والله يافارما من كام يوم دخلت على بروفايل لبنت ومتصورة مع صاحبتها
وشوية تعليقات بقى لوز لوز لوز ههههههههههههه
اكتر تعليق استفزني بيقول فيما معناه ان البنت حلوة
هي :بتسأله انهي واحدة .. عايزة تطمن هي ولا صاحبتها
طبعا حضرته اكدلها انها المقصودة
عايز الحق ال2 شكلهم يقطع الخميرة من البيت
مش عشان وحشين
عشان شكلهم باين عليه انهم متصورين عشان الصورة تنزل النت
المشكلة ان البنات بيصدقوا نفسهم ومقتنعين ان الشباب مش قادرين يقاوموا جمالهم الآخاذ
مش فاهمين ان ده اسلوب تعالب للوصول للبنت
مرة شاب قريبي صغير قال جملة قعدت ترن في وداني
بيقول كله بيجي بالمسايسة
يانهاري ده لسه مطلعش من البيضة
ولا واحد مثلا مظهره يدل على مدى الالتزام الاخلاقي وممكن تلاقي علامة صلاة في وشه وملتحي كمان
وشغال شغل العيال الصغيرة في الماسنجر او نقول شغل التعالب
وتعالى بقى في بعض المنتديات
انتي وردة المنتدى ., انتي اميرة المنتدى .. انتي فراشة المنتدى
وهي تستحثه عشان عشان يزيد ومش ناقص غير تقوله قول كمان
الواحد مبقاش فاهم هل ده عدم اشباع عاطفي ولا مراهقة واخدة حقها شويتين ولا ايه
المشكلة الحقيقية ان في ناس عايزة تصدق وفي ناس ممكن تقاوم لفترة وفي ناس بيجي عليها اوقات ضعف لسبب ما وبتبقى زي الفريسة كل الوحوش قاعدين منتظرين لحظة الانقضاض
المفضلات