هو ليه الانجكشن سهل ممتنع ؟؟؟؟
او مريح ورزل ؟؟؟؟
هههههههههههههههههههههه .... حلوة دي يا أخ محمد ،، بس والله ميتهيقليش أنه كده في كل العربيات ،، و كمان بجد مشاكله قليلة ،، مش كل شوية تفتح كاربراتير و تنضفه و تقفله تاني و بتاع ،، و تظبط بكات ،، و تظبط فالف هوا ،، و تبرجل منك ،، أنا كل اللي بعمله ،، كل شهر ،، برش منظف الكاربراتير على البوابات ،، عشان تدخل مع البنزين و هو يعمل الباقي ،، و مع كده ،، كل 5 شهور بحط محسن الأداء بتاع مع البنزين ،،
بس بصراحة أنا عربيتي من ساعة مجبناها زيرو ،، لغيرنا بوجيهات و لا نظفناها حتى ،، و لا نظفنا أيديل ،، ،
أآآآآآه صحيح يا أخ أحمد ،، أيه أخبار زيت الجيربوكس ،، أنا عربيتي عاملة 78850 كيلو بظبط دلوقتي
و هي موديل 2006 ،، يا ترى أغير زيت جيربوكس ،، و لا أكشف عليه و بس ؟!!
هههههههههههههههههههه
انا عارف ان الانجكشن حلو بس رزل عليا انا بس ( في حساسات وبصاصات ورشاشات ملعبك على بعضه) لسه ماتعاملتش فيه ومش ناوي غير لما اتطور شويه كدا في العربيات القديمة عشان الواحد يفهم على اصولها او زي مابيقولوا
المهم ياسيدي حوار زيت الجيربوكس والفابريكا دا ما اقدرش افيدك فيه
شغل المانوال والكتالوجات يقل بيتغير كل عدد كيلو مترات معينه او عدد سنوات او فترة قضاها الزيت جوه صندوق السرعات بتختلف من عربيه لعربيه ومن موديل لموديل ومن نوع زيت لنوع ( انا ماعنديش خبره في انواع الزيت عشان ماتسالنيش)
شغل وكلام صنايعيه بيفهموا او بيخافوا او مابيفهموش يقلك ماتغيرش زيت الفابريكا بالذات المانوال يقلك زود بس
الاتوماتك طبعا بيتغير وليه انواع
طبيعي ان اي زيت بيفقد كفائته ولزوجته بعد فترة فيتغير زي زيت الموتور
زيت الفتيس يجيلك الصنايعيه ويقلك ستوب مش عارف ليه كمان كلام صاحبك بتاع ال 504 خوفني اكتر
يمكن بيغيروه بطريقه غلط او بنوع غير مناسب ممكن كمان النواع اللي عندنا مغشوشه يمكن ليه طريقه اول مايتحط تشغل انت العربية بطريقه معينه بحيث انه يزيت كل الاجزاء الداخلية الله اعلم ماقدرش اقلك كلام وافتيك لاني ببساطه ماعنديش خبره عملية في الجانب دا وماقدرش اقلك على حاجه وتطع غلط خصوصا في حاجه حساسة زي الفتيس فاعذر جهلي لاني ببساطه ما اعرفش
وبجد ياجماعة عايزين حد يقلنا الكلام الفاصل في موضوع تغيير زيت الجيربكس المانوال؟
يتغير ولا لا؟ وايه الانواع ؟ وايه الطريقة الصحيحه ؟
بخصوص البوجيهات الاول
انا عربيتي ليها نوع بوجيهات خاص بيها لما بجيبة ( 165 جنيه موتور كرافت ) بيعد من 40 لـ 50 الف و لو الموتور مفوت مبيعرقش علشان فيه سخان بيحرق الزيت من عليه يعني مهما كانت حالة الموتور مفيش بوجيه يقطع و هو سن طويل مسمعتش عن سن قصير منه
بيفرق جوهريا عن الانواع الموجودة في السوق و الي افضل نوع منها بيعد 7000 كم من العكننة و ضعف السحب و استهلاك بنزين على الفاضي في موضوع ثغرة البوجيه الاصلي مقاسها 1 و الانواع الموجودة في السوق مقاسها 0.70 او 0.80 و حتى لما بيتعدل برده عمرة قصير جدا جدا
زيت الجير بوكس نوعين 80 90 و اسمه زيت فتيس خفيف و 140 و اسمه زيت تقيل
معلوماتي المتواضعة الزيت الخفيف للعربيات الجر الامامي لما يكون الفتيس بتاعها بحالة سليمة و جيدة
و الزيت التقيل للعربيات الدفع الخلفي ( كرونة ) بس ديه معلومة عامة و اعتقد ان البحث عن تفاصيل في كتالوج العربية بيكون افضل
بس الي انا اعرفة ان زيت الفتيس المفروض يتغير كل عدد كم ثابت حسب الكتالوج او بالبلدي 60 الف للمانوال و 40 للاتوماتيك
حبيبي والله :Oc_sun1[1]: ،، باشا أنت كفاية ردك ،، و أنا شاكر ليك جداً ـو شاكر لأهتمامك بأنك تقوللي المعلومة اللي بتبقى متأكد منها
ألف ألف شكر ..
ألف شكر للتوضيح ،، أنا غيرت بوجيهاتي ب أن جي كاي ،، زاحد شعلة سن طويل ،، "عربيتي انجيكشان" بس حسيت أن الثغرة أوسع سنة ... حوالي ملل أو اتنين ,,, :dzey: تأثر أد أيه في الأستهلاك ...
تسلم ،، أولاً سؤالي عن عربيتك ،، هل هي الأنجيكشان ولا الكالابلااتير ،،
2- أحب أبدي أعجابي بالجنط،، أنا بالفعل كنت حشتري واحد زيه ،، بس حصلت مشاكل ،، و كلام كتير عن العفشة ،، عشان كده فكست ،،
مش ده 14 ،، قللي أنت بقى مركب كام ،، و هل لو أنا مركب سوست سبور ،، أشيل 14 أو 15 عادي ؟!!
3-بما أننا شاهين زي بعض ،، :Oc_sun1[1]: ممكن تقولي بتعمل أيه في الفتيس،، بتحطله زيت أيه .!!! يعني أنا أحطله كام ،، عشان أنا عربيتي 2006 و مكملتش 5 سنين على بعض ،، حرام لما ألاقي فيها كل ده :((( هي عدت ال 78 الف ...:khd:
4- ممكن تقولي الشنطة عندك ،، السوستة اللي بتردها ،، متعشقة في الخرم الكام ،، هما سوستين واحدة يمين و التانيو شمال ،، ممكن تقولي كل واحدة محطوطة في أنه خرم من الخرام اللي في الشنطة ،، بمعنى أصح ... صورة حلوة كده ،، تفي بالغرض ،،
5-تعرف تكلفة وحدة رفع الزجاج للأربع أبواب ،، تعمل كام ،، و هل لو عملتها ،، حلاقي مساند أبواب شكلها حلو زي الأصليه و فيها الزراير ،، ولا حضتر أخرم في التابلوه ....
6-متعرفش كابل السرعات عندنا تمنه كام ،، لأن السبيدو ميتر بتاعي بيرعش جامد لحد أول 60 كم ،، و بعد كده بيثبت و مش بيترعش ،، سألت التوكيل قالولي الكابل عايز يتغير ..... :(
و للحديث بقية أن شاء الله ... بس أفتكر ...
بص العربية معايا ،، وحححححححححححش ،، بس بالقياس ،، يعني أنا بصراحة ،، العربية بتصد معايا دريفتات و شدد مواتير و أطول تقطيع و كل حاجة ممكن تتخيلها تهللك العربية ،، بعملها ،، و بجد بجددد صده معايا جامدأوي ،، و بترفع راسي قدام زمايلي اللي في الكلية ،، مع العلم ،، عربياتهم أوبل ،، رينو - كليو ،، سبرانزا الجديدة ،، بيجوه ،، جيتز ،، بولو ،، الحاجات دي ،، حاجات نظيفة أوي و بحترمها أوي ،، و مكنتش أتوقع أني ممكن أصد قدامها ،، و منها لانوس برده و حاجات تانية ،، و لقيت الشاهين صدت معاهم بجبروت فوق تخيلي أو الحدود اللي كنت راسمها للعربية ،،
ده بالنسبة للأداء الرياضي بتاعها معايا ،، و الله العظييم ،، عليها دريفتاية حكاااااية ،، و قبل كده 3 مرات كانت حتتقلب بيا ،، لدرجة كانت بتمشي بيا على عجلتين ، لحد متعودت على كده و بقيت أعرف أمتى أخليها تمشي على عجلتين و أمتى لا ،، و الحمد لله بقيت أعرف أتحكم فيها شوية و هي كده ،، بس دلوقتي أبتدت تفتح بقها جاامد ،، عشان كده بقالي حوالي كام شهر هادي بزياادة .... :))
بالنسبة بقا للأداء العائلي ،، فهي غنية عن التعريف ،،، بحط فيها أوزاان عجيبة ،، و بمشي بيها عادي في المكسرات ،، و مية مية ،، يا راجل دانا من جبروتي كنت بشد مع صاحبي بهزار كده ،، و لما حسيت انه حيطلع مني ،، و كان في قدامنا مزلقان ،، و مكسسسر ،، هو هدى طبعا،، و أنا ولاااا فرق معايا ،، عديت عادي ،، حسيت العربية أتفتت من تحت ،، بس رحت كشفت على العفشة في يومها من قلقي ،، لقيتها كويسة الحمد لله ،،
هي العربية حمالة أسية ،، من كل حاجة ،، بس وحاشتها ،،
بالنسبة لمحبي الأشكال الأنسيابية ،،، فهي لن ترضيهم على الأطلاق ،،
مريحة من الداخل ،، و لكن ليس بنفس القدر الكوري ،، من الرفاهية أو الياباني ــ أو ... او.... أو....... أي عربية "ماعدا اللادا"
>أنا بتكلم عن الجديد في نفس الئة السعرية و نفس الموديلات ،،
ثباتها معايا الحمد لله ،، كويس أوي أوي ،، و أحسن كمان من عربيات حديثة كتير ،، و بيتقال عليها نظيفة أوي و تضرب الشاهين بالجذمة ،،،،
أستهلاك بنزين معقول ،، قطع غيار في الأرض أساساً ,...
و كمان من ضمن عيوبها ،، أنك للو مصنتهاش ،، مش حتبينلك أنها عايزة صيانة على عكس الكوري أو الياباني أو أي عربية تانية ــ و تفضل كده ساكتة ساكتة لحد متفتح بقها و ميتقفلش بعيد عننك ،، لأسف أنا أعني ما أقول ،، مش بيتقفل ... "خالص"
عربية متعبة جداً في تعديلاتها ،، و مش أي حاجة تركبلها بسهولة ،،
سؤال بس الله يخليك ،، أنت قلتلي ،، أركب جنوط 15 ، بعد معمل تعديل في العفشة ،، قصدك بتعديل في العفشة ،، انه يفتحلي سبعات في تمنيات في العضم ،، و أعدل فيها كلياً ،، ولا يادوبك سوست سبور قشطة على كده ،،
لأني بالفعل لقيت لها سوست سبور كوني ... ب 2000 جندي :))
صاحب الموضوع معلش نسيت اقولك لو موضوع الزيادة بتاع البنزين استمر او زاد ابقي افصل او غير حساس السرعة مش الثروتل