هنشغل نور العربية امتى يا رجالة ؟

**shaddadfalcon1** · 13-12-2010 08:55 AM

لما النور يقطع

**M.Osman** · 13-12-2010 09:50 AM

المشاركة الأصلية كتبت بواسطة shaddadfalcon1

لما النور يقطع

و الله يا باشا بيبقى الطريق ضلمة كحل و برضه ماشيين زي الأشباح

انا كنت بتكلم مع سواق قبل كدا ..قاللي طالما ماشي ورا عربية ..ينور النور لية ؟؟!! ما انا شايف هو رايح فين و الطريق رايح فين ... ادايقه لية !!

انا الموضوع ده اكتر موضوع اتكلمت فيه بخصوص السواقة في مصر

**shaddadfalcon1** · 13-12-2010 12:59 PM

المشاركة الأصلية كتبت بواسطة m.osman

و الله يا باشا بيبقى الطريق ضلمة كحل و برضه ماشيين زي الأشباح

انا كنت بتكلم مع سواق قبل كدا ..قاللي طالما ماشي ورا عربية ..ينور النور لية ؟؟!! ما انا شايف هو رايح فين و الطريق رايح فين ... ادايقه لية !!

انا الموضوع ده اكتر موضوع اتكلمت فيه بخصوص السواقة في مصر

في طريق متفرع من مصطفي كامل اللي بتمشي منه مشاريع سيدي بشر والعصافره
الطريق ده مكسر وكله حفر ومع ذلك لما امشي مولع النور الواطي الاقي كله جاي في وشي عمال يرعش ومره واحد راكب ملاكي قام مصدرلي العالي وكاسر عليا يعني جه قدامي وبعدين رجع تاني ولما عدي من عليا لقيته بيزعقلي وبيقولي اطفي النور
طيب يعني اشوف ازاي يابشر؟
وهو محطوط ليه في العربيه؟

في طريق تاني بقي بمشي عليه وده رايح جي واكل مصدر العالي ووبقي ماشي معمي
يعني ياما يطفي ياما يصدر العالي؟

كنت راكب مع سواق تاكسي طافي النور خالص وكل شويه يشغل العالي ويطفي - اقوله ياعم شغل نورك يقولي كده هعمي اللي قدامي واللي جاي في وشي
مانت كده هتعميه اكتر بالفلاش اللي كل شويه تديه

حاجه بقت تقرف

**mikeflyer** · 13-12-2010 12:59 PM

انا عن نفسي مش بتفرق معايا مضايق الناس مش مضايق الناس
اول ما المغرب يأدن بفتح نور التابلوه والفوجات لما بتضلم بقفل الفوجات وانور الواطي الناس ترعش ما ترعش مش في دماغي (لأني مبفهمش لغه النور)
لما بمشي في طريق مفتوح (صحراوي مثلا) العالي الا اذا حد طلع قدامي او حد ظهر في الطريق المعاكس

وطبعا لما بظهرلي واحد ظريف عايزني اطفي النور ويشغلي العالي ساعات بيتحرق دمي فا بروح رازعه العالي ونبقى احنا الاتنين قالبين الطريق نهار

**ahmedsamir5edr** · 13-12-2010 01:10 PM

ههههههههههههههههههههههههه ههههههههههههههههه
و الله الشعب عندنا مسخره
و يا سلااااام لو حاولت تقنع واحد انه غلط

**ZALABANY** · 13-12-2010 01:24 PM

يا جماعه سلو بلدنا كده
بس خلو بالكم من مشكله بالنسبه للعربيات القديمه عامة النور لو عالي او واطي ما بيبقاش مظبوط وفعلا لو نورته بيضايق اللي قدامك ويخليه مش شابف لكن في العربيات الجديده وخاصة اللي فيها عدسات الدنيا بتبقى تمام ولو منةر النور الواطي مش بيضايق أي حد في عينه

**mailo** · 13-12-2010 01:32 PM

علشان يوفروا كهربة واستهلاك لاللمبة مش كل الناس اغنياء زيك عشان يجيبه لمبة جديدة 20 ولا 50 le

أنا مرة ركبت ميكروباص من موقف العاشر لحلوان , أول مطلع الدائري مفيش نور أصلا وال راجل كان ماشي شمال وطافي حتى نور السيجارة, وشوية يشغل النور ابوص القينا خلاص داخلين على الرصيف يعدل العربية ويطفي النور تاني وهكذا وأنا أعد جنبه مش فاهم و مش شايف

ومش عارف كان إيه اللي هيحصل لو كان فيه واحد فتك زيه كده معدي قدامه ولا جاي من وراه

**vampero** · 13-12-2010 01:35 PM

طب اسمعو دي انا مديرى اجنبى وكان فى كورس فى القاهره ورايح الفندق باليل مع سواق تاكسى ولاقاه قافل النور فساله انت ليه قافل النور رد عليه سواق التاكسى وقاله عشان احافظ على البطاريه جالى يسب ويلعن فى السواقه فى مصر ويوصفلى ويقولى مفيش اى امان فى القياده بدون نور ده انتحار

**Esam Mosaad** · 13-12-2010 01:36 PM

الى يديقك امتر تلاقى واحد لطخ لطخ بيقلبلك من بعيد عشان اطفى النور
وحتى لو طفيت النور برضو اعمال يقلب يخلى الواحد يسب ويلعن وانور العالى ومش عجبوا
حاجه تقرف

**pro_samir** · 13-12-2010 03:30 PM

لما ببقي رايق ويقابلني واحد طافي النور خالص علي طريق مفرد بعمل اني مش شايفه وتخيل انت باقي السيناريو .. بس مش عارف بيفهمو ولا لأ

ولو حد بيقلب علشان اطفي الواطي بفتح العالي شويه الكابينه عنده تنور وبعدين اطفيه علشان يحس بالفرق

المشكله بقي في الطرق السريعه لما يبقي الدنيا ضلمه و ييجي واحد من دول ييجي ورايا طبعا مبشوفوش في المرايات خالص واتفاجئ بيه