Sear Altea XL vs Peugeot 308SW vs Kia Carens

**noload80** · 13-12-2010 01:51 AM

أنا عايز أجيب عربية عائلية.......امامي أكتر من اختيار :

كيا كارنز هاي لاين.......132000

بيجو 308SW.......... ب160000 .......ليست أعلى فئة

سيات التيا XL...........بـ160000.......Fully loaded

هيونداي i30CW.......بـ140000 هاي لاين

أنا مش ناوي ابيع قبل 5 سنين

**Formula** · 13-12-2010 01:09 PM

أعتقد طالما عربية عائلية.....يبقى المقارنة شبه محسومة (الأماااااان)
طبعا المقارنة هتبقى بين 308SW و Altea XL:

وبصراحة مش عارف اقولك ايه؟؟؟ الأثنين جامدين....!!!!!!
بس Altea Full Options هتبقى افضل خصوصا لو مع فتيس DSG زى اخواتها لكن يعيبها سعر اعادة البيع (مقارنة بال 308 الى حد ما)

و اعتقد انها اوسع كتييير من ال 308 SW
وخد بالك ان الأثنين قطع غيارهم و صياناتهم غالية (اباظة او غطاس) مقارنة بالكوريات طبعا

**ghazy12** · 14-12-2010 02:56 PM

رأي الشخصي... لو هنرتبهم, يبقى الترتيب كالاتي...

1- سيات التيا XL (لانها كامله)
2- بيجو 308 Sw (رأي انها رقم 1 لو كانت هاي لاين)
3- كيا كارينز (عربيه محترمه جداا لكن الاوروبي يكسب)
4- هيونداي I30cw (عربيه كويسه لكن الكارينز اكبر و اكثر نجاحاً)

الالتيا عربيه اسبانيه بتكنولوجيا المانيه من فولكس فاجن, فيها كل اللي تتمناه
من كماليات و عوامل امان و تجهيزات الى جانب انها واسعه و مريحه
جداا, و متميزه شكلاً و موضوعاً, لكن سعر اعادة البيع ضعيف شويه,
و كعادة كل الاوروبي صيانه و قطع غيار غاليين شويه عن الياباني و الكوري...

البيجو تحفه فنيه, و انا بحبها جداا لانها عربيه عائليه لكن شييييك جدااا
بس انت بتتكلم عن الكاتيجوري الاقل من الهاي لاين, و كده يبقى الالتيا
تكسب لانك لما تركب عربيه, اركبها كامله هاي لاين افضل علشان تستمتع
بكل حاجه فيها, و البيجو لو مش هاي لاين, انت مش هتستمتع بالعربيه...

الكارينز من السيارات العائليه الناجحه في مصر, و فعلاً تستحق النجاح ده,
العربيه جميله جداا, و واسعه فعلاً, مريحه, سعرها معقول, سعر اعادة
البيع عالي نظرا للانتشار, مصاريف تشغيل معقوله لانها كوريه,
لكن طبعاً الاوروبي جودته اعلى, و عوامل الامان فيه بردو اعلى كتيير,
و بالتالي الالتيا و البيجو يكسبوا لو قارنتهم بالكارينز و الـI30...

الـI30 عربيه كويسه, لكن طراز CW العائلي مش حاسس انه نجح في مصر
زي الكارينز, ده الى جانب ان الكارينز افضل من حيث الوسع و الانتشار

ده رأي بشكل عام يا باشا, و لك حرية الاختيار و القرار اولا و اخيراً ليك...

تقبل تحياتي...

**noload80** · 14-12-2010 04:47 PM

متشكر يا جماعة على الردود......انا فعلاً الاختيار الاول ليا هوا السيات......خصوصاً انها كمان اعلى فئة
انا كان عاجبنى اوى البيجو عشان شكلها تحفة بس حكاية انها مش الهاى لاين مخلينى مش راضى عنها اوى خصوصاً ان ما عنديش امكانيات اجيب الفئة الاعلى....
موضوع اعادة البيع هو اكتر مشكلة بس انا بقول مادام ما عنديش نية قبل 5 , 6 سنسن انى ابيع يبقا مافيش مشكلة......

**AHMED REFAT** · 15-12-2010 03:33 AM

المشاركة الأصلية كتبت بواسطة noload80

متشكر يا جماعة على الردود......انا فعلاً الاختيار الاول ليا هوا السيات......خصوصاً انها كمان اعلى فئة
انا كان عاجبنى اوى البيجو عشان شكلها تحفة بس حكاية انها مش الهاى لاين مخلينى مش راضى عنها اوى خصوصاً ان ما عنديش امكانيات اجيب الفئة الاعلى....
موضوع اعادة البيع هو اكتر مشكلة بس انا بقول مادام ما عنديش نية قبل 5 , 6 سنسن انى ابيع يبقا مافيش مشكلة......

توكل على الله فى الالتيا ولن تندم ان شاء الله .. الاختيار الامثل على حق .. بالتوفيق

**simon659** · 18-12-2010 10:25 PM

بعد مسا الخير انا خدت زميلي بعربيته الكارنز ورحنا مرسي مطروح العربيه ثابته جدا موفره في البنزين والعربيه زي اللسعه في الجري وعاليه جدا في المطبات ومش بتهبط مريحه جدا شنطه وسعه جدا تمنها رخيص بلنسبه للمقارن بهم انا من رأي عربيه رائعه وهو انا ازود فلوس علشان اجيب وجع القلب في قطع الغيار ده حتي السير كاتينه حديد وناعمه جدا يعني العربيه زيت وبنزين وشكرا وضيف علي كده فرامه الabs الي فيها فعاله جدا جدا جدا جدا واسف علي الاطاله واتمنالك التوفيق

**Formulator** · 18-12-2010 11:03 PM

المشاركة الأصلية كتبت بواسطة simon659

العربيه ثابته جدا موفره في البنزين والعربيه زي اللسعه في الجري وعاليه جدا في المطبات ومش بتهبط مريحه جدا شنطه وسعه جدا تمنها رخيص بلنسبه للمقارن بهم انا من رأي عربيه رائعه وهو انا ازود فلوس علشان اجيب وجع القلب في قطع الغيار ده حتي السير كاتينه حديد وناعمه جدا يعني العربيه زيت وبنزين وشكرا وضيف علي كده فرامه الabs الي فيها فعاله جدا جدا جدا جدا

كلام حضرتك مضبوط... بس الكارينز اقل منهم بكتير فى كل المميزات اللى قولتها
يعنى ثبات مش زى الألتيا ولا ناعمة زى البيجو ولا أمان وفرامل زى الأثنين مثلا...!!!

الميزة الوحيدة قد تكون سعر قطع الغيار... وده طبيعى هيبقى اقل علشان سعرها اقل منهم..؟؟؟!!

وانا رأيى الشخصى ان الألتيا لو تعليقها الخلفى multi-link (ده اكيد)... وفتيسها DSG (مش متأكد)... تتفوق, خصوصا لو بالسعر ده Fully Loaded يبقى شكرا لل308