الموضوع: عملت حادث بسيارتى كيا سيراتو و عاوز افضل مركز بيتعامل مع تامين

المشاركة الأصلية كتبت بواسطة tutankhamoun

ربنا يكون في عونك يا أستاذ أحمد و إن شاء الله العربية ترجع أحسن مما كانت .

بالنسبة لمكان التصليح هو طبعا التوكيل أفضل مكان و لكن الوقت فيه هايكون كبير علشان الزحام
و بالنسبة لكون عربيتك مواصفات خليجي ممكن فعلا يرفض دخولها (بس فيه أمل )
بس أنا عايزك تقرأ الخبر ده كدا

متشكر جدآ على المشاركة القيمة دى
و يا ريت حد يقدر يقول ايه الفرق بين مركز خدمة خارجى مثل
تكنو وان او الوكيل من حيث الخدمة و جودة الشغل


متشكر جدآ

اولا الف سلامه عليك وفى داهيه الحديد وربنا يهديك للمكان السليم

انا حصل معايا برده حادثه بس انا معايا لانسر وسالك فى التامين ايه الحل فقالى يامى توديها التوكيل وتدفع الفلوس وبعدين تيجلنا نحاسبك او احنا نوديك لحد تبعنا واحنا بنصلح عربياتنا الخاصه عنده وقد كان فعلا وديتها الورشه دى والحمد لله العربيه رجعت زى الفل بس اهم حاجه انك تتبعها وهيا عندهم يعنى مش ترميها هناك وتسبها وعلى فكره تامينى من مصر للتامين

فانا عايزك تسال الشركه الى الى المفروض يحصل فى الحاله دى

واتمنى من اى عضو يقدر حجم المشكله الى فيها اخونا احمد وممكن يبدى رايه بس باسلوب اشيك شويه وفيكون فيه تاهدئه لاحمد لان الصراحه فى كام مشاركه وانا بقراها انا انرفزت اوى الصراحه مع ان الكلام كله صحيح بس مش وقته

و الحمد لله انها مجتش فيك

وجزاكم الله خير

يا باشا زى ما أنا شايف انك مأمن مع قناة السويس ودول ليهم مراكز صيانة بيشتغلوا معاها فممكن العربية تتصلح هناك وكمان هما مش بيلزموك تدفع الفلوس وبعدين يدوهالك ... بس بصراحة أنا مش عارف جودة المراكز دى إيه

اخى الحبيب للاسف هناك بعض التعليقات المستفذة التى حاجة لها وارجوا الا تعريها اى انتباه فهى للهدم وليس للبناء ... زى مانت قولت فعلا انت مش بتعمل صيانة دورية او طالب منعم ضمان وهم فعلا حظروا فى الجرالئد اكثر من مرة على موضوع الخليجى بانه خارج الضمان وان التوكيل غير مسئول عن صيانته .. ( تانى ) عن صيانته وليس اصلاحه .. وانت ممكن تشوف حل معاهم ولكن فعلا سوف تستغرق السيارة الكثير من الوقت .. انا جارى معاه هوندا سيفك واتخبطت من الخلف شمال وقعدت فى التوكيل شهر مع انها لو برة سمكرة ودهان عادى شغل يومين بالضبط .. اسال وربنا يوفق واحنا كلنا حاسين بيك ونسال الله ان يجيرك فى مصيبتك ويخلف عليك بخير منها

بس يا باشا لوتعرف سمكرى كويس عنده سجل تجارى وبطاقه ضريبيه يبقى اتحلت ومافيش مشكله اما لو ما تعرفش يبقى اتجه لتكنو وان وهما هايظبتوك وممكن تكلم كريم منير وهو هايعرف يساعدك وعلى فكره هما شغلهم كويس جدا لانى سمعت ان التوكيل شغله مش اد كده وبالنسبه للاخ الى مش مقدر حالتك انا مش عارف اقول ايه بس احب اوضح ان توكيل رينو اللى هوا تحت نفس الشركه لو انت جايب عربيه رينو من اى حته فى العالم بتتدخل ضمان فورا بدون نقاش وانا باقول ضمان شامل بدون ولا مليم يعنى الفكره ان التوكيل بيستغل ان العربيه بتتباع كتير واهى سبوبه علشان يعوض فرق السعر بالاضافه ان الشركه الام مبتعملش اى حاجه فى الموضوع ده
عموما لو محتاج مساعده انا تحت امرك وكلنا هنا فى المنتدى بنساعد بعض وربنا يجيرك فى ازمتك

والله انا من رأى انك تتصل بالتامين وتشوف مراكز الخدمه اللى بتتعامل معاها
او توديها مركز تكنو وان على الاقل الناس شغلها قدام عنيك وسمعتهم بتحكم عليهم ان الشغل يكون نضيف لو مش بمزاجهميبقى غصب عنهم عشان شكلهم قدام المنتدى
وخد رايى التوكيلات فى تصليح الحوادث والله ماليها اى لازمه
انا وديت عربيتى قبل كده قعدت شهر واكتر من مره ارجعلهم بسبب الشغل اللى مش نظيف وقعدن حوالى 45 يوم على مارضيت استلم وكمان استلمت واقتناعى بالشغل مكنش جامد
حتى الاكصدام كان مرشوش وحش وباين و أى مبتدئ بمجرد مايشوفه يعرف انه مرشوش وحش رغم انه جديد
ده غير انهم خدوا اكثر من 7 الاف على شغل والله كله على بعضه ميتكلف ألف جنيه بره
فالصح اتعامل مع حد تعرف تتكلم معاه وتاخد حقك منه