عرض للطباعة
السلام عليكم
انا الحمد لله عملت صيانة الالف للساجا انبارح . والحمد لله كله تمام ماعدا حاجة واحدة فى الاشارات قاللى لازم تروح الفرع الرئيسى فى ابو رواش.
المهم المشكله عندى ان استهلاك البنزين عالى جدا لحد دلوقتى تقريبا 140 او 150 كيلو فى ال(20 لتر) وده طبعا معدل عالى اوى على 1300 سى سى. لما سالت فى الصيانة قالى انها بتقعد كده لحد 15000 وبعديت بتتظبط .
هل فى حد جرب فعلا و الاستهلاك معاه اتظبط ؟؟ وبقا المعدل اد ايه دلوقتى؟؟
متشكر
ان شاء الله بعد 5000 كم هيبقي ممتاز عن تجربه
الكثير من الإخوة اختلف معاهم كليا بعد الـ 5000 كم فإنتظر وما انت بخاسر من شئ ان شاء الله تعالا ... ولكن حضرتك خليك متابع ولو فضل كده نشوف حل تاني ولكن فيه ناس كمان اتعدل تماما ونهائيا بعد الـ 10000 كم ... ونصيحة لحضرتك يا اخي استمتع بالعربية العربية بسم الله مشاءا الله موتور 1300 ولكن انا بسوق الـ mivic وغيرو كتير ومش بحس خالص اني راكب 1300 ... انا بعتبرها احدى ضرائب القوة ..
انا لسة عامل موضوع عن استهلاك البنزين بص ياريس انا عربيتى ساجا مانيوال وعاملة دلوقتى 15 الف واستهلاك البنزين كان عالى جدا ومستناش لحد اما العربية تعدى كيلوهات معينة انت من اول كيلو لو لاقتها بتاخد بنزين كتير قول للتوكيل هايقوللك هانعملها اختبار وهايكلوك فى الكلام زى ماعملوا معاك المهم من الاخر هاتدفع 150 جنيه وهاينظفولك الفتلر والبوابات وشوية حاجاة كده هى اللى هاتظبط معاك ... انا قبل ما انظف كان الميت كيلو بيخدوا معايا 12 لتر على سرعه 90 دلوقتى بيخدوا 7 لتر بعد التنظيف
اقتباس:
المشاركة الأصلية كتبت بواسطة blackbird
انا بعمل بيها 180 في الصفيحه
ده يبقي بردو عالي
مش كدا؟؟
السلام عليكم
احب اضيف حاجه غريبه جدا معيا سجا وماشى بيها اربعين الف فى الاول الاستهلاك بيعمل فى المتوسط 8الى 9 لكل 100 كم
ده كتير نوعا ما انما احياناا بتعمل 5.5 او 6 لكل 100 كم طبعا حاجه تجنن انتى بتستهلكى ولا مبتستهلكيش مش عارف والفرق بان بعد تغيير البوجيهات وتنظيف الدائرة بس مش فى التوكيل انا عملتها بزجاجه اس تى بى الرومادى بـ 70 جنيه لكل الدوره
حاجه اخيره واحد صحبى قالى نتجمع ونرفع قضيه والتوكيل مجبر يرجع لينا فلوسنا ...
انا فكرت فى الموضوع بصراحه انما حركب فيرنا ولا لانوس ولا لوجان ولا بيكانتو ولا تويوتا ياريس ؟ بصراحه انا لو معيا الفلوس حشترى ساجا تانى وتالت ورابع .
بروتون بتحترم المستخدم فى كل حاجه
ياباشا هو التوكيل عارف حل البنزين والمفروض تروح تعمل التنظيف ده مع الصيانة انما هما بيقعدوا عملولك حوار عشان تدفع ال 150 جنيه برضه
انا يا رجاله عندى ساعات لما اكون ماشى واماور الاقى لسة عداد الاربى ام واقف على 2 اكنى دايس بنزين
ناس قالتلى دى وساخه على البوبات وعايزة تتنظف وبسيطه
حد يعرف اروح عادى لاى ميكانيكى يعملى حوار التنظيف ده وفين
وياريت يا رجالة لو حد يعرف تمن الفوج لايت كام يقولى لان عندى الفوج لايت اليمين طفاه
السلام عليكم
معلش ياجماعة هى القيايات ده لازم تكون على طريق سريع وماشى على سرعة 90 ؟؟
انا الاستهلاك ده عندى جو القاهرة .
متشكر
السلام عليكم
اعتقد 150 جنيه ثمن الشابوره
انا عندي الاستهلاك اتظبط تقريبا بعد 5000 كيلوا و دلوقتي انا عامل 10 الاف كيلوا و الاستهلاك رااااائع بجد و مش بتاكل خالص بنزين مع اني علي طول ماشي ار بي ام عالي و بحرق كتير و معظم المشي بتاعي حرق بس طبعا مش اوي يعني و مش عمال علي بطال و كمان بستخدم الكيك داون تقريبا بتعمل معايا 14 لتر لكل 250 كيلوا بدون حرق و 17 لتر لكل 250 كيلوا مع الحرق
مشكلة ان العربية بتحرق بنزين مشكلة معروفة عن الساجا و انا عامل اكتر من 10000 كيلو و لسة المشكلة قائمة من اول يوم و على فكرة التوكيل عارف الموضوع ده و انا بقترح اننا نحجز صيانات مثلا ل 15 عربية و نروح التوكيل نشتكى نفس الشكوى و مش هاندفع فلوس لا تنظيف بوابات و لا حاجة لان الموضوع ده من اول يوم استلمنا وكنا بنقول الكلام ده يقولوا استنا بس لما تعمل 5000 كيلو و بعد كده استنى لما تعمل 10000 كيلو و دلوقتى يقولوا ادفعوا 150 كلام مش منطقى بالمرة و على فكرة اقسم بالله من جوة التوكيل عارفين العيب ده فى العربية و المفروض انهم يحلوا الموضوع الموضوع ده مش بيحصل فى الجين تو و لا البيرسونا اللى الموتور 1500 اخو الموتور بتاعنا و استهلاك الجين تو و البيرسونا لا يتعدى من 6 الى 7 لتر كل 100 كيلو انا اخر مرة و الله العربية عاملة جوة البلد من غير زحمة و لا كلام من دة خالص 270 كيلو فى 30 لتر بالظبط
انا العربيه عندى بتعمل من 280-300 كيلو فى ال 30 لتر
و انا معظم مشيى فى طرق كويسه مش زحمه
و لو فى الزحمه
250-280 فى 30 لتر
انا عامل 7400 كيلو
مقروض فى المانويل الاستهلاك 7 لتر لل 100 كيلو يعنى تقريبا فى فرق 42% زياده فى استهلاكى
مش عارف المشكله عندى في ايه؟
بجد لازم يبقى فى حل للموضوع ده و مش انا بس اللى بشتكى و الله ناس مش فى نايل موتورز و الله بيشتكوا من موضوع البنزين و الله الناس فى مرسى مطروح و انتم عارفين ان مرسى مطروح مافيهاش عربيات كتير و لما سالنى قال العربية بشعة فى استهلاك البنزين و انا مش بشكك فى العربية لانكم عارفين انا بحب العربية اد اية و لكن من حبى فى العربية مش عايز يبقى فيها عيب قاتل زى ده لانها عربية المفروض انها 1300 سى سى يعنى اقتصادية فى البنزين و بعدين لما العربيات زيرو و بتعمل المعدل ده امال لما تقدم شوية و تبقى عاملة مثلا 60 الف كم هايبقى الاستهلاك عامل ازاى لان المعروف ان الموتور كل ما استهلك تبدا العربية فى الاستهلاك العالى للبنزين عشان الرشاشات بتبقى وسعت و حاجات تانية
و على فكرة و الله ناس من التوكيل اتصلوا بيا عشان الاستبيان بتاع اداء مراكز الصيانة و لما قولت لهم على الموضوع و الله العظيم الرد كان كده اه احنا عارفين انها بتستهلك كتير جدا و بعتنا لماليزيا و قالوا ان نوعية البنزين طيب احنا بنحط بنزيين وحش و الجين تو بتحط بنزين حلو ما هو نفس البنزين و انا عن نفسى بمون من الاماراتية و لسة مغير فلتر و عامل الصيانه بتاعت العشرة الاف و منضفين البوابة و الرشاشات و ظبطوا العربية على الكمبيوتر اية تانى ممكن يتعمل لا بجد فى حاجة غلط و المفروض انهم يتداركوها بجد قبل ما الموضوع ده يبقى لزقة فى العربية بجد حرام على عز العرب اللى بيعملة فى العربية مش كفاية عدم وجود دعاية و اسعار قطع الغيار و موضوع البنزين و مع ذلك بنحب اسم بروتون بجد اتمنى ان العربية دى و الماركة دى ياخدها توكيل تانى يعرف يقدرها و يصونها بجد الواحد بيصعب علية يشوف عربيات ماتسواش و معمول لها دعاية بشكل مكثف جدا اتمنى اننا يبقى لينا موقف مع التوكيل فى موضوع استهلاك البنزين ده بدل ما بعد كده نخش فى متاهات زى الرشاشات عايزة تتغير و الفلاتر و نبص نلاقينا كل واحد دافع لة 4000 او 5000 جنية بدون اى داعى
انا برضه بضم صوتي لصوتكم في موضوع استهلاك البنزين ده عشان الواحد بجد بيصرف بنزين ولا كانها حوت بنزين لازم التوكيل يشوف حل او مركز عصام وصفا يلاقي حل لانه بجد من المراكز المحترمة جدااااااااااااااااااااااا اا
ده الفيرنا اللي هية 1600 مبتسحيش بنزين زي الساجا
محمد باشا ترك ...اقتباس:
المشاركة الأصلية كتبت بواسطة medo_tourkey
أسف على عدم حضورى لبنها امس لاننا انضحك علينا ومخدناش ولا خميس اجازة ولا الاحد اجازة ...
انا مضايقنى موضوع الاستهلاك ده اوى اوى اوى انا كمان ومش عارف اعمل ايه
خلصت من قرف ورق العربية وقرف الزجاج اللى ماكنتش لاقيه يطلعلى قرف البنزين
قالولى حط بنزين 95 وهتفرق كتير وعملت كده ومفيش اى فرق
العربية بتعمل معايا فى السفر المباشر 11 كم / 1 لتر
وجوا البلد بتعمل 9 كم / 1 لتر
ده يعتبر اكبر عيب فى الساجا وان ماكانش العيب الوحيد
فى التوكيل قالوا هتتظبط بعد ال5000 كم لكن انت عديتهم وبرضه مازالت المشكله قائمه طيب ايه الحل ...
انا مشاويرى قليله جدا جدا ومع ذلك العربية بلعت منى فى شهر واحد بس .. شهر واحد بس اكتر من 220 جم بنزين
ده يرضى حد برضه ... 220 جم بنزين فى الشهر ؟؟؟
ليه هو احنا بنسرق
يا جماعة ببساطة جدا جدا انا كليتي رايح 12 كيلو وجي 12 كيلو يعني حوالي في اليوم 25 كيلو جميل قوي وبنزل الكلية 5 ايام في الأسبوع ده غير المشاوير الجانبية اليومية يعني تقريبا في اليوم 30 كيلو حلو قوي الكلام ده وبوصل في الخمسة الأيام 5x 30 يعني 150 كيلو في الأسبوع وبحط بمجرد 40 جنيه في الأسبوع ويفيض منهم كتير كمان يعني انا مش شايف الإستهلاك سئ خالص وبالعكس عادي جدا يا جماعة مش كل حاجة لازم نكبرها ونعمل منها مصيبة ولكن احنا نحاول نستمتع بالعربية ونعيشها لأنو ببساطة العربية ممتزاة وانا مش شايف موضوع الإستهلاك غريب ولا حاجة ولكن كثر التركيز في الشئ بيفسد لذته ...
طيب انا اتحدي كل الناس اللي موجوده ان استهلاك الساجا للبنزين مش جامد الظاهر انو في حاجه غلط عندكوا انا واحد من الناس بتعمل معايا 250 كيلوا بتاخد 14 لتر علي طريق سفر و سرعه من 90 ل 100 و ده معدل جامد جدااااااااا
يا لبيد انا قولتها قبل كده وكنت عامل موضوع كامل عن استهلاك الساجا للبنزين اللي الناس مستغربة انها حريقة بنزين واللي انا مش مقتنع بكده خالص الظاهر ويبدو انه الغالبية عايزين عربية تكون 1600 وتكون بتحطلها 10 جنيه في الأسبوع وتبقى كمان كتير عليها سبحان الله فعلا ... يا جماعة العربية بطريقة بسيطة جدا اللي شايف انه استهلاكها مش طبيعي يجيب اي عربية تانية 1300 ويقيس بيها .... وانا اتحدى اي حد الإستهلاك مش المفجع يا جماعة بالطريقة دي واللي يخلينا نعمل قضية الإستهلاك فيه شئ من الإرتفاع وليس مفجعا بهذه الدرجة ...
بالظبط يا سيد تاني حاجه عاوزا اتكلم عنها رشاشات ايه و بوجيهات و فلاتر ايه اللي عاوزين التوكيل ينضفهالكوا و معظمكوا لسه مكمل ال 10 الاف كيلوا امال لو بقالها 3 سنين ولا عاملين 60 الف كيلوا هتطلبوا ايه من التوكيل يغيرلكوا موتور كامل يا جماعه والله و بدون مباغله العربيه فعلا انا شايف انها اقتصاديه جدا انا بقول الكلام ده و انا مليش مصلحه في الموضوع من اي ناحيه و الكل عارف كدا بس فعلا زي ما قال سيد الناس عاوز عربيه تحطلها بنزين ب 10 جنيه في الاسبوع و هوه ده حال الشعب المصري و للأسف انا بقول كدا بس هوه ده حالنا لو الحاجه مفيهاش عيب لازم نطلعلها عيب و عندنا حاجه وحشه كمان كمصريين الوسواس و ده مرض مش كويس اخواني الاعزاء ملاك الساجا مفيش عربيه في الدنيا مفيهاش عيوب ابدا و انا شايف ان الساجا و للحمد لله خاليه من العيوب تقريبا بنسبه 99.9 % بجد والله مش كلام عن تجربه و مقارنه بسيارات تانيه كتير و هيه فعلا افضلهم و حتي لو موضوع البنزين ده موجود فده مش عيب انتوا راكبين سياره قبل ما تشتروها عارفين ان شركة بروتون شركة سيارات رياضيه و مواتيرها رياضيه و كل المواتير الرياضيه بتسحب بنزين و ديه معروفه اكتر من المواتير العاديه حاولوا تستمتعوا بالعربيه .
نقطه كمان نسيت اتكلم فيها طبعا حضراتكم بتسخنوا العربيه الصبح و العربيه بتبقي واقفه ده غير الوقفه في الاشارات طول النهار ده غير اللي بينزل يشتري حاجه من سوبر ماركت او اي مكان و سايب حد في العربيه و بينزل و يسيبها دايره ويكسل يبطلها علشان لما يرجع يمشي علي طول و طبعا كل ده بيسحب بنزين و العربيه واقفه و مش بتعد كيلومترات ده غير اللي بيمشي و يحرق ده غير الكيك داون و انا اعرف ان معظمكم معاه كمان اوتوماتيك و انتوا عارفين ان الاوتوماتيك بيسحب كمان بنزين اكتر من المانيوال فكل ده بيسحب بنزين بردوا صح ولا كلامي غلط
اخى العزيز سيد واخى العزيز لبيدو اعتقد انىلا من اوائل الناس اللى اشتروا الساجا و لحد النهاردة انا بقول انها افضل اختيار لكن الكلام لازم يبكوةن فية منطقية شوية مش معنى ان حضرتك عربيتك بتعمل عداد كويس يبقى تمام و لكن الملاحظ انك انت و الاخ سيد بس اللى عربياتهم مظبوطة و الحمد لله و لكن عربياتنا كلنا بتاكل بنزين و ممكن تسال الانسة داليا قالت لى انا بالفعل ان العربية فعلا استهلاكها عالى جدا و ان اغلب الناس اللى معاها ساجا اشتكوا من العيب ده و انا مش بفترى على العربية و لا حاجة وبعدين فى تجارب كتيرة من اللى معاهم ساجا و الكل بيشتكى من الموضوع ده و انهم فى التوكيل ظبطوا لهم الموضوع بعد دفع 150 جنية و طبعا انا مصمم انى ما ادفعش و لا مليم لانى من يوم ما اشتريت العربية و انا كل مرة اقول لهم على الموضوع ده و فى مركز عصام صفا قالوا ان الفلتر وحش و ركبت فلتر جديد و نظفوا الرشاشات و الموضوع اتظبط يومين و رجعت ريما تانى مش معنى ان احنا بنحب العربية و عايزين نستمتع بيها انها تسحل الناس فلوس بنزين بجد انا مش بخرج بالعربية كتير بسبب البنزين يعنى مش معقول اعمل 260 كيلو ب 30 لتر بنزين و بعدين انا كان معايا عربيات و كانت 1500 سى سى لانوس و اكسنت و كنت بعمل نفس المشاوير و كانت كل عربية عاملة اكتر من 140 الف كم و ما كنتش بتاكل البنزين العالى ده
اعتقد ان مناقشة الامور بموضوعية افضل من نحط رسنا فى الرمل و نقول ان مافيش مشكلة و المشكلة موجوده عند كتير جدا و حبنا للعربية لا يمنعنا من نذكر ان فى مشكلة و اعتقادى ان المشكلة دى هايفة جدا و تتحل بسهولة انما 9 ككم لكل لتر بجد لو الموضوع مش اتحل تبقى كارثة بكل المقاييس و كده العربية عمرها ما هتنافس الفيرنا و لا اى عربية تانية و اعتقد انه من الافضل الضغط على التوكيل عشان يبقى فى حل دى عربيات زيرو لسة ما عملتش عداد عالى عشان نقبل الوضع ده و ممكن تسالو vsaga و محمد و ناس كتير على موضوع الاستهلاك فوق الطبيعى بمراحل
كمان اخى العزيز لبيدو انا كان معايا اكسنت اتوماتيك من سنة 2000 و كانت 1500 و بعتها قبل ما اشترى الساجا كمان ممكن تعمل مقارنة بسيطة قوى بين الساجا اللى هيا نفس موتور الجين تو و لكن اختلاف انها 1300 مش 1500 و بين معدل استهلاك الجين تو الاتوماتيك بتعمل من 6.5 الى 7.5لتر لكل 100 ك اما الساجا الاتوماتيك بتعمل تقريبا 11 لتر لكل 100 كم ارجو مرة اخرى الموضوعية و ممكن حضرتك تتاكد من كلامة انك تتصل بالانسة داليا فى عز العرب و تسالها كام شكوى جت من العربية الساجا فى موضوع البنزيين و على فكرة مش كل الناس عندها و هم و لا حاجة لا ا نا بركب عربيات بقالى 18 سنة و تقريبا كنت بمتلك عربيتين و ثلاثة فى نفس الوقت و الحمد لله مش بتوهم و لا حاجة بالعكس انا لحد دلوقتى بدافع و بقول ان العربية الساجا افضل عربية فى الفئة السعرية دى و بالعكس المدفوع فيها اقل من قيمتها بس الحلو لازم يكمل مش مهم للاخر يعنى مع ارتفاع ثمن قطع الغيار بنشترى العربية و حبينها يبقى المفروض التوكيل طالما جالة اكتر من 20 شكوى من نفس الموضوع لازم يدور و يشوف و يحل زى مشكلة علب الدركسيون اللى حلها و طبعا دى كانت اصعب انا عن نفسى اشك بوجود عيب فى الايدل بتاع العربية و عشان كده مش بيظهر عند الناس كلها زى ما بعض الناس ما ظهرش عندهم عيب علبة الدركسيون و ناس تانية ظهرت عندهم و على فكرة ممكن تسال برضوا المهندس احمد محسن على موضوع الاستهلاك و هو هايرد عليك فعلا ان الاستهلاك عالى و لحد دلوقتى مش عارفين و للعلم بعتوا لماليزيا يشوفوا الموضوع ده برضوا
استاذ عمر انا والله مقدر موقفك ومع حضرتك في الفكرة ولكن انا مش عارف الإستهلاك العالي قوي كده عند حضراتكم وانه ضارب في العليوي قوي كده ولكن الله المستعان وانا بصراحة بص معاكم ومش معاكم في نفس الوقت يعني انا معاكم انه 900% من حقكم تعترضوا ومش مع التوكيل في حكاية الـ 150 جنيه هوة انا لو جيت بشتكي من صوت في الماتور ها تقولي ثمن الكشف كذى امال انا جايب السيارة ليه بالضمان ... ولكن دي حاجة اعتقد ممكن نتناقش فيها بودية مع المهندس آمر في حكاية الـ 150 دول هية مش مبدأ فلوس والله ولكن هية فكرة مبدأ لأنه حق من حقوقي كعميل بأشتكي من شئ في السلعة ...
أنا لسة عامل صيانة الــ 5000 ولسة العربية زى ما هيه سفاحة بنزين ورحت التوكيل ودفعت 150 ج وقالولى هننضف البوابات ومش عارف أية وبرده لسة زى ما هية لاجديدددددددددددد. حاجة تجنن
السلام عليكم
السياره بتستهلك شويه 6لتر لكل 100 كم وشويه 7 لتر لكل 100 كم والله العظيم مره واحده 5.5 لتر لكل 100 كم و فى الغلب داخل البلد حوالى 9 الى 10 لتر لكل 100 كم فى المجمل والمتوسط 8 لتر لكل 100 كم
كل ده بعد التنظيف وتركيب البوجيه 3 شمعه لكن المشكله بالنسبه لي مش فى البنزين المشلكه فى سعه تنك البنزين 35 +5
دة محسيسنى انى كل شويه داخل المحطه
ياريت لو حد يعرف تنك اكبر اركبه . وحاجه تانيه الناس الى راكبه افيو وهيونداى النترا بتعيط وتصوت من موضوع البنزين بس التنك عندهم اكبر http://www.nilemotors.net/Nile/180787-a.html
انا بالنسبه ليا المشكله فى التنك الصغير بس مبسوط بالعربيه جدا
وناوى اغير لمقاس الكاويتش
175 على 65 كومهو v فى الامام ده بيقلل الاستهلاك
وفى الخلف 205 على 55 كمهو v عشان الثبات
طيب يا استاذ صلاح مش ممكن تكون حضرتك بتمون من محطات مختلفة انا عمال بفكر في كافة الإحتمالات المختلفة بكل المقاييس هل من الممكن يكون اختلاف الإستهلاك بسبب التنويع من المحطات المختلفة معلمة انا من ساعة ما اشتريت العربية من 3 اشهر وانا مفكرتش اتجرأ وغير مكان المحطة اللي انا بمون منها على طول ممكن نفكر في الأسباب اختلافات المخلوطات الموجودة في التنك الداخلي الخاص بالمحطة !!!!! الفكرة الثانية على فكرة يا استاذ صلاح يا سلام بجد بجد بجد والله لو عرفت تشوفلنا الفكرة دي تبقى الفكرة بجد ضربة 2011 يا سلام لو عرفنا نوصل بالتنك لحد مثلا 50 لتر تبقى بجد ممتازةةةةةةةةةةةةةةةةةةةة ةةةةة ها الفكرة انك تتمتع بالعربية شوية من غير دخول للبنزينة كل 4 او 5 ايام .. انا معاك في الحتة دي ..
السلام عليكم
حاضر محتاجه زياره للحرفيين وحاجه كمان الناس الى بتفهم تفيدنا فى حاله تغير سعه التنك لازم تغير الطلمبه ولا لاء .
انا منتظر الرد منك ومن الناس الى بتفهم فى الموضوع ده الناس الى بتفهم بس مش عوزين فتاوى
وبعدين انا بدخل المحطه كل يومين او تلاته
لأ خالص على فكرة ولكن هي الفكرة بس انا عايز اعرف هيا العوامة الموجودة في هذه التنكات هيدلوليكية ولا الكترونية يعني في حالة زيادة السعة محتاجة العربية اعادة برمجة على لمبة البنزين انها ها تنور بعد 45 لتر ويبقة لسة فاضل 5 لتر كمان ولا الستة شرط ها يبقى وضعهم ايه يعني اقصد هل ها يبقوا محتاجين انهم انه العوامة تبان على الـ 50 لتر وهكذا ولا انا بهذي فقط ... اقصد هل محتاجين نفهمها انه في حالى وجود مثلا 40 لتر في السيارة يبقى 5 شرط في السيارة ولا لأ ؟
السلام عليكم ورحمة الله وبركاته،،،
أنا من أوائل الناس اللي جابوا العربيه في مصر، إستلمتها 28 يناير 2010 وبعاني من موضوع إستهلاك البنزين ده وأنا عامل بيها 16000 ولحد دلوقت الإستهلاك ما ظبطش.
أنا لما اللتر بيعمل 10 أو 11 كيلو باكون فرحان مع إن ده مش إستهلاك 1300 أبداً.
وعلى فكره أنا غالباً 80% من الأوقات باكون لوحدي في العربيه ومش باشغل التكييف ولا بأقرص ولا باجري.
وكمان أنا عملت موضوع تنضيف البوابات ده في صيانة العشره.
أنا دلوقت فقدت الأمل بصراحه وقررت أتعايش مع العربيه كده. مع إني عملت بحث على النت قبل ما أشتري العربيه وقرأت إنها بتشم البنزين.
الخلاصه: الساجا بتاكل تقريباً زي عربيتي القديمه هوندا سيفيك si موديل 1993 130 حصان وكان موتورها بايظ كمان.
يا رجالة انا حوار البنزين ده تعبنى وجبلى الشلل .. انا روحت ظبطوا اللى ظبطوه وطلعنا نجرب العربية تقولش 800 سى سى عملت فى ال 50 كيلو 2 لتر
بعدها عملت تفويلة اخر حلاوة عملت جواه البلد 450 كيلو وفى الزحمة وفى الاشارات ومحمل وكل حاجة
وبعدها تفويلة نفس النظام
بعدها ولا اكنك يابو زيد ماغزيت رجعت زى الاول ونفس المشوار بنفس الزحمة والاشارات بقى اجدع تفويلة فيه تعمل 350 كيلو واللي بيقول 220 جنيه فى الشهر اقوله احمد ربنا انا عشان مشاويرى طويلة بدخل فى الشهر 500 جنيه بنزين
والعربية عاملة معايا 17 الف كيلو عشان محدش يقول استنى لحد اما توصل مش عارف كام
فكده فى حاجة يا جدعان التوكيل بيعمل حل مؤقت ولا هو حوار فى حاجة بتتوسخ ولما بتنظف بترجع تانى ولا ايه محدش عارف ويمكن فى ناس استهلاك البنزين عندها كويس بس احنا بنتكلم فى الاغلبية الاستهلاك عندهم عالى
فياريت لو حد هايوصل لحل يقولنا لان انا دلوقتى عندى حوار تغير بدال البنزين ده فمستنى اما اخلصه واعرف افضى ووودى العربية
اقتباس:
المشاركة الأصلية كتبت بواسطة vsaga
" اللى بيقول" 220 جم فى الشهر ده ....
حط الاضافة إنهاردة فى التفويل وهوفر كتير بإذن الله ....
والشخص " اللى بيقول " كان على قد حاله بعربية فيورا ويوم مايقول أنا مونت كتير كان بيمون فى الشهر بـــ 50 جم بالكتير أوى أوى أوى.
واللى بتقول عليه " اللى بيقول " هيبعتلك هديه عبوتين مجانا عشان تجربهم بنفسك وتشوف الفرق ....
مع خالص إحترامى وتقديرى
محمد عبد المجيد
مدير إدارة المشتريات الخارجية
شركة الإسكندرية للإضافات البترولية
(اكبــــا)