هنشغل نور العربية امتى يا رجالة ؟

**windofchange** · 08-01-2011 02:22 PM

المشاركة الأصلية كتبت بواسطة windsofchange

حاجة مش واخدين بالنا منها ان الواطي في عربيات مش شرط قديمة بيعمي اللي امامك اكنه عالي يعني معايا ايبيزا99 مش قديمة يعني اووي واخد ترييحه من استبن جيب وهي بترجع الكبوت طنقر مالجنبين والصدر دخل سنة لجوه بحيث ان الفوانيس مش مظبوطه دلوقت اكتر من الاول لأنها عايزة تتفك عندي ويتلحم الباغه البلاستيك فالزجاج بالسيلكون فهو فعلا بيشغل العالي سنة ويطفيه عشان يستطلع الطريق اكتر مش يضايقك انا بعمل كده(لو حد قلبللي عشان اطفي الواطي في ناسالواطي مش بيضايقها مع انه عايز ظبط عندي) وده لأن الواطي بيعمي زي العالي فالحالة دي....لغاية مااصلح الصدر والفوانيس بس حلوة حكاية يحافظ عالبطارية دي فعلا اللي ميعرفش يقول هجس علي رأي كبيرنا البشمهندس ممدوح

**Ashraf_Ibrahim** · 10-01-2011 02:39 AM

ما دام الدنيا ضلمت بشغل نور عربيتي بغض النظر الجو واضح او الرطيق منور او غيره
انا لازم اشغل نور عربيتي لأي حادث طاريء لا قدر الله
في مرة كنت على طريق بنها والنور قطع فجأة -والعربيات مش مشغلة نور- لبسوا في بعض
طب ليه مناخدش حذرنا ونشغل نورنا واحنا ماشيين حتى لو الطريق منور ؟!
مش هنخسر حاجة يعني ولا هيستهلك بنزين ولا اللند هتتحرق يعني
تفكير قاصر الحقيقة !

**E30power** · 10-01-2011 09:11 AM

+111111

اكتر حاااااجة مستفزة فعلا ....تحس انهم بيدفعو فواتير فعلا على النور رغم انو مخالف اصلا فى اى حتة فى العام تمشى مضلم بالليل ...

لا والاحسن من كدة كمان لما مثلا بتكون ماشى والنهار دخل عليك وفاتح نورك بالنهار ...جريمة تلاقى كل الناس بتكسر عليك وتنبهك انك فاتح النور طيب وانتا مالك ياسيدى نورى وانا حر فية

**hosar** · 10-01-2011 12:29 PM

معلش ابتدى بنفسك و قولهم (شاور لهم ) يشغلوا النور

**M.Osman** · 10-01-2011 02:07 PM

المشاركة الأصلية كتبت بواسطة hosar

معلش ابتدى بنفسك و قولهم (شاور لهم ) يشغلوا النور

و الله زهقت :(
انا ساعات بمشي على طرق فردية ... تخيل ان ساعات اللي بيتجاوز عربية تانية بيبقى معدي في وشي و مظلم كحللللل !!
حاجة غريبة جداً

**gebreel** · 10-01-2011 02:50 PM

المشاركة الأصلية كتبت بواسطة m.osman

و الله زهقت :(
انا ساعات بمشي على طرق فردية ... تخيل ان ساعات اللي بيتجاوز عربية تانية بيبقى معدي في وشي و مظلم كحللللل !!
حاجة غريبة جداً

دوول بقى عاوزين الحرق

سواق تاكسي في مرة في شارع اتجاهين و ضلمة و جاي يتجاوز اللي قدامه و داخل في حارتي و ماشي شبح مش شايفو و بمجرد مقربت منو صدر العالي و اخد غرزة موت من قدامي علشان يعدي و لولا اني حدفت يميني سنة كان لبس فيا وششششش

و في مرة و احد بفرنا سودا و طاع من تقاطع في حتة ضلمة كحل و اضايق اني بقلوا نور نورك

**Formulator** · 10-01-2011 03:01 PM

المشاركة الأصلية كتبت بواسطة M.Osman

و الله زهقت :(
انا ساعات بمشي على طرق فردية ... تخيل ان ساعات اللي بيتجاوز عربية تانية بيبقى معدي في وشي و مظلم كحللللل !!
حاجة غريبة جداً

المشاركة الأصلية كتبت بواسطة gebreel

دوول بقى عاوزين الحرق
سواق تاكسي في مرة في شارع اتجاهين و ضلمة و جاي يتجاوز اللي قدامه و داخل في حارتي و ماشي شبح مش شايفو و بمجرد مقربت منو صدر العالي و اخد غرزة موت من قدامي علشان يعدي و لولا اني حدفت يميني سنة كان لبس فيا وششششش
و في مرة و احد بفرنا سودا و طاع من تقاطع في حتة ضلمة كحل و اضايق اني بقلوا نور نورك

بتحصل معايا كتييييييييييييييييير
التصرف التلقائى (انا عارف انه غلط.. لكن مابقدرش امسك نفسى الصراحة):
ببقى شايفه طبعا.. بس بأكسر عليه سنه تهويش كدة.. ولما أسمع كلاكسه تييييييييييييت بشاورله ينور النور..
أول ماينوره أقوله: مانت حلو أهو.. وعندك نور.. أمال مظلم ليه..

**Hussein_Emara** · 10-01-2011 04:29 PM

بسبب موضوع النور ده بسمع كمية شتايم - ما علينا- بس اسوئ مره كانت واحد عند معايا ميعدينيش إلا اما اطفي النور, و الشارع كان مضلم اصلا, و في الاخر بردوا شتمني.

بس انا شغال معاهم بمبدأ دع الكلاب تعوي و القافلة تسير.

الموضوع: هنشغل نور العربية امتى يا رجالة ؟

LinkBack

أدوات الموضوع

عرض

-

-

-

-

-

المواضيع المتشابهه

امتى نغيير نقلة العربية للحصول على اعلى سرعة؟

امتى نغيير نقلة العربية للحصول على اعلى تسارع

ليه عجل العربية بيسخن و امتى يبقى سخن زيادة عن الحد

هو المفروض العربية تسحب امتى؟

الكلمات الدلالية لهذا الموضوع

المفضلات

المفضلات

ضوابط المشاركة