعنكوا مشاكلها وشرها

**jojowork1** · 13-12-2010 12:52 PM

ربنا يوفقك

**srm** · 13-12-2010 04:18 PM

اللانوس عربيه ممتازه وان شاء الله مش هتندم لو جبتها

بس اهم حاجه تكشف عن حاله العربيه كويس

**shaker_alz** · 13-12-2010 06:04 PM

الانوس عربية فوق الممتازة
بس المهم تكون عربية نمرة واحد علشن مش تقرفك
وربنا يوفقك ويديلك خىرها ويكفيك شرها

**ahmedangel55** · 13-12-2010 07:01 PM

متشكر جدا يا رجالة على الردود الجميلة

**blackcode_80** · 14-12-2010 11:21 AM

عن رأيى المتواضع طبعا ... اللانوس عربية محترمة جداااا... شكل حلو ودى طبعا اذواق كمان عملية وبتاعت شغل وقطع غيارها رخيصة زى ما الاخوة قالوا وسحبها عالى كمان .. انا على فكرة مريت بنفس تجربتك دى عشان كنت عاوز اشترى لانوس برضه والحمدلله اشتريتها من حوالى شهرين موديل 2005 والحمدلله عربية ما شاء الله فول اوبشن وتمام...
ربنا يوفقك وتلاقى عربية نضيفة وساعتها هتعرف انها مريحة فى كل شىء بس المهم انك تدور كويس لانى لفيت ودوخت وشوفت يجى 100 عربية لحد ما لقيت حاجة محترمة... مستخسرش تدور وتشوف عشان على قد ما هتتعب وتدور هتلاقى حاجة كويسة ان شاء الله.. بالتوفيق