امتى حيتظبط استهلاك البنزين فى الساجا بالظبط ؟

**blackbird** · 12-12-2010 10:57 PM

السلام عليكم

انا الحمد لله عملت صيانة الالف للساجا انبارح . والحمد لله كله تمام ماعدا حاجة واحدة فى الاشارات قاللى لازم تروح الفرع الرئيسى فى ابو رواش.
المهم المشكله عندى ان استهلاك البنزين عالى جدا لحد دلوقتى تقريبا 140 او 150 كيلو فى ال(20 لتر) وده طبعا معدل عالى اوى على 1300 سى سى. لما سالت فى الصيانة قالى انها بتقعد كده لحد 15000 وبعديت بتتظبط .
هل فى حد جرب فعلا و الاستهلاك معاه اتظبط ؟؟ وبقا المعدل اد ايه دلوقتى؟؟

متشكر

**powerofhelll** · 12-12-2010 11:24 PM

ان شاء الله بعد 5000 كم هيبقي ممتاز عن تجربه

**sayed911** · 12-12-2010 11:45 PM

الكثير من الإخوة اختلف معاهم كليا بعد الـ 5000 كم فإنتظر وما انت بخاسر من شئ ان شاء الله تعالا ... ولكن حضرتك خليك متابع ولو فضل كده نشوف حل تاني ولكن فيه ناس كمان اتعدل تماما ونهائيا بعد الـ 10000 كم ... ونصيحة لحضرتك يا اخي استمتع بالعربية العربية بسم الله مشاءا الله موتور 1300 ولكن انا بسوق الـ mivic وغيرو كتير ومش بحس خالص اني راكب 1300 ... انا بعتبرها احدى ضرائب القوة ..

**vsaga** · 13-12-2010 11:21 AM

انا لسة عامل موضوع عن استهلاك البنزين بص ياريس انا عربيتى ساجا مانيوال وعاملة دلوقتى 15 الف واستهلاك البنزين كان عالى جدا ومستناش لحد اما العربية تعدى كيلوهات معينة انت من اول كيلو لو لاقتها بتاخد بنزين كتير قول للتوكيل هايقوللك هانعملها اختبار وهايكلوك فى الكلام زى ماعملوا معاك المهم من الاخر هاتدفع 150 جنيه وهاينظفولك الفتلر والبوابات وشوية حاجاة كده هى اللى هاتظبط معاك ... انا قبل ما انظف كان الميت كيلو بيخدوا معايا 12 لتر على سرعه 90 دلوقتى بيخدوا 7 لتر بعد التنظيف

**alarabiya11** · 13-12-2010 12:05 PM

المشاركة الأصلية كتبت بواسطة blackbird

السلام عليكم

انا الحمد لله عملت صيانة الالف للساجا انبارح . والحمد لله كله تمام ماعدا حاجة واحدة فى الاشارات قاللى لازم تروح الفرع الرئيسى فى ابو رواش.
المهم المشكله عندى ان استهلاك البنزين عالى جدا لحد دلوقتى تقريبا 140 او 150 كيلو فى ال(20 لتر) وده طبعا معدل عالى اوى على 1300 سى سى. لما سالت فى الصيانة قالى انها بتقعد كده لحد 15000 وبعديت بتتظبط .
هل فى حد جرب فعلا و الاستهلاك معاه اتظبط ؟؟ وبقا المعدل اد ايه دلوقتى؟؟

متشكر

حط بنزين 95 وجرب الاستهلاك سوف يظبط لو ظبطتش ارجع 92 مش عاتخسر حاجه

**mememsaid** · 13-12-2010 12:52 PM

انا بعمل بيها 180 في الصفيحه
ده يبقي بردو عالي
مش كدا؟؟

**SALAHHAKIM** · 13-12-2010 01:36 PM

السلام عليكم
احب اضيف حاجه غريبه جدا معيا سجا وماشى بيها اربعين الف فى الاول الاستهلاك بيعمل فى المتوسط 8الى 9 لكل 100 كم
ده كتير نوعا ما انما احياناا بتعمل 5.5 او 6 لكل 100 كم طبعا حاجه تجنن انتى بتستهلكى ولا مبتستهلكيش مش عارف والفرق بان بعد تغيير البوجيهات وتنظيف الدائرة بس مش فى التوكيل انا عملتها بزجاجه اس تى بى الرومادى بـ 70 جنيه لكل الدوره
حاجه اخيره واحد صحبى قالى نتجمع ونرفع قضيه والتوكيل مجبر يرجع لينا فلوسنا ...
انا فكرت فى الموضوع بصراحه انما حركب فيرنا ولا لانوس ولا لوجان ولا بيكانتو ولا تويوتا ياريس ؟ بصراحه انا لو معيا الفلوس حشترى ساجا تانى وتالت ورابع .
بروتون بتحترم المستخدم فى كل حاجه

**vsaga** · 13-12-2010 04:55 PM

ياباشا هو التوكيل عارف حل البنزين والمفروض تروح تعمل التنظيف ده مع الصيانة انما هما بيقعدوا عملولك حوار عشان تدفع ال 150 جنيه برضه
انا يا رجاله عندى ساعات لما اكون ماشى واماور الاقى لسة عداد الاربى ام واقف على 2 اكنى دايس بنزين
ناس قالتلى دى وساخه على البوبات وعايزة تتنظف وبسيطه
حد يعرف اروح عادى لاى ميكانيكى يعملى حوار التنظيف ده وفين

**vsaga** · 13-12-2010 05:00 PM

وياريت يا رجالة لو حد يعرف تمن الفوج لايت كام يقولى لان عندى الفوج لايت اليمين طفاه

**blackbird** · 05-01-2011 08:41 PM

السلام عليكم

معلش ياجماعة هى القيايات ده لازم تكون على طريق سريع وماشى على سرعة 90 ؟؟

انا الاستهلاك ده عندى جو القاهرة .

متشكر

الموضوع: امتى حيتظبط استهلاك البنزين فى الساجا بالظبط ؟

LinkBack

أدوات الموضوع

عرض

-

-

-

المواضيع المتشابهه

استهلاك البنزين في الساجا وارجو ان اكون اكتشفت العيب

استهلاك البنزين في الساجا واستجابه اداره المنتدي

طلب افاده فى معل استهلاك البنزين فى الساجا

وفد من ماليزيا في التوكيل لعلاج مشكله استهلاك البنزين في الساجا

تحسن في استهلاك البنزين في الساجا

الكلمات الدلالية لهذا الموضوع

المفضلات

المفضلات

ضوابط المشاركة