بسم الله الرحمن الرحيم


طبعا انهاردة الجو جميل وخصوصا في اكتوبر مع الرمل والهوا .. ظهر حاجات غريبة ع الطريق ..


اذا وانا ماشي فجأه الاقي بتاعة مكورة كدا بتعدي بعرض الطريق .. عاملة زي الكرة الجليدية ( السنو بال ) ..

بس دي مكونة من الخشب بتاع الشجر ...


الحمدلله عديتها .. الي بعدها لبست فيها

مش انا لوحدي ... لقيت العربية الي قدامي وقف فجاة راحت دايسة بنزين وطالعة .. ( عدي منها ابن الاية )

ولقيت العربية الي كانت جنب الي قدامي بتعدي من فوقيها حاجة مكورة كبيرة كدا ..

راحت معدية من فوق الكبوت بتاعة الي الكبوت عندي ومنها فوق الازاز ومنها الي فوق السقف .. ( كان عرضها اكبر من عرض العربية لدرجة انها حضنت العربية ) وانا واقف مذبهل

فضلت واقف شويا مدي انتظار مش مصدق الي حصل ده والجي جنبي برضوا فضل واقف شويا يظهر اتصدم زيي ..


بس حرام نزلت لقيت الكبوت كله والباب الشمال والحتة الي بين الكبوت والسقف الي ماسكة الازاز مليان تجريحات العربية اتخرشمت



غير كدا وانا ع الطريق ظهر كرة تانية بس صغيرة راحت ضاربة في الازاز الي جنبي .. خضتني خضة :(


الي ما وصلت الجامعة وكاني كنت في الشارع والناس عمالة ترمي عليا طوب وحجارة :(


وانا مروح جالي هسهس منها لقيت واحدة جنب الطريق .. خايف اعدي واقول يارب ما تتحرك